KEKULI 7:15 - Kemethajüh (N) (Re-editing) Bible (BSI)

¹⁵ Tsalina Jakob na Ejipt wi cü nu ma nu ithu bamyithu la ciwi shü.

KEKULI 7:15 Iomraidhean Croise

ADECHHÜ 46:1

Jakob na ma keben tsüdi kiden-keshaya nu Beersheba wi wa, nu ahhansha sapi ma ba Isak Nyiza kinyi.

ADECHHÜ 47:30

Hi pi ibaqhaithu gweghe vhü mvuben, tsalina Ejipt wina hi pvü shula ibaqhaithu vhü ketheng pen wi vhülo.” Josef na luneng “Hi no kekhi ti sa cüben.”

ADECHHÜ 49:33

Jakob na kecükegwe ha pi ma tsathu kiza cenya nu qancadu shü wa.

ZAKECI 105:23

Isanu Jacob na Ejipt wi wa, nu diyyi tsüwa wi hang wa.

BVÜKESHHU 1:6

Matsü pahan seng wi Josef, ma cünyuthu, nu shüsha tsüwa tsüdila shüa.

BVÜKESHHU 13:19

Josef na khitheng, “Anyiza na nthu khushikeya wi nthu apen he wina ikamang pvü nu nthu gweghe shhulo.” Ma tsüti khi nu Israel nyithu ya kishen thsü ketheng ti Mosa na Josef kamang pvü nu ma gweghe shhua.

SHICÜSI 20:15

tsüna ikhang bamyithu na khati nu Ejipt wi wa nu ikhang ciwi amapi kejon hangwa khe, Ejipt nyithu na ikhang bamyithu nu ikhang metenmesha,

AYENZHÜNENG 10:22

Nthu bamyithu na Ejipt wi kewa tsüwi mathu na anyi achentagü ketan. Isala Apvüwa nthu Nyiza na khili tsü nthu sapi tangwi ghotsithu keji ti sa cüdha.”

AYENZHÜNENG 26:5

Tsaseng wi nthu na Apvüwa tuwi ajüh hathu khiben: “Ibamyi na Arameya nyi kesü sala keqoedeja keten ma theghi ssi wa Ejipt wi hang. Mathu na anyi keu ketan ciwi wa, isala mathu na mizzatenti keti kekhang kesü saya.

JOSHUA 24:32

Israel nyithu na Ejipt wina Josef kamang pvü nu keshhugho tsü pi Shekhem wi ayyi kesü Jakob na rükatssü meza pi Shekhem bawa Hamor tsathu wi shü ketheng witsü vhüa. Ayyi hawa ha Josef shicübvüghathu na ghongkeya.

JOSHUA 24:4

nu Jakob nu Esau manyi pi Isak cü. Hi yyishiphon diyyiwa Edom pi Esau yala ma ji saya thsü, isala nthu baqhai Jakob nu ma shicübvüghathu na Ejipt wi cüa.