KEKULI 7:42 - Kemethajüh (N) (Re-editing) Bible (BSI)

⁴² Tsalina Anyiza na mathu teshi nu mathu yala tang wi ghotsithu kinyi wa thsü, tsüna atusenjüh- kechüthu lesüshen wi zhü ketheng ti: ‘Israel nyithu! Nthu na amapi jügha ayyikeshü wi keten wi, nthu na aghangsathu pathi pi ahhansha sa pi hi ncü.

KEKULI 7:42 Iomraidhean Croise

2 KADIMITHU 17:16

Mathu na Apvüwa mathu Nyiza yenthu tsüdila pakhhia nu amighe pi amesü zza asüpon keni zhü nu kinyi; mathu na acenpvü nzawa Asherah tsikezhü kesü la zhü, ghotsithu kinyi, nu Baal cenpvü kekuli sa.

2 KADIMITHU 21:3

Ma ma ba Hezekiya na yasa kesathu Anyiza nkechüthu kekinyipenthu tsü saneng; ma Israel Kadimi Ahab na kesa ti Baal kekinyipenthu sa nu acenpvü nzawa Asherah tsikezhü kesü sa. Manasseh na ghotsithu la kinyi.

ZAKECI 95:10

Amapi jügha hi mathu ssi pi inonhi wa. Hi khi, ‘Mathu khatila ajüh meya, nu ayenkhukechi tsü n-nie mvula nu!’

ISAYA 43:23

No khaghaneni mecang pi kinyi keten sengho hi ncü; no kekinyi khukechi pi hi nkinyi. Hi pala khukechi khie pi nkhhi nkiyan thsü, nu hankedemvu khie pi nlikedhamang nsa thsü.

ISAYA 63:10

isala mathu na ma matangla shun nu ma kemetha ghamu sapi ahathana ntsa sa thsüa. Tsalina Apvüwa na mathu ghinyi sa nu mathu ssikaghashen.

ISAYA 66:4

Tsalina hi kededi mathu na messi ketenwa tsü sengho mathu miwi chiaben, kepaghenanye thola hi keci tsü nluneng nyelela ijühkekhi tsü nkina. Mathu na ijüh nkina nu nkemehaiwa sale kessiya.”

JEREMIYA 19:13

Jerusalem jjenthu, Judah kadimithu jjenthu, nu ajjen miwi hankedemvu mecang pi ghotsithu kinyi nu ciwi na kisengtssü meyisha pi acenpvü kepathu kinyi kesa pen tsüdila nmetha pi Tofeth ti saaben.”

JEREMIYA 8:2

Saghu pi vhü nsala mathu gü na ayyi miwi kele pi ayyi kemehai ti saaden. Tsüthu pi anyi hathu na ghali nu kekuli sa, mathu ccüneng nu kinyi keghothu aghani, asha, nu ghotsithu tuwi vvüzighe den.

EZEKIEL 20:25

“Tsaseng wi hi nkemehai yenthu nu kahang sengho nketen jühkhukechi pi mathu cüa.

EZEKIEL 20:39

Kemisintsa Apvüwa na khi, “Khilitsü Israel nyithu, nthu tsüdila nthu kenen saya yilo! Nthu na atsikezhüthu tsü kinyi benlo! Isala haseng witsü nthu na ijühkina nu ajuthu pi atsikezhüthu kinyi nu inyan kemetha kinakhiwa tsü nsa lalo kesa nthu kitsan ben.

EZEKIEL 8:16

Nu ma hi ssisen Kekinyijjen ccühha anonwa wi du. Ciwi kemetha pen wi kedulen kete wi kekinyipen nu accühha manyi jüwi, npvüza nkwe nu manga-u na ben. Mathu na mathu ghatsü pi kemetha pen wiwa sa nu nishu wiwa kukedu aghani keshhugho tsü kinyiben.

HOSEYA 4:17

Israel nyithu na atsikezhüthu wi ben wadha. Mathu ketanla mathu kesasa sa thsülo.

JOHAN 6:45

Atusenjüh-kechüthu na zhütheng, ‘Anyiza na mathu tsüdi sansi cüben.’ Abawa jüh kina nu ma wi chükeyathu tsüdila hi wi ghoben.

KEKULI 13:40

Tsalina atusenjüh-kechüthu na kekhi jüh tsü nthu miwi nsacen thsüle kesalina kiden-kesha yalo:

KEKULI 7:36

Ma Ejipt wina anyithu ssinu shhu, ma Ejipt nu Kenmie Tssükedone, nu ayyikeshü wi amapi jügha azensuthu nu amankesathu kuli.

AYENZHÜNENG 17:3

tsüna Apvüwa yenkhukechi tsü matangla acenpvü kepathu nyelela aghani, asha, ghotsithu kinyi nu kekuli sawadha le kesa zaya.

AYENZHÜNENG 4:19

Nthu mechu pi atssan wi mukeben tsü kinyi nu kekuli nsa thsüla — aghani, asha, nu ghotsithu. Apvüwa nthu Nyiza na anyi kepathu tsüdi yala tsüthu kinyi thsüle khuchidha.

IBRINYI 3:9

Ciwi mathu na amapi jügha tsü hi kekuli mu lela, mathu na hi ghan-nan wale, Anyiza na khiben.

JOSHUA 24:20

Keujüla nthu na ma teshi nu asang cenpvüthu kekuli sa wa lethu, ma kheneng nthu shun nu kemeten pi nthu cüaben. Ma hatuwi nthu ghena mehaiten lela nthu yasa cüben.”