KEKULI 5:9 - Kemethajüh (N) (Re-editing) Bible (BSI)

⁹ Tsalina Pitor na ma wi kiza, “Mangkesa na no wubanyi na Kemetha Ghamu mechu le cen ten nu? Nwuba pie wa vhü kesathu na khili ajenka wi ngan ben, nu mathu na no la pie bvüaden!”

KEKULI 5:9 Iomraidhean Croise

ADECHHÜ 20:13

Tsalina Anyiza na iba jjen wina hi kesun pi asang yyi kechi wi hi ma wi, ‘No ijühkeya pi nyu ccücaya kemehai tsüna anyi tsüdi wi hi nbaghawale khilo,’ kiza.”

2 KADIMITHU 6:32

Nu ma nyilo kesü kesun pi Elisha ssigholo wa thsüa. Tsü tsüwi Elisha na ajjen wi keshenpfüthu pahan na ma hhainan keghothu gwegheben. Kadimi nyilowa na npi kegho tuwi Elisha na keshenpfüthu wi khi, “Nyu kepathinyi katsüwa na hi pathi thsüale nyu pahan kesunchi ben le! Ma khathansha wi gho khe ajjen khentenya nu ma yala ndugho thsü lalo. Kadimiwa na ma sengwa sa tenla ben na.”

ZAKECI 50:18

No kaghanfü nyi kemu tsüdi pi npvüshang sa, nu keqhezathu tsü ssi gweghe.

ZAKECI 78:56

Isala mathu na Kekhang ntsawa Anyiza matang, nu ma pi ghankenan wi chi. Mathu na ma jühkhukechithu tsü nkina .

BVÜKESHHU 17:2

Mathu na wa Mosa wi leben-nkaghajüh khi, “Atssü pi ikhang jjü thsülo.” Mosa na khineng, “Nthu mangkesa na hi kesami bhaten nu? Nthu mangkesa na Apvüwa ghan-nan le saten nu?”

BVÜKESHHU 17:7

Apen tsüwa nyan pi Massa nu Meriba ci, kepaghenanye Israel nyithu na leben-nkaghajüh khi nu “Apvüwa na ntsakhiwa ithu ssitenla nu?” isa ma ghan-nan.

KEMETSAJÜH 11:21

Nkemehai nyi na kemeten muyaten kesa no chüti, isala ketsatanwa tsü tsü ghü bvü yaden.

KEMETSAJÜH 16:5

Apvüwa na kekapvü nyi nanmeghüden; ma khiela mathu yala kemeten-kemesha nmula shhuya thsü nben.

MIKA 7:3

Mathu tsüdila nkemehai sapichüthu ketan. Kedithu nu pendhethu na alaa khieden. Anyi kekhangthu na ma mangwa yamvu ben khe mathu kiza, nu mathu gweghe acho kiden den.

SHICÜSI 14:22

anyi hathu ha thola hangben nu ayyi tsüwa wi duya nben. Mathu na hi keten kewegü nu hi Ejipt wi nu aghansha wi amankesa kekulithu mu, isala mathu na ileben kesie tsü ghan neng ghanja sa nu ijüh nkina mvula hhaghe benle.

MATHI 4:7

Jisu na khineng, “Isala Ntsawajüh na hati la khiben, ‘Apvüwa n-Nyiza nmechu lalo.’ ”

Luk Zhükechi Jühtheü Kemehaiwa 16:2

Tsalina ma maghawa cichi nu khi, ‘Hi ncüki zaya keben ha khati saben nu? No hi keben kenoncca cüki kezhü tsüdila sengholo, kepaghenanye no pi itsanqai kenonccawa sa thsü ntendha.’

KEKULI 15:10

Isalethu, nthu mangkesa na ikhang nu ithu bamyithu la nkepvücha akhhi tsü pi kenondithu miwi chi nu Anyiza ghan-nan le saten nu?

KEKULI 5:6

Anyi pvünyithu na gho ma kamang mejuya nu pie wa vhüa.

ROMNYI 10:15

Nu keujüla nyilothu kesunshi nchi lethu, khati nu ketsijüh pi khichiya mehai nu? Ntsawajüh na khi keben ti, “Jühtheü Kemehaiwa sen kegho nyilothu ccü na khatila atsimehai nu!”

ROMNYI 3:19

Khilitsü Ayenwa tsüna anyi Ayenwa kekhu wi kebenthu ghena khiben le kesa ithu na chüben. Isanu anyi mabenla kemeshon khikeya nmila ayyi nyi tsüdila Anyiza jühkaghakhi keten wi tsü gho thsüle kesalina.

1 KORINTHNYI 10:9

Ithu na mathu pahan Apvüwa ghan-nan le sa nu amaghang na mathu mcüthi kesa tsüti sa yishü.