KEKULI 6:10 - Kemethajüh (N) (Re-editing) Bible (BSI)

¹⁰ Isala Aghamu na kemetsa pi Stefan cü nu ma ajüh kekhi wi mathu na ma nchala.

KEKULI 6:10 Iomraidhean Croise

Job Lesüshen 32:18

Hi ajüh khile kesa mehiechaladha, hi ajüh zan nengya ntendha.

Job Lesüshen 32:8

Isala anyithu miwi gho nu kemetsa pi mathu cü ketenwa tsüna Kekhang ntsawa Anyiza ghamu le.

BVÜKESHHU 4:12

Khili walo! Hi no kiqa pi khiya thsü, nu no mangwa nkhithu yishü khe kizaben.”

ISAYA 54:17

Isala aghitsanqai kesüla no patenaya nben; no no kemetsi-keminithu tsüdi lunengya kemehai benden. Hi imaghathu sheipiya, nu khangkeya pi mathu cüden. Apvüwa na khidha.”

JEREMIYA 15:20

Hi no sapi mathu tuwi lezza khweti kezü ti sa cüden. Mathu na no ssinu kaghashe ben, isala mathu na no pashaya nben. Hi no khwe nu noncca hieya le kesalina no ssiben den.

EZEKIEL 3:27

Tsaseng wi hi no ccüneng nengchi nu ajühkhiya kemehai kekhang pi no ccüneng lethu, no Kemisintsa Apvüwa, hi mangwa khiben khe pi mathu kiza ya mehai. Mathu pahan na kinaben, isala pahan na no khichi nben, kepaghenanye mathu na kahhaghe mizzatenti kesü le.”

MIKA 3:8

Isala ighena tsü Apvüwa na ma ghamu nu kekhang pi hi pong cü, nu ajüh tsentsa kesen nu kempvüza pi hi cü nu Israel nyithu mathu kesami pi kiza thsüle sa thsü.

Luk Zhükechi Jühtheü Kemehaiwa 1:17

Ma atusenjüh-kechüwa Elijah kezü nu kekhang ti Apvüwa tu wi waben. Ma abathu nu atsangathu sa pi ajühkeyali thsü, anyi nyu jüh nkeyathu ssi sengho ketsatan kemeshon len wi chi, nu Apvüwa nyithu sa pi ma ghena kidenya thsüaben.”

Luk Zhükechi Jühtheü Kemehaiwa 21:15

kepaghenanye hi nthu ghinyithu thola nthu matang nu shunya nkesa ajühthu nu kemetsa pi nthu cüben.

JOHAN 7:46

Aghikehiethu na luneng, “Anyi thola ma ti ajühkhi meya le!”

KEKULI 5:39

isala Anyiza wina kegho lethu, mathu cha nben. Nu nthu ketanla nthu na Anyiza shun keben muya ben.” Mathu na Gamaliel kesansijüh tsü kinaya.

KEKULI 6:11

Tsalina mathu anyi pahan melli pi hati khi thsüa, “Ikhang na ma Mosa nu Anyiza keshun jüh khi keben zaya le!”

KEKULI 6:9

Isala anyi pahan Kekhen-nkeminyi le (khi ketenthu tsüna) Sinagog nyithu Ciren nu Alexandria wina keghothu na ma matang. Mathu nu Judah nyi Cilisia nu Asia wi keghothu na Stefan ssinu ajüh keccücanli shagha .

KEKULI 7:51

Stefan na mathu wi khi, “Nthu na khatila leben dhu nu! Nthu leben na Anyiza nkechüthu leben ti, nu nthu khuna tecu pi Anyiza ketsijüh tsü kina meya! Nthu na nthu bamyithu ti, nthu la Kemetha Ghamu tsü ssi kaghashenden!

1 KORINTHNYI 2:4

nu hi kesansijüh nu ketsijühthu tsüna anyi kemetsa jüh wina nye, isala Anyiza Ghamu kekhang keben chüti kesa pi ccüca chi.