KEKULI 7:2 - Kemethajüh (N) (Re-editing) Bible (BSI)

² Stefan na luneng, “Acünyuthu nu abathu, ijüh kina chilo! Ithu baqhai Abraham na wa Haran wi npi kahang Mesopotamia wi keben Anyiza nyankethang na ma wi gho,

KEKULI 7:2 Iomraidhean Croise

ADECHHÜ 11:31

Tera na ma tsa Abram, Haran tsa Lot, nu ma cünyiewa Abram wubvü Sarai ssiya nu mathu Babylonia wi Ur nyunuti tsü teshi theng nu Kanaan yyi wi wa. Mathu Haran yyi kecu wa nu ciwi hang wa.

ADECHHÜ 12:1

Apvüwa na Abram kiza, “No diyyiwa, nshilithu, nu nba jjen tsü teshi theng nu hi ayyi kesü pi no ccüca keten witsü walo.

ADECHHÜ 12:5

Abram na ma wubvü Sarai, ma cünyuwa tsa Lot, nu ma keben-keyeng tsüdi nu Haran wi ssikeya amaghathu tsüdi ssiya nu Kanaan yyi wi wale kesa ghena shhu. Mathu wa Kanaan cukeya wi,

ADECHHÜ 15:7

Tsaseng wi Apvüwa na Abram kiza, “Hi Apvüwa, ayyi hapi nji sa thsüle nu Babylonia yyi Ur wina no ssi keshhughowa tsüle.”

ADECHHÜ 29:4

Jakob na anenikehiethu wi keü, “Ipvüshangthu, nthu khiewa na gho nu?” Mathu na ma luneng “Ikhang Haran wina ghole.”

NEHEMIYA 9:7

No, Apvüwa Anyiza, no Abram kessiya, nu Babilon yyi wi Ur wina ma ssinu shhu; no ma nyan kemili pi Abraham sa cüa.

ZAKECI 24:10

Kadimiwa ha thowa nu? Ma khangkeya kebenwa Apvüwa ma kadimithu kadimiwa le.

ZAKECI 24:7

Ajenkathu mezaqo shachilo, kheni jenkawa tsü shachilo, isanu kadimiwa ya dugho thsülo.

ZAKECI 29:3

Atssükedone wi Apvüwa hhai zaya den; anyankethang Nyiza na ghamo chi, nu ma hhai tsüna atssükedone miwi keheki chi.

ISAYA 37:12

Ibamyithu na Gozan, Haran, nu Rezef nyunutithu yasa nu Telassar wi hang keghowa Betheden nyi pathia, nu mathu cenpvü kesüla mathu hangsha meya.

ISAYA 51:2

Nthu baqhaiwa Abraham nu Sarah, nthu na manyi gwo wina keshhugho keni tsü meshen chilo. Hi Abraham ci keya wi ma atsanga nmi, isala hi sawegü pi ma cü, nu atsanga pi cü; Hi ma shicübvüghathu sapi kejon sa cü.

ISAYA 6:3

Tsüthu na kesüsü wi kecili: “Kemetha, Kemetha, Kemetha! Kekhang ntsawa Apvüwa na metha! Ma nyankethang na ayyi pong ben!”

MATHI 6:13

Ithu pi kemechu wi ndu thsü la, Isala Nkemehaiwa wina ithu noncca yalo.’

Luk Zhükechi Jühtheü Kemehaiwa 2:14

“Tang kemisi ntsa wi kebenwa Anyiza nyanthangkeyawa salo! nu kecca ya ayyi wi anyi ma nen ketenthu miwi kebenwa salo!”

JOHAN 1:14

Ajühwa tsüna asajjü ceng shagha nu nanketizen nu atsentsawa pi pong pvünu ithu jawi hang. Ithu na ma nyankethang muyadha, nyankethangwa tsüna Atsawa ketan Abawa wina mukeya.

JOHAN 12:41

Isa na Jisu nyankethang nu ma cüki khi ketheng ghena ma ha khichi.

KEKULI 22:1

“Acünyu nu abathu, hi khili nthu tuwi ishei kepijüh ha kina chilo!”

KEKULI 23:7

Ma ajüh ha khichi meyi Farisithu nu Sadukithu jawi kitagha shagha nu mathu ajüh kepapa sa.

KEKULI 7:1

Keqhaikedi ntsawa na Stefan keü, “Ha ntsakhiwa kwe?”

1 KORINTHNYI 2:8

Ayyi ha wi kekhang kesenthu kesütanla kemetsa hawa ha nchü. Keujüla mathu ha chü lethu mathu na Apvüwa nyankethangwa tsü pi kross miwi jen nkesa.

EFESANYI 1:17

nu ithu Pvüwa Jisu Khrista Nyiza, anyankethang Bawa wi Aghamu pi nthu cü, ma nthu sa pi metsaya nu Anyiza pi nthu ccüca, isanu nthu na ma chüya thsüle kesalina kekhie saben.

TITA 2:13

isanu ithu na atsathang kemehaiwa, ithu Nyiza kedi nu Hangshawa Jisu Khrista nyankethang sa gho keten tsü hie nu ghangben thsüben.

IBRINYI 1:3

Ma Anyiza nyankethang kekizah tsü wegü neng chicü nu Anyiza tsiyen tsü pvü nu ma jüh kekhang sen nu atssan ayyi ghansen benden. Ma anyithu kesami keteshi tsü sacen keya seng wi wala tang wi Kemisi kekhang ntsawa Anyiza kwen ajewa ben wadha.

IBRINYI 11:8

Kenondi ghena Abraham na Anyiza na diyyi pi ma cüle khichi ketheng wi tsü walo ma ci kechi wi ma Anyiza jühkina. Ma khiewa waten khe nchüla ma diyyiwa teshi nu bvüa.

JAMES 2:1

Icünyuthu, nthu na ithu Pvüwa Jisu Khrista, Apvüwa nyankethangwa tsü kenondithu sa nu khiela anyi tsi ghang nu nankepapa sa yishü.

JOSHUA 24:2

Joshua na anyi tsüdi wi khi, “Apvüwa Israel Nyizawa na ha khiben: ‘Kheni nthu bamyithu na Eufrat Ghaku khhaka kawa hang nu acenpvü kepathu kinyile. Mathu meshu kesü Tera, tsüna Abraham nu Nahor manyi ba.

CCÜCAKECHI 4:11

“Ithu Pvüwa nu Anyiza! No anyankethang, kinyikü, nu kekhang muya qo le! Kepaghenanye no pala tsüdila sahangchi, nu no kemeshen kenen wina mathu ya hang nu kahang khuchi thsüden.”