KEKULI 7:52 - Kemethajüh (N) (Re-editing) Bible (BSI)

⁵² Nthu bamyithu na atusenjüh- kechüthu kesüla nkemeten-kemesha ben kwe? Mathu na kheni na Anyiza nyilothu na ketsatan maghawa gho keten cüki kekhithu tsü pathia. Nu nthu na khili ma kematsa nu kepathithu sadha.

KEKULI 7:52 Iomraidhean Croise

1 KADIMITHU 19:10

Ma luneng, “Kemisintsa Apvüwa Anyiza, hi keshüthangla no kekuli ketan saden. Isala Israel nyithu na no ssinu cenkethenjüh tsü pakhhidha. Hi hi ketan sadha, nu mathu na hi la pathiale saben le!”

1 KADIMITHU 19:14

Ma luneng, “Kemisintsa Apvüwa Anyiza, hi keshüthangla no kekuli ketan saden. Isala Israel nyithu na no ssinu cenkethenjüh tsü pakhhidha, no kekinyipen yasa, nu atusenjüh-kechüthu tsüdi pathikhidha. Hi hi ketan sadha, nu mathu na hi la pathia le saben le!”

2 KHENICÜKI 36:15

Apvüwa, mathu bamyithu Nyiza na atusenjüh- kechüthu kesun pi ma nyithu kitsan kinie sa, kepaghenanye ma mathu nu Kekinyijjenwa tsü heishaya mvu sa.

2 KHENICÜKI 36:16

Isala mathu na Anyiza nyilothu pi keponsa sa, ma jühthu pi koghobvü nu atusenjüh-kechüthu nankeqhe, tsüti Apvüwa lebenketsu na ma nyithu shun ntsa sa nu shukeya nmila.

NEHEMIYA 9:26

‘Isala n-nyithu na no shun nu njüh nkina; mathu na n-Yenwa tsüpi mathu sengwi chia. Mathu na atusenjüh-kechüthu mathu kitsan kechithu, kheneng sen nu no wi gholo mathu kekizathu tsü pathia. Mathu na matsüdi wi no kimenni,’

JEREMIYA 2:30

Hi kemeten pi no cü, isala tsüna mangla kemehai sa meya. No hi ya no satemeshon nsa thsü mvula. No ssensitemi kedaggü kesü ti atusenjüh-kechüthu pathi.

JEREMIYA 20:2

ma hi kiccü nu amighe ssüli pi hi hu pi Kekinyijjen wi Benjamin khweti-jenka kete wi chia.

JEREMIYA 26:15

Isala ha chütiyalo: keujüla nthu na hi pathi lethu nthu nu anyunuti hawa wi kahangthu na kesami nkemi nyi kepathi ghena sami shaben, kepaghenanye hi kesun pi kekitsan jüh ha kekhi thsüwa tsüna Apvüwa le.”

JEREMIYA 26:23

Mathu na ma ssi neng gho Kadimi Jehoiakim cüa, nu ma ma pathi nu ma kamang pi nyu kevhüpen wi khala.)

ZEKHARIYA 9:9

Zion nyithu! Anongheyalo, anongheyalo! Jerusalem nyithu, anonkeghe ghena jishalo! Ghangchilo, nthu kadimiwa na nthu wi gho tendha! Ma khang ntsa nu nyankethang sala ghoden, isala ma satemeni nu gada kesü miwi donki ben—— gada zza kesü miwi ben.

MATHI 5:12

Anonghe nu nongyalo, kepaghenanye nthu thün kemehaiwa tsüna tang wi ben. Kheni anyithu na hatinu nthu tuwi atusenjüh-kechüthu la metenmesha.

Luk Zhükechi Jühtheü Kemehaiwa 6:23

Tsü ghanan nthu anonghe nu nashü benlo, kepaghenanye nthu kutimen tsüna tang wi ben. Kepaghenanye mathu bamyithu la atusenjüh-kechüthu miwi tsü makesü sale.

JOHAN 16:10

mathu na ketsatan cüki wi sazzi ben, kepaghenanye hi iBa wi wa tendha nu nthu na hi mu nbendha,

KEKULI 2:23

Anyiza na ma kenen nu kemeshen wina Jisu pi nthu kwen wi chicü, nu nthu na ma pi kesami nyithu cü nu pi kross miwi jen thsüa.

KEKULI 22:14

Ma khi, ‘Ithu bamyithu Nyiza na no yala ma kemeshen chüya, ma ketsatan maghawa muya, nu ma hhai zaya thsüle kesalina no kessi yadha.

KEKULI 3:18

Anyiza na kheni wi atusenjüh- kechüthu wina Khrista na ketizen saben kesa khi ketheng tsü hati nu cenya thsüdha.

KEKULI 3:24

Atusenjüh- kechüthu, Samuel nu ma seng wi keghothu tsüdila ketsijüh-khi nu shita-ghanen mangwa saben khe tsü cüki la khi.

KEKULI 4:10

nthu nu Israel nyi tsüdila chüyalo; anyi hawa ha Nazareth nyiwa Jisu Khrista, nthu na ma pi kross miwi jen, nu Anyiza na keshü wina ma sa pi hangneng kecüwa nyan kekhang wina ma sa pi mehaitha yadha, nu anyi ha nthu tuwi ngan ben.

1 THESSALONIKANYI 2:15

Mathu na Apvüwa Jisu nu atusenjüh-kechüthu pathi nu ikhang meten-mesha. Mathu na khatila Anyiza nkenen sa nu! Mathu na khatila anyi tsüdi nanmeghü ben nu!

2 TIMOTHI 3:4

mathu na nyu mechu, nkiden-kesha, nu awikesa saben; mathu na Anyiza ketizenwa nyela asajjü kenenwa saben;

1 PITOR 1:11

Mathu na matsü khati kesa wi nu khati sa ghoben khe tsü chüya le bha. Hawa ha Khrista Ghamu na mathu miwi ben nu npi wina Khrista ketizen kesa nu anyankethang muya keten cüki tsü khi.

1 JOHAN 2:1

Itsangathu, nthu ya nsami thsüle kesalina hi ha zhü pi nthu cüben; isala keujüla anyi kesü na sami lethu, ithu na meshu kesü Abawa wi ithu sheikepiwa na ben, tsüna ketsatanwa Jisu Khrista.

CCÜCAKECHI 19:10

Hi ma ccü wi qancadu ma kinyile sa, isala ma hi wi khi, “Tsüti nsa lalo, hi la no nu ncünyuthu, Jisu pi ccücakechi atsentsawa tsü ghansen ketenthu tsüdi ti kesa amagha kesü le. Anyiza kinyilo!” Kepaghenanye Jisu pi ccücakechi atsentsawa tsüna atusenjüh-kechüthu kechüchiden.

CCÜCAKECHI 3:7

“Pi Filadelfia kemehu nyilowa kecü zhüya: “Hawa ha metha nu atsentsa saben ketenwa ketsijüh. Ma David ji shakhen pi ajenka sha lethu thola khenya nketen, nu khen lethu thola shaya nketen tsü ben.