KEKULI 7:51 - Kemethajüh (N) (Re-editing) Bible (BSI)

⁵¹ Stefan na mathu wi khi, “Nthu na khatila leben dhu nu! Nthu leben na Anyiza nkechüthu leben ti, nu nthu khuna tecu pi Anyiza ketsijüh tsü kina meya! Nthu na nthu bamyithu ti, nthu la Kemetha Ghamu tsü ssi kaghashenden!

KEKULI 7:51 Iomraidhean Croise

2 KADIMITHU 17:14

Isala mathu na tsü n-nie mvu; mathu na mathu bamyithu ti leben-dhu nu Apvüwa mathu Nyiza tsü n-nondi.

2 KHENICÜKI 30:8

Mathu ti leben-dhu nbenla isala Apvüwa jüh kinalo. Apvüwa nthu Nyiza na anuphan ghena sapi metha kethengwa Jerusalem wi Kekinyijjen witsü gho ma kinyilo, isathu ma nthu miwi ma lebentsu nbendha.

NEHEMIYA 9:16

Isala ithu bamyithu na kapvü nu leben-dhu wa, nu n-yenkhukechithu tsü n-nie mvula.

NEHEMIYA 9:30

No lebensie nu amapi kaghapen mathu kitsanchi, no atusenjüh-kechüthu kechüchi pi khi thsü, isala n-nyithu na akhuna decua, tsalina no mizzatenti kepathu ya mathu miwi khangya thsüa.

ZAKECI 75:5

Mathu wikesa tsü teshi yilo kiza.”

ZAKECI 78:8

Mathu na mathu bamyithu, kematang, nu ajüh nkeyathu, khiela Anyiza kenondi wi nzü, nu ma wi atsentsa sa nketenthu tsüti nsadha.

BVÜKESHHU 32:9

Anyi hathu ha khatila leben dhu khe hi chüben.

BVÜKESHHU 33:3

Nthu na ayyi kemehai nu kinyan pen witsü wa tendha. Isala hi nthu gweghe wa nten, kepaghenanye nthu na leben kedhu nyithu nu hi alenca wi nthu yasathu meshü.”

BVÜKESHHU 33:5

Kepaghenanye hati mathu kizalo Apvüwa na ahza pi Mosa cü theng, “Nthu na leben kedhu nyithu. Hi matsü keujü nthu gweghe wa lethu hi nthu yasatha sa cüben. Khili nthu gwo wi alon menkedhu tsanqai tsü khushi pilo, isathu hi nthu ssinu mangwa saten khe chüyaben.”

BVÜKESHHU 34:9

Ma khi, “Apvüwa, no ntsakhiwa hi nen lethu ithu ssinu walo, hi no wi khieben. Anyi hathu na leben kedhu nyi, isala ithu nkemehai nu kesami teshi cü nu pi n-nyi sayalo.”

ISAYA 48:4

Kepaghenanye nthu na leben-dhu le kesa hi chü, nthu sun na zü pi amighe ti nu nthu tie na khang pi lezza ti le.

ISAYA 63:10

isala mathu na ma matangla shun nu ma kemetha ghamu sapi ahathana ntsa sa thsüa. Tsalina Apvüwa na mathu ghinyi sa nu mathu ssikaghashen.

JEREMIYA 17:23

Mathu bamyithu na ijüh nkina nyelela mathu leben nchi. Tsüti kesawa nyela mathu na leben-dhu wa; mathu na ijüh nkina mvu nyelela hi wi pala chüya mvuthi nsa.

JEREMIYA 4:4

Nthu Pvüwa, hi ssinu cenkethenjüh tsü nieya, nu nthu ketanla nthu pi hi cülo, nthu Judah nu Jerusalem nyithu. Keujüla nthu na tsüti nsa lethu, nthu nkemehai sa kethengwa tsü ghena hi aghekepvü na anni ti qhe aben. Tsüna mecangden, nu thola tsü patenenya nben.”

JEREMIYA 6:10

Hi luneng, “Hi mathu ccüneng nu kitsanchi lela thowa na ijühkina nu? Mathu na leben-dhu nu no ketsijüh nkina mvu; mathu na no hi ya khilo kekiza jüh tsü nankeqheden.

EZEKIEL 2:4

Mathu na leben-dhu nu hi nyuwakü nsa, tsalina hi no kesun pi Kemisintsa Apvüwa, hi mathu wi kiza keben jüh hapi mathu kiza thsüle saben.

EZEKIEL 44:7

Mathu na ayhu nkahan asang, ijüh kina nketenthu ya asa kethu nu ajjü pi kekinyi sapi hi cü keben jüwi Kekinyijjen wi kedu thsü ghena hi Kekinyijjen sapi nmetha thsü ladha. Tsalina inyithu na nankenontssü kekuli tsüdi kesa wina hi cenkethenjüh bheghedha.

EZEKIEL 44:9

“Kemisintsa Apvüwa na khishiben, asang ayhu nkahan ijüh kina nketenthu kesüla hi Kekinyijjen wi dukeya nmi; asang Israel nyithu jawi hang ketenthu kesütanla dukeya nmi.”

LEVIYEN 26:41

hi mathu shun nu kushi pi mathu ghinyithu yyi wi kesunchi kesa kesami tsü khishiben. Asakhen wi nthu shicüthu na mathu kesami nu kematang kutimen mukeya seng wi mathu satemeni chi lethu,

SHICÜSI 27:14

kepaghenanye nshinyi qho Zin ghansha wi iyenkhukechi tsü matangla shun kesalina. Meriba wi azitenti mabenla leben-nkaghajüh khi nu hi keshun wi nshinyi na mathu tuwi hi kemetha kekhangwa tsü nkechü ghe sala hhaghe.” (Meriba na Zin ghansha wi Kadesh wi tssükebvüpen kesü.)

KEKULI 6:10

Isala Aghamu na kemetsa pi Stefan cü nu ma ajüh kekhi wi mathu na ma nchala.

KEKULI 7:27

Isala anyi ma pvüshangwa kiccü kebenwa na Mosa deshen pi bvü thsü nu khi, ‘Thowa na no pi ishinyi pendhewa nu kaghanwa sa thsü nu?

KEKULI 7:35

“Israel nyithu no meya mvula kesawa tsüna Mosa. Mathu ma wi keü, ‘Thowa na no pi ishinyi pendhewa nu kaghanwa sa thsü nu?’ Anyiza na Mosa kesun pi ma nyithu miwi kekhang kesenwa nu aghangbhon kemecang wi ma tuwi keghowa tangnyilowa tsü kekiqa sen nu mathu lisha chicüle sa thsü.

KEKULI 7:39

“Isala ithu bamyithu na ma jüh nkina mvula; mathu na ma teshi theng nu Ejipt wi wa neng mvu sa.

KEKULI 7:9

“Ithu bamyithu na Josef ghang pi anyonsa nu ma ghan pi Ejipt wi nyu nssümagha sala jeü chia, isala Anyiza tsü ma ssiden,

ROMNYI 2:25

Keujüla no Ayenwa tsü nie lethu, no ahyukahan tsüna ma men ben, isala Keujüla no Ayenwa tsü n-nie lethu, no ahyu nkahanwa la mehai.

EFESANYI 4:30

Nu Anyiza Kemetha Ghamu tsü sa pi ahathana thsü nsala; kepaghenanye Aghamu tsüna nthu Anyiza jile kesa nkhenshadha, atsathang gho ketenwa wi Anyiza na nthu hangshaya ben kesa chütiben.

AYENZHÜNENG 10:16

Tsalina nthu khili nten na Apvüwa jühkina nu leben-dhu nbenla yilo.

AYENZHÜNENG 30:6

Apvüwa nthu Nyiza na jühkeya leben pi nthu nu nthu shicübvüghathu cü, isanu nthu na nthu leben tsüdi pi ma tizen nu nthu na ayyi ciwi hangki benya ben.

AYENZHÜNENG 31:27

Mathu na khatila leben-dhu nu kematang nyi khe hi chüben. Mathu na hi kahang tsüwi Apvüwa matang, nu hi keshü seng wi lela mathu na tsümiwi ma matangben.

AYENZHÜNENG 9:13

“Palah Apvüwa na hi wi khi, ‘Anyi hathu ha khatila leben-dhu khe hi chüben.

AYENZHÜNENG 9:6

Nthu na ayyi kemehai ha keya qo ghena Apvüwa na tsüpi nthu cü nbenle kesa chüyalo. Nyele, nthu na lebenkedhu nyile.

FILIPPINYI 3:3

Atsentsa ahyukahan saya kesathu tsüna ikhang khe mathu nye, kepaghenanye ikhang na Anyiza Ghamu wina ma kinyi nu ikhang Khrista wi kahang ghena anonghe den. Ikhang na kenondi pi asajjü kekuli miwi chi nten.

KOLOSSINYI 2:11

Khrista wina nthu na ahyuhandha, nthu hyukahan tsüna anyi na nyela Khrista na nthu hyuhandha, tsüna kesami kekhang wina nthu lishayadha.