KEKULI 6:1 - Kemethajüh (N) (Re-editing) Bible (BSI)

¹ Matsü pahan seng wi sansikeyathu ji kayi shagha, Grik jüh kekhi Judah nyithu nu Judah nyi ahvuthu jawi kicennali shagha . Grik jüh kekhi Judah nyithu na atsathangla pala kegishü tsü pi mehaitsü mathu denyilethu nan nben le khi.

KEKULI 6:1 Iomraidhean Croise

Job Lesüshen 29:13

Anyi mangla nkenyethu lela hi seng, nu denyilethu kiqa pi yazishu saya thsü.

Job Lesüshen 31:16

Hi khiela hhaketuthu nkiqala nsa; hi khiela denyilethu ya atu-nkemi sa nu nhang thsü.

ZAKECI 110:3

No nghinyithu ssinu aghikesa tsathang wi, n-nyithu na mathu ketanla shagha ben. Aghanen mitu akejan keca tsüti n-nyi kepvünyithu na kemetha yyishiphon wina ghoden.

ZAKECI 72:16

Ayyiwa wi asu kejon bün keyawa sa; yangdsaketenthu yala Lebanon wi kedsauthu ti yyishiphon pong keyawa sa. Alli wi aghangthu ti anyi yala anyunutithu pong keyawa sa.

ISAYA 1:17

nu kemeshonwa kesa yen chüyalo. Kemeshonwa saya — kimenni kebenthu kiqa, magha-maghangthu sheipi, nu denyi-demathu sheikhi cülo.”

ISAYA 27:6

Ghaketen tsathang wi, Jakob shicübvügha Israel nyithu na achan ti ma ghazan cha nu tsüthu na bvüjjen nu pvü yaben. Tsüthu wina bün keya pila ayyi pong yaben.

JEREMIYA 30:19

Anyi ciwi kahangthu na kesengkhwi saaden; mathu na anonkeghe ghena jisha den. Hi kesawegü ghena mathu anyi shakayi yaben; hi kesawegü na kenyuwakü sengho mathu cüaden .

EZEKIEL 22:7

Anyunutiwa wi thola ma bajja nyuwakü nsa. No asangthu mechu nu denyilethu nu magha-maghangthu mechu dsaden.

MALAKHI 3:5

Kemisintsa Apvüwa na khiben, “Hi nthu jawi ghola ajühkaghaten den: nu hi wan kedema sa ketenthu, keqhezathu, milikemesa cüki kekhithu, mellidsa ketenthu kutimen mechu ketenthu, denyilethu, magha-maghangthu, nu asangthu miwi mathu ghena kekiyiwa saya ketenthu, nu hi kinyikü nketenthu tsüdi shunla khishiaben .

MATHI 23:13

“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na anyithu tuwi tang Kadiyyi jenka tsü khenden, isala nthu na ciwi ndu nu anyithu na ciwi dule kesathu la du thsü nten.

KEKULI 11:20

Isala kenondithu pahan na Cipra nu Ciren wina gho Antiok wi wa ketsijüh pi Judah nyi nkenyethu kiza nu Apvüwa Jisu cüki Jühtheü Kemehaiwa la pi mathu sansi.

KEKULI 11:26

Ma wa Saul metuya nu ma ssi sen Antiok wi gho. Amapi kesü chuli manyi gweghe kemehu nyithu metu nu anyi kejonla sansi. Hana Antiok wi sansikeyathu pi atuwa sa Khristanyi le ciya.

KEKULI 11:29

Sansikeyathu na mathu meshu kesüsü saya kemehai chu kekiqa kesun pi Judea wi mathu pvüshang kenondithu cü tenle kesa südheya.

KEKULI 2:41

Mathu kejonla ma jüh kekhi tsü nondiya nu baptaiz saya, nu tsü ghanan anyi hazar kecheng-u pi mathu wwaya.

KEKULI 2:45

Mathu ajjen, alli nu keben tsüdila jeü sengho mathu jawi thowa na khaju nsenthu yishü ben khe pi gishü.

KEKULI 2:47

mathu na Anyiza seng, nu anyi tsüdila mathu nen ntsa sa. Atsathangla Apvüwa na hangshaya kebenthu pi mathu wwayaya sa.

KEKULI 4:35

apostelthu kwen wi chia; nu apisa tsü pi meshu kesüsü nsenthu keyishü qei wi gishü cü.

KEKULI 4:4

Isala ketsijüh tsü za keyathu anyi kejon na nondiya, nu anyi hazar manga-u pi mathu wwaya.

KEKULI 5:14

Isala Apvüwa kenondithu nza nu npvüza anyitenti na ghola ji pfüpfü mathu wwaya.

KEKULI 5:28

Ma khi, “Ikhang na nthu anyi hawa nyan pi nyu nsansi lalo kesa kiza ntsa sadha, isala nthu na kesansijüh tsü pi Jerusalem pongdha, nu nthu na anyi hawa keshü tsü pi ikhang miwi chi mvu ben.”

KEKULI 6:2

Tsalina apostel taghakeni na kenondithu maben cighu chi nu khi, “Ikhang na keben kesen ghena Anyiza jüh kekhi wi leben nchila kesa-u nye.

KEKULI 6:7

Tsalina Anyiza jüh tsüna vvü zighe wa. Jerusalem wi sansikeyathu na ji pfüpfü wa, nu keqhaikedi ntsathu kejonla kenondi jühwa tsü yaya.

KEKULI 9:29

Ma Judah nyi Grik jüh kekhithu la ssinu keccücanli, nu mathu na ma pathiale kiden.

KEKULI 9:39

Tsalina Pitor na shagha kidenya nu mathu gweghe wa. Ma wala cu keya wi mathu na ma ssinu ajjenshha tangwa wi ki. Denyilethu tsüdila qai gho ma vü nu Dorka na hang keben wi athsümeni sa kethengthu tsü pi ma ccüca.

KEKULI 9:41

Pitor na ma kwen pi ma ghati pi shagha thsüa. Tsaseng wi ma kenondithu nu denyilethu cichi nu nzawa tsü pi mathu cüa.

ROMNYI 12:7

keujüla tsüna nyu kekuli kesa lethu, ithu na nyu kekuli kesa-u; keujüla tsüna nyu kesansi lethu, ithu na nyu kesansi-u;

1 KORINTHNYI 10:10

Ithu na mathu pahan leben nkaghajüh khi nu Keshü Nyilowa na mathu yasa kesa tsüti sa yishü.

2 KORINTHNYI 11:22

Mathu Ibri nyi kwe? Hi la na. Mathu Israel nyi kwe? Hi la na. Mathu Abraham shicübvüghathu kwe? Hi la na.

AYENZHÜNENG 26:12

“Amapi kechengwa kaghapenla nthu yangdsaketenthu gishü tagha wi kesü tsü khuchi pi Levi nyithu, asangthu, maghamaghangthu, nu denyilethu cülo, isanu azitenti tsüdi jawi la mathu nsenthu keyishü benya thsüle kesalina. Nthu na ha saya lethu,

FILIPPINYI 3:5

Hi ghanan tazen seng wi ihyuhan. Hi Israel nyi, Benjamin mizza, Ibri jjü wina kepvügha nyi kesü. Ayenwa tsü kenie wi lethu, hi Farisi kesü,

1 TIMOTHI 5:3

Denyile ntsakhiwa mathu ketan ben ketenthu tsü kinyikülo.

1 TIMOTHI 5:9

Denyile kesü ma kahang mapi achentugho miwi nkesa tsü ma pi denyilethu nyan gweghe nzhüla. Tsümiwi, ma kutitan n-nuwa

IBRINYI 13:1

Khristanyi cünyuthu ti ketizenli tenlo.

JAMES 1:27

Abawa Anyiza tu wi atsentsa nu kemetha keccüna tsüna ha: Magha-maghangthu nu denyi-demathu na ketizen sa keben wi mathu nantizenchi, nu ayyi nkemehaiwa wi methasi benkeya.

JAMES 4:5

Ntsawajüh wi hati khi keten tsü atsentsawa nmile nmeshen lalo, “Anyiza na aghamu pi ithu miwi kechi tsüna ma nmvu nu anonmeyen benden.”

JAMES 5:9

Icünyuthu, Anyiza ya nthu nmeshensa thsüle kesalina nthu khokho tu wi nkicennali lalo. Ajühkekaghatenwa tsüna tetsakidha, ghole kidenyadha.