KEKULI 6:12 - Kemethajüh (N) (Re-editing) Bible (BSI)

¹² Tsüti nu mathu na anyithu, keshenpfüthu, Ayenkesansithu kethukehi chia. Mathu na gho Stefan ghanya nu ma ssinu hoho tuwi gho.

KEKULI 6:12 Iomraidhean Croise

KEMETSAJÜH 15:18

Leben ketsuwa tsüna keccücanli pfüsi chiden, isala lebenkesie na kecca sengho den.

MATHI 26:57

Jisu ghan keyathu na ma ssinu Keqhaikedi Kemisiwa Kaifa jjen wi wa, ciwi Ayenkesansithu nu Keshenpfüthu tsüdila saghuben.

MATHI 5:22

Isala hi khili nthu kizaden, anyi thowa na ma cünyuwa miwi lebenminukhe ma jühkaghaten ben, thowa na ma cünyuwa cila ‘No kethathau’ khi khe ma ajühkekaghaten tuwi gho metsi ben, nu thowa na ma cünyuwa wi no kejüphon mangla nkenye isa khi khe ma annighajü wi tsü wa keten ghena kemessi ben.

Luk Zhükechi Jühtheü Kemehaiwa 20:1

Ghanan kesü Jisu na Kekinyijjen wi anyithu sansi nu Ajühkemehaiwa pi khi keben wi keqhaikedi ntsathu, nu Ayenkesansithu pi keshenpfüthu gweghe gho

KEKULI 13:50

Isala Judah nyithu na anyunuti tsüwa wi accülikesathu nu Judah nyi nkenye atheghi kemehai wi nza Anyiza kinyi ketenthu kethukehi chia. Mathu na Paul nu Barnaba manyi meten-mesha shagha nu ayyi tsüwa wina manyi jügü shia.

KEKULI 14:2

Isala Judah nyi nkenondithu na Judah nyi nkenyethu leben sameshü pi kenondithu nanmeghü thsüa.

KEKULI 17:13

Isala Thessalonika wi Judah nyithu na Paul na wa Berea wi la Anyiza jüh khi pi nyu sansi benle kesa chüya meyi mathu na wa ciwi anyithu kethukehi nu kekivvü pfüsi.

KEKULI 18:12

Isala Gallio na Akhaya yyi wi Rom ahng saya meyi Judah nyithu na saghu wa Paul ghanya nu ma ssinu ajüh kekaghatenpen wi wa.

KEKULI 21:27

Ghanan tagü cen keten wi Asia yyi wina kegho Judah nyithu pahan na Paul Kekinyijjen wi keben muya. Mathu na anyi tsüdi kethukehi chi nu wa Paul ghanya nu jisha pi

KEKULI 5:18

Mathu na apostelthu ghanya nu pi atssüzüjjen wi chia.

KEKULI 5:27

Mathu na apostelthu ssi ghola hoho tuwi ngan thsü, nu Keqhaikedi ntsawa na pala pi mathu keü.

KEKULI 6:11

Tsalina mathu anyi pahan melli pi hati khi thsüa, “Ikhang na ma Mosa nu Anyiza keshun jüh khi keben zaya le!”