KEKULI 7:60 - Kemethajüh (N) (Re-editing) Bible (BSI)

⁶⁰ Ma khutsüdu misikhhali jisha nu, “Apvüwa! Kesami ha pi mathu miwi nchi lalo!” Ma ha khichi nu shü wa.

KEKULI 7:60 Iomraidhean Croise

EZRA 9:5

Minulen wi ahhansha kesa tsüwa na kegho wi hi donki nu ihathana keben pen wina shagha, nu khilila hi ithsü kemezüqhe tsü mphi den, hi akhhutsüdu ikwen zanki pi Apvüwa iNyiza wi kekhie sa.

DANIEL 12:2

Shükea nyi kejonla hangneng-shagha den; pahan na anuphan kahang wi anonghe den, nu pahan na anuphan kejüghekeya wi ketizen sa waben.

DANIEL 6:10

Khathansha wi Daniel na ahza tsü miwi kadimiwa nyan zhükidha le kesa zaya khe ma ajjen wi wha. Ma jjensha tangwa keshondhi kesü wi jjenkubhi na Jerusalem wiwa jatan ben. Ciwi ma keshüthangla sa keten ti jjenkubhi tsü sha nu akhhutsüla ghanan kesü wi kecheng tughu Anyiza wi kekhie sa.

MATHI 27:52

nu ashüjjenthu shachi, nu Anyiza nyi shü kesathu kejon la hangneng-shagha.

MATHI 5:44

Isala hi khili nthu kizaden: nthu ghinyithu tizenya nu nthu metenmesha ketenthu ghena khielo,

Luk Zhükechi Jühtheü Kemehaiwa 22:41

Tsaseng wi ma mathu teshi nu alon pi kethenchi-u wi wa ma khutsüdu nu kekhie sa.

Luk Zhükechi Jühtheü Kemehaiwa 23:34

Jisu na khi, “Iba, mathu kesami teshi pi cülo, kepaghenanye mathu na mangwa saben khe mathu nchü.” Mathu na akezen wwi nu ma thsümeni tsü pi mathu jawi gishüya.

Luk Zhükechi Jühtheü Kemehaiwa 6:28

sawegü pi nthu kishencü ketenthu cü, nu nthu nkhichila ketenthu ghena kekhie salo.

JOHAN 11:11

Jisu na ajüh hati khi nu mathu wi kiza, “Ikhang pvüshangwa Lazar na jen wadha, isala hi wala ma pamechü aden.”

KEKULI 13:36

David na ma kahang wi Anyiza kemeshenwa tsü sa nu shü, nu ma pi ma bamyithu kete wi vhüa. Ma kamang na ashüjjen wi bighe.

KEKULI 20:36

Paul na ajüh tsü khidhi meyi mathu ssinu akhhutsüdu mathu tsüdi ghena kekhie sa.

KEKULI 21:5

Isala ikhang na matsü cenkeya seng wi mathu teshi nu alentsen wa, nu mathu tsüdi mathu wubvü, tsangathu ssinu ikhang ssi wa anyu khensha wi aghüsa wi chicü. Ciwi ikhang tsüdila akhhutsüdu gweghe kekhie sa nu keteshili wa.

KEKULI 9:40

Pitor na mathu tsüdi kesun pi akhemi wi shhu thsü nu ma akhhutsüdu kekhie sa; tsaseng wi ma khapeghe wa akamang tsü ghang nu khi, “Tabitha, shagha lo!” Nzawa na ma nyon kü shagha Pitor muya nu shagha donki wa.

1 KORINTHNYI 11:30

Tsalina nthu kejon na naa nu nzüla ben, nu pahan na shüdha.

1 KORINTHNYI 15:18

Isalethu, Khrista wi shü kesathu la dedia kesa.

1 KORINTHNYI 15:20

Isala atsentsawa tsüna keshü wi jen kebenthu bi atuwa sala keshü wina Khrista sa pi hangya thsüdha.

1 KORINTHNYI 15:51

Kekuthi tsentsawa ha kinachilo: ithu tsüdila shü nben, isala khathansha wi tutuwa sakhen tsü khou chi khe ithu tsüdila wan anyon kekama kesü jüwi kemiliaben. Kepaghenanye khathansha wi tutuwa sakhen tsü khou chi khe keshü na hang shagha nu khiela shü neng nben, nu ithu tsüdila kemiliaben.

1 KORINTHNYI 15:6

Tsaseng wi ma kutitan na ma senkeniethu meza manga gilli tu wi gho, mathu pahan na shüdha, isala kejiwa na khili la hangben.

1 THESSALONIKANYI 5:10

Ma kegho wi ithu na hang benle shü lela ma gweghe hangya thsüle kesalina ma ithu ghena shüdha.

2 TIMOTHI 4:16

Hi ketanla isheikekhi atuwa tsü wi thola hi gweghe nbenla hi teshi nu bvüshan. Anyiza na tsü pi mathu nkemeshensawa salo!

2 PITOR 3:4

nu keüben, “Ma gho neng benle khishikechi tsü khati sadha nu? Ma khiwa ben nu? Ithu bathu na shüdha, isala pala tsüdila kheni ayyi sachi tegü wi makesü saben le!”