KEKULI 7:49 - Kemethajüh (N) (Re-editing) Bible (BSI)

⁴⁹ ‘Apvüwa na khi, tang wi tsüna hi kadipen, nu ayyi tsüna iccü kenni pen. Nthu na ajjen khati kesa sa pi hi cü mvu ben nu? Ighena kemnanpen tsüna khiewa nu?

KEKULI 7:49 Iomraidhean Croise

1 KADIMITHU 22:19

Mikaiya na khiwa: “Khili Apvüwa na mangwa khiben khe kinayalo. Hi Apvüwa na tangwi ma kadipen wi tangnyilothu tsüdila ma vüla donki keben mu.

1 KADIMITHU 8:27

“Isala, O Anyiza, no ntsakhiwa ayyiwi hangya mehai kwe? Tangwi maben lela nghena zza mtsü, isalethu, khatinu hi nghena sa ketheng Kekinyijjen ha no pen qoya mehai nu?

2 KHENICÜKI 6:18

O “Anyiza, isala no ntsakhiwa ayyiwi nza nu npvüzathu jawi hangya mehai kwe? Tangwi maben lela nghena zza mtsü, isalethu khatinu hi nghena sa ketheng Kekinyijjen ha no ben qoya mehai nu?

ZAKECI 11:4

Apvüwa na ma kemetha Kekinyijjen wi ben; ma kadipen tangwi ben. Ma apen tsüdi wi anyi tsüdila ghang ben den, nu mathu na mangwa kuliben khe tsüdila chüben.

ISAYA 66:1

Apvüwa na khiben, “Tang tsüna hi kadipen, nu ayyi na iccü kennipen. Isathu nthu na ighena ajjen khati kesa saya mehai nu apen khati kesa pi hi hang thsüya ben nu?

JEREMIYA 23:24

Anyi thola hi ma muya nkeben pen wi kuthiya nben. Nthu na hi tangwi nu ayyi wi lela apen tsüdi wi keben tsü nchü kwe?

MALAKHI 1:11

Ayyi ccügwen kesü na wa pahanwa kecu wi anyithu na hi kinyi ben. Apen tsüdi wi mathu na hankedemvu mecang pi hi kinyi nu keya qo ahhanshathu khuchi ben. Mathu tsüdila hi kinyikü ben le!

MATHI 23:22

nu anyi kesü na tang wi khi pi kishen lethu, ma Anyiza kadipen nu ciwi donki kebenwa tsü khi pi kishen ben.

MATHI 24:2

Ma khi, “Anle, nthu na hathu tsüdila muben. Hi ha pi nthu kizaden, hewi alon kesütanla ma pen wi nbenla nu tsüdila pasha benle.”

JOHAN 4:21

Jisu na nzawa wi khi, “Nzawa, hi nondilo, anyithu na ayikha ha miwi nyelela Jerusalem wi ketan nyela Abawa kinyi keten matsü na ghoden.

CCÜCAKECHI 3:21

Hi khangya nu khili iBa kadipen wi ma kete wi donki keben ti khangkeyathu ya hi kadipen wi ikete wi donkiya kemehai pi cüden.