KEKULI 6:9 - Kemethajüh (N) (Re-editing) Bible (BSI)

⁹ Isala anyi pahan Kekhen-nkeminyi le (khi ketenthu tsüna) Sinagog nyithu Ciren nu Alexandria wina keghothu na ma matang. Mathu nu Judah nyi Cilisia nu Asia wi keghothu na Stefan ssinu ajüh keccücanli shagha .

KEKULI 6:9 Iomraidhean Croise

MATHI 10:17

Kiden-keshayalo, kepaghenanye anyithu na nthu ghan sen nu ajühkaghaten ben, nu Sinagog wina nthu kiccü ben.

MATHI 23:34

Tsalina hi nthu kizaden, hi nthu wi atusenjüh-kechüthu, kemetsa nyithu, nu kesansithu kesun chi cüden; nthu na mathu pahan pathi, pahan pi kross miwi jen, nu sinagogthu wina pahan kihhe nu mathu jügü sen anyuti kesü wina kepawa wi waben.

MATHI 27:32

Mathu wa keten wi Kuren wina kegho nyi kesü ma nyan Simon kesa metuya, nu süpahithu na ma meten pi Jisu kross tsü pvü thsü.

MARK 13:9

“Isala nthu kiden-kesha yalo, kepaghenanye nyu na nthu ghan sen nu ajühkekaghaten pen wi waben. Sinagogthu wina nthu kiccü; nthu na kekhang kesenthu nu kadimithu tuwi ngan nu ighena Jühtheü Kemehaiwa pi mathu kizaben.

Luk Zhükechi Jühtheü Kemehaiwa 21:12

Isala hathu tsüdi npi kesa tuwi nyu nthu ghan pi metenmesha; nthu ssi wa Sinagogthu wi ajühkaghaten nu nthu pi atssüzüjjen wi chiaben; inyan ghena nyu nthu ssinu kadimithu nu kekhang kesenthu tuwi waben.

KEKULI 11:20

Isala kenondithu pahan na Cipra nu Ciren wina gho Antiok wi wa ketsijüh pi Judah nyi nkenyethu kiza nu Apvüwa Jisu cüki Jühtheü Kemehaiwa la pi mathu sansi.

KEKULI 13:1

Antiok wi kemehu wi atusenjüh-kechüthu nu kesansithu Barnaba, Simeon (kenimeghowa), Lusia (Ciren wina keghowa), Menaen (Ahng Herod na noncca keghowa), nu Saul hathu na ben.

KEKULI 13:45

Judah nyithu na anyitenti tsü muya theng nu anyonsa ya, mathu na Paul ssinu kicennali nu ma kimenni.

KEKULI 15:23

nu mathu na lesü hati zhü pi mathu wi kesunchi: “Ikhang, apostelthu nu keshenpfüthu, nthu cünyuthu na shalom pi Judah nyi nkenye Antiok, Siriya, nu Silisia wi keben kenondithu tsüdi cüben.

KEKULI 15:41

Ma Siriya, nu Silisia pvüdhi wa kemehuthu satezü cüa.

KEKULI 16:6

Kemetha Ghamu na mathu yala Asia yyi wi ketsijüh nkhi thsü mvula kesalina mathu na Frugia nu Galatia pvüdhi wa.

KEKULI 18:24

Judah nyi kesü Alexandria wi kahang meshu kesü ma nyan Apollo kesa na Efesa wi gho. Ma ajühkhi kemehai nyi kesü nu Ntsawajüh tsü mehaitsü chüben.

KEKULI 19:10

Amapi keni-u tsüti sa wa kesalina Asia yyi wi kahang Judah nyithu nu Grik nyithu la tsüdi Apvüwa jüh zaya.

KEKULI 19:26

Nu nthu la chü nu muben, Efesa wi ketan nyela Asia yyi tsüdi wi Paul na anyi kwen pi kezhü cenpvüthu hana acenpvü nyele kesa khi pi anyi kejon ssi deja sen nu bvüdha.

KEKULI 21:27

Ghanan tagü cen keten wi Asia yyi wina kegho Judah nyithu pahan na Paul Kekinyijjen wi keben muya. Mathu na anyi tsüdi kethukehi chi nu wa Paul ghanya nu jisha pi

KEKULI 21:39

Paul na luneng, “Hi Judah nyi kesü, Silisia yyi wi Tarsa wi kepvügha nyi, nu anyunuti kemechan wi kahang nyi kesü. Tizenthu, hi yala anyithu wi ajühkhi thsülo.”

KEKULI 22:19

Hi luneng, ‘Apvüwa, hi Sinagog tsüdi wi wala no kenondithu ghan pi atssüzü sa thsü nu kiccü tenle kesa mathu na chüti ben.

KEKULI 22:3

“Hi Silisia yyi wi Tarsa nyu wi kepvügha Judah nyi kesü, isala hi Jerusalem he wi Gamaliel pi hi kesansiwa sa nu hang shagha . Hi ithu bamyithu yenwa tsü khang ntsa nie gho, nu khili nthu tsüdi kahang ti hi kahang pi Anyiza cü ghole.

KEKULI 23:34

Ahng na lesü kezhü tsü si nu ma Paul na ayyi khiewa kahang nyi nu kesa keü. Ma Paul na Silisia wina ghole kesa chükeya wi

KEKULI 24:18

Hi Kekinyijjen wi hati kuli keben mathu na gho hi muya, tsüna hi satekemetha yen sacen kesa seng wi. Ciwi anyi kejon na ikete wi nkemi ghena kekivvü la mangla nmi.

KEKULI 26:11

Matsü kejon wila hi wa Sinagogthu tsüdi wi mathu meten- mesha nu mathu kenondiwa tsü nkhi thsüle sa. Hi leben minu ntsanu mathu keshun ghena wa anyunuti kepa wi lela mathu meten-mesha.

KEKULI 6:10

Isala Aghamu na kemetsa pi Stefan cü nu ma ajüh kekhi wi mathu na ma nchala.

1 KORINTHNYI 1:20

Isathu, kemetsawa tsü khie nu? Palakechüwa tsü khie nu? Ayyi he wi ajühkhi kemehaiwa khie nu? Anyiza na ayyi he wi kemetsa tsüna kejüphon le kesa pi ccücadha!

GALATIANYI 1:21

Tsaseng wi hi Siriya nu Silisia wi wa.