KEKULI 6:3 - Kemethajüh (N) (Re-editing) Bible (BSI)

³ Tsalina cünyuthu, nthu jawi Kemetha Ghamu nu kemetsa pi pong pvüden kesa chü kebenthu meshu tagü kessi yalo; ikhang na mathu pi kekuli ha sa thsü na.

KEKULI 6:3 Iomraidhean Croise

BVÜKESHHU 18:21

Isala tsü miwi no kesa qo nyi pahan kessi pi anyi ccülikesathu nsa thsüthu yishü: tsüna hazar miwi, meza miwi, deni miwi, nu tagha miwi aliwa sa thsü. Mathu na Anyiza kemessi nyi, kenondi qo nu alaa pi leya nkesa nyi nsathu yishü.

ISAYA 28:26

Ma khatinu ma kekuli nsathu yishü khe tsü chüben, kepaghenanye Anyiza na pi ma sansi cüdha.

ISAYA 28:6

Ma jühtsentsa kuliya kemehai kechü pi pendhethu cü, nu kempvüza pi nyu na anyunuti ssikaghashen kegho wi akhweti hie ketenthu cüden.

MATHI 23:8

Nyu nthu cila ‘Kesansiwa’ nsa thsü la, kepaghenanye nthu tsüdila cünyunyi nu nthu Kesansiwa kesütan ben.

JOHAN 21:23

Tsalina sansikeya hawa ha shü nbenle kekhi tsüna Jisu senkeniethu jawi khi wa. Isala Jisu na ma shü nbenle nkhi, isani “Keujüla hi kenen lethu, hi npi kegho chu ma hangya thsüben, tsüna nghena mangwa ben nu?” isa khi.

KEKULI 1:15

Ghanan keu seng wi kenondithu anyi meza nu nkwe ghola mehu keben wi Pitor na shagha ajühkhi.

KEKULI 1:21

Tsalina anyi kesü ikhang gweghe nu Apvüwa Jisu hangneng- keshagha tsü chüza nsa thsüthu yishü ben. Ma Jisu na ikhang ssinu cüshu keten wi, aghatsan Johan na ma baptaiz kesa cüki pi nyu kesansi tsü wina ghola ikhang jawi na Jisu zanki pi tang wi chiya kesa kecu matsü tsüdi wi ikhang gweghe keten nyi kesü nsathu yishü.

KEKULI 10:22

Mathu na luneng, “Kornelia, süpahi meza miwi kediwa na ikhang kesun chi le! Ma kemehai nyi kesü, Anyiza kinyi nu Judah nyithu tsüdila ma kinyiküden. Anyiza nyilo kesü na ma ya no ci pi ma jjen wi chilo kiza, isanu ma mangwa khi khe kina yalo khi.”

KEKULI 15:23

nu mathu na lesü hati zhü pi mathu wi kesunchi: “Ikhang, apostelthu nu keshenpfüthu, nthu cünyuthu na shalom pi Judah nyi nkenye Antiok, Siriya, nu Silisia wi keben kenondithu tsüdi cüben.

KEKULI 16:2

Lustra nu Ikonium wi kahang kenondithu na Timothi cüki khi pi mehaiden.

KEKULI 2:4

Mathu tsüdila Kemetha Ghamu pi pongya nu Aghamu kekhang pi mathu kecü ti mathu na ajüh kepathu khi shagha shan.

KEKULI 22:12

“Anyunuti ciwi anyi kesü ma nyan Ananiya kesa keccüna sen kemehai nyi ma Ayenwa tsü nie den, nu Judah nyi Damaska wi kahangthu tsüdila ma kinyikü ntsa saden.

KEKULI 28:14

Ciwi ikhang na kenondithu pahan muya, nu mathu na ikhang mathu gweghe ghanan tagü ben lalo khie. Tsaseng wi ikhang na wa Rom cuya.

KEKULI 6:2

Tsalina apostel taghakeni na kenondithu maben cighu chi nu khi, “Ikhang na keben kesen ghena Anyiza jüh kekhi wi leben nchila kesa-u nye.

KEKULI 6:5

Anyi tsüdila apostelthu jüh tsü nen. Tsalina mathu na kenondi nu Kemetha Ghamu pi pong pvü keten Stefan, nu Filip, Prokhora, Nikanor, Timon, Parmena, nu Judah yen nie wa kesa nyi Antiok wina keghowa Nikola, hathu ha kessiya.

KEKULI 6:6

Mathu na anyi tsüthu ssinu apostelthu tuwi wa nu apostelthu na akwen chang pi mathu miwi chi nu kekhie sa thsü.

KEKULI 9:30

Kenondithu na ha chükeya wi mathu na Saul ssinu Kaesarea wi wa nu ma kesun pi Tarsa wi bvü thsüa.

1 KORINTHNYI 12:8

Aghamu wi kemetsa pi meshu kesü cüden, nu Aghamu makesü wi palakechü pi anyi kepawa cüden.

1 KORINTHNYI 16:3

Hi gho lethu nthu na kessi ketheng anyithu tsü ghena lesü zhüchi nu mathu kesun pi nthu na keben khukechi tsü sen nu Jerusalem wi wa thsüben.

EFESANYI 5:18

Nthu yasa keten kisengtssü tsü jjü pi adina nbenla, isala Aghamu pi nthu pong pvü benyalo.

AYENZHÜNENG 1:13

Amizza kesüsü wi anyi kemetsa, chüshikeya, nu sakenan nyi pahan kessiyalo, nu hi mathu pi nthu ccülithu sa thsüden.’

1 TIMOTHI 5:10

nu nyu ma kekuli kemehai khi; ma tsanga mehaitsü nonccakeya kinyibvü kesü, ma jjen wi kijünyi thu ssiya mvu keten, Khristanyithu ghena kekuli kemehai sa, agükeccü wi anyithu kiqa, nu kemehai kekuli wi lebenkechi nyi nsathu yishü.

JAMES 1:17

Aju kemehai nu cencu khukechi tsüdila tang wi kewegüthu Sakechiwa, tang wi kemili nketenwa nyelela kheneng bvü nu akekhwen sa nketenwa Anyiza wina kedugho.

3 JOHAN 1:12

Anyi tsüdila Demetra kemehai cüki khiben; atsentsawa ketanla ma kemehai cüki khiben. Nu ithu sheikepi pi tsü wwaben, ithu na atsentsa khiben le kesa no chüben.