KEKULI 6:5 - Kemethajüh (N) (Re-editing) Bible (BSI)

⁵ Anyi tsüdila apostelthu jüh tsü nen. Tsalina mathu na kenondi nu Kemetha Ghamu pi pong pvü keten Stefan, nu Filip, Prokhora, Nikanor, Timon, Parmena, nu Judah yen nie wa kesa nyi Antiok wina keghowa Nikola, hathu ha kessiya.

KEKULI 6:5 Iomraidhean Croise

ADECHHÜ 41:37

Kadimiwa nu ma kekhu wi kedithu na kemeshen hawa ha mehai le khi,

KEMETSAJÜH 15:1

Ccapeyi sala luneng kechi tsüna aghekepvü pasha den, isala jükhajüghawa tsüna tsü pfüsi chiden.

KEMETSAJÜH 15:23

Matsü wi ajüh kemeshonwa mukeya tsüna khatila anonghe nu!

MIKA 3:8

Isala ighena tsü Apvüwa na ma ghamu nu kekhang pi hi pong cü, nu ajüh tsentsa kesen nu kempvüza pi hi cü nu Israel nyithu mathu kesami pi kiza thsüle sa thsü.

MATHI 23:15

Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na atssükedone nu diyyi maben pvüdhi wala anyi kesü leben khapegheya thsüle sa; nu nthu na tsüti saya lethu, nthu na ma sa pi nthu miwi kishen keni annighajü wi kewa qo nyi sa thsüden!

KEKULI 11:19

Kemeten-kemesha wi Stefan kepathi tsü ghena kenondithu pahan na bvü zighe sen wa Fonisia, Cipra, nu Antiok kecu wi ketsijüh pi Judah nyithu ketan kiza.

KEKULI 11:20

Isala kenondithu pahan na Cipra nu Ciren wina gho Antiok wi wa ketsijüh pi Judah nyi nkenyethu kiza nu Apvüwa Jisu cüki Jühtheü Kemehaiwa la pi mathu sansi.

KEKULI 11:22

Mathu cüki na wala Jerusalem wi kemehu cua, tsalina mathu na Barnaba kesun pi Antiok wi chi.

KEKULI 11:24

Barnaba na anyi kemehai kesü, Kemetha Ghamu nu kenondi pi ma pong pvüden, nu anyi kejon ssinu Apvüwa wi ghoya.

KEKULI 11:26

Ma wa Saul metuya nu ma ssi sen Antiok wi gho. Amapi kesü chuli manyi gweghe kemehu nyithu metu nu anyi kejonla sansi. Hana Antiok wi sansikeyathu pi atuwa sa Khristanyi le ciya.

KEKULI 11:27

Tsü tsüwi Jerusalem wi atusenjüh-kechüthu pahan na Antiok wi wa.

KEKULI 13:1

Antiok wi kemehu wi atusenjüh-kechüthu nu kesansithu Barnaba, Simeon (kenimeghowa), Lusia (Ciren wina keghowa), Menaen (Ahng Herod na noncca keghowa), nu Saul hathu na ben.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 2:4

Mathu tsüdila Kemetha Ghamu pi pongya nu Aghamu kekhang pi mathu kecü ti mathu na ajüh kepathu khi shagha shan.

KEKULI 21:8

Dhitsüwa wi ikhang na Kaesarea wi gho keya wi Jerusalem wi kekiqathu meshu tagü kessikeyathu jawi ma nyan Filip, Jühketsinyiwa jjen wi tsü ben.

KEKULI 22:20

Nu nsheikepiwa Stefan kepathi wi tsü hi la ciwi ben, ma kepathi tsü kesa-u sadha le sa nu hi ma kepathithu thsümeni tsü noncca.’

KEKULI 6:10

Isala Aghamu na kemetsa pi Stefan cü nu ma ajüh kekhi wi mathu na ma nchala.

KEKULI 6:3

Tsalina cünyuthu, nthu jawi Kemetha Ghamu nu kemetsa pi pong pvüden kesa chü kebenthu meshu tagü kessi yalo; ikhang na mathu pi kekuli ha sa thsü na.

KEKULI 6:8

Stefan na Anyiza kesawegü pvü ntsa nu kekhang pi ma pong pvü nu anyithu jawi azensu nu amankesathu kulichi.

KEKULI 7:1

Keqhaikedi ntsawa na Stefan keü, “Ha ntsakhiwa kwe?”

CCÜCAKECHI 2:15

Tsüti nthu ja wi anyi pahan na Nikolait nyithu kesansijüh tsü la nieden.

CCÜCAKECHI 2:6

Isala hi Nikolait nyithu kekuli nanmeghü keten tsüti no la tsü nanmeghüden.”