KEKULI 7:39 - Kemethajüh (N) (Re-editing) Bible (BSI)

³⁹ “Isala ithu bamyithu na ma jüh nkina mvula; mathu na ma teshi theng nu Ejipt wi wa neng mvu sa.

KEKULI 7:39 Iomraidhean Croise

1 KADIMITHU 2:27

Isanu Solomon na Apvüwa kekuli wi keqhaikedi kesü sa keben Abiathar khushi pia. Tsalina Apvüwa na Shilo wi keqhaikediwa Eli nu ma shicübvüghathu ghena kekhi tsü ntsakhiwa sacen thsüa.”

ZAKECI 106:16

Ciwi ayyikeshü wi mathu na Mosa nu Aaron, Apvüwa kemetha maghathu ghang pi anyonsa.

BVÜKESHHU 16:3

nu manyi wi kiza, “Ejipt wi Apvüwa yala ikhang pathi thsüthu mehai kesa nan. Ciwi ikhang donki nu asa dsa nu atsse kepa wi la dsa pi anonkwenya kesa nan. Isala nshinyi ikhang ssi shhugho he ayyikeshü wi tsüdi khwenthi shüa tendha le!”

BVÜKESHHU 17:3

Isala anyithu na dighe ntsa sa kesalina wa Mosa wi leben-nkaghajüh khineng, “No mangkesa na Ejipt wi ikhang ssi shhugho nu? Ikhang, ikhang tsangathu, nu asahangthu yala dighethi shü thsüa ten kwe?”

SHICÜSI 11:5

Ejipt wi ithu na anga ma men nsala kedsa mvu tsüdi dsaya keten le. Ciwi ameji, ameji tssüwa, anassi, biyaz, asanthu tsü meshenchilo.

SHICÜSI 21:5

nu mathu na leben nkaghajüh khipi Anyiza nu Mosa shun nu khi, “Mangkesa na no Ejipt wina ithu ssi shhugho he ayyikeshü wi kedsakejjü nu atssü nkemi pen wi shü thsüale ben nu? Ithu na kedsakejjü ha kethadhau ha dsaben meyachadha!”

KEKULI 7:27

Isala anyi ma pvüshangwa kiccü kebenwa na Mosa deshen pi bvü thsü nu khi, ‘Thowa na no pi ishinyi pendhewa nu kaghanwa sa thsü nu?

1 KORINTHNYI 14:32

Anyiza ketsijüh kekhi juwa tsüna ajühkhi kebenwa kekhu wi nbenthu yishü,

PENDHENYI 11:2

ma wubvü wina atsa kepathu la ben, nu mathu na qhai keshagha wi Jeftha jügüshi pi bvü thsüa. Mathu na ma wi khi, “No ithu ba keben mangla ghongya nben, kepaghenanye no nza kepa tsa kesü.”