KEKULI 7:32 - Kemethajüh (N) (Re-editing) Bible (BSI)

³² ‘Hi nbamyithu Abraham, Isak, nu Jakob Nyiza.’ Mosa na messi pi kedheggü nu tsü ghang messia.

KEKULI 7:32 Iomraidhean Croise

ADECHHÜ 26:24

Tsü ghaja Apvüwa na ma tuwi gho nu khi, “Hi nba Abraham Nyiza le; hi no ssiden nmessi lalo. Hi imaghawa Abraham wi khichi ketheng ti sawegü pi no cü nu nshicübvügha sapi ji ntsa sa cüden.”

ADECHHÜ 50:24

Ma ma cünyuthu wi kiza, “Hi shü wa tendha, isala Anyiza na nthu ssi benden nu nthu ssi wala ma kheni khipi Abraham, Isak, nu Jakob cü ketheng yyi wi tsü chi cüben.”

1 KADIMITHU 19:13

Elijah na tsü zakeya wi ma athsü pi ma mmi shanpvü nu wa alonshiku kedulen wi ngan wa. Ahhai tsüna ma wi khi, “Elijah no hewi mangwa saben nu?”

Job Lesüshen 4:14

Hi kedheggü nu kecügü; messi pi igwo mabenla kedheggü.

ZAKECI 89:7

Kemethathu kemehu wi no messi; nu mathu tsüdi no messila ngan.

BVÜKESHHU 3:15

Israel nyithu wi hi Apvüwa, mathu baqhaithu Nyiza, Abraham, Isak, nu Jakob Nyizawa na no kesun pi mathu wi chi benle kizalo. Hawa ha anuphanla inyan; abvüye ghaketen tsüdi wila hati hi ciden.

BVÜKESHHU 3:6

Hi nbaqhai Abraham, Isak, nu Jakob Nyizawa tsüle.” Tsalina Mosa na ma mmi shangya, kepaghenanye ma Anyiza tsü ghang messi kesalina.

BVÜKESHHU 33:20

Hi no ya immi muya thsü nten, kepaghenanye anyi thola hi mu nu hangya nben,

BVÜKESHHU 4:5

Apvüwa na khi, “Israel nyithu na hi Apvüwa, mathu baqhaithu Nyiza, Abraham, Isak, nu Jakob Nyizawa na ntuwi ghole kesa chüshiya thsüle kesalina no hati ha salo.”

MATHI 17:6

Sansikeyathu na ahhai tsü zakeya wi mathu messi ntsa saya nu mathu mmi zan nccüggüwa.

MATHI 22:32

‘Hi Abraham Nyiza, Isak Nyiza, nu Jakob Nyiza.’ Ma kahang khe keshü Nyiza nye le!”

MATHI 22:46

Anyi thola Jisu jüh tsü luneng meyala, nu tsü ghanan nten na thola ma wi pala keü messia.

Luk Zhükechi Jühtheü Kemehaiwa 5:8

Simon Pitor na tsü mukeya wi Jisu tuwi akhhutsü nu khi, “Apvüwa, hi wina bvülo; kepaghenanye hi kesami nyi le!”

KEKULI 3:13

Abraham, Isak, nu Jakob Nyiza, nu ithu baqhaithu Nyiza na ma maghawa Jisu nyankethang sa kechi. Nthu na ma ghan pi kekhang kesenthu kwen wi chia, nu Pilat na ma teshi chiale sa lela nthu na Pilat tuwi na ma meya mvula.

KEKULI 7:31

Mosa na tsü mu pi ma mansaya nu ma tsü ghangchi nanle tetsaki wha, isala ma Apvüwa hhai zaya:

IBRINYI 11:16

Isala mathu na diyyi tsü miwi kemehaikiwa tang wi diyyi tsü nmvu. Tsalina mathu ghena Anyiza tsü pi mathu Nyiza le ci njüghe, kepaghenanye ma mathu ghena anyunuti kesü kiden theng.

CCÜCAKECHI 1:17

Hi ma mukeya wi ma ccü wi keshü ti qancadu. Isala ma ma kwen ajewa chang pi imiwi chi nu khi, “Nmessi lalo! Hi atuwa nu asakhenwa.