KEKULI 5:41 - Kemethajüh (N) (Re-editing) Bible (BSI)

⁴¹ Apostelthu na Anyiza mathu la pi Jisu nyan wina ketizenkesa qo nyi kesa tsü ghena anonghe ntsa sa nu hoho tsü teshia.

KEKULI 5:41 Iomraidhean Croise

ISAYA 51:7

‘Ijüh kinalo, kemeshonwa chü kebenthu, hi pi nyu sansi keten jüh pi nthu leben wi chi pvü ketenthu. Anyithu na nthu nkhichi nu keminni gho lela nmessi lalo;

ISAYA 61:10

Apvüwa na mangwa sachidha khe Jerusalem na tsüghena anongheben. Ma shanyili kesü na keshanyi ghe kiden pvü keben ti kesa. Anyiza na hangshakeya nu khangkeya pi ma mphi thsüdha.

ISAYA 65:14

Mathu na anonkeghe ghena akhwisa, isala nthu tsü leben güccü nu qaiben.

ISAYA 66:5

Apvüwa na mangwa le khiben khe kinalo, nthu ma messi nu ma jühkina ketenthu: “Nthu na hi wi lebentsentsa sa keten ghena nthu nyi pahan na nthu nanmeghü nu nthu ssinu mangla sa nben. Mathu na nthu nankeqhe nu khiben, ‘Ithu na nthu nonkeghe tsü muya thsüle kesalina Apvüwa yala ma kekhang ketiwa tsüpi ccüca nu nthu hangshaya thsülo.’ Isala mathu ketanla mathu kimenni yaben le!

Luk Zhükechi Jühtheü Kemehaiwa 6:22

“Anyi Tsawa ghena nyu na nthu nanmeghü, nthu meya mvu, nthu kimenni, nu nthu nkemehai khi lethu, nthu na kemihhi ntsa!

JOHAN 15:21

Isala nthu na iji ghena mathu na ha tsüdi nthu miwi sachi ben; kepaghenanye mathu na hi kesun kechiwa tsü nchü.

KEKULI 21:13

Isala ma luneng, “Nthu mangkesa na hati qai pi ileben sameshü ben nu? Hi Apvüwa Jisu ghena Jerusalem wi nyu hi kebhen thsü ketan nyela keshü la shüya mehai.”

KEKULI 5:21

Apostelthu na tsü kina nu thangtheghi keshagha wi wala Kekinyijjen wi nyu sansi shhu. Keqhaikedi ntsa nu ma pvüshangthu na Judah nyi ccülikesathu cighu chi pi hoho keccünengli ben, nu mathu na nyu kesun chi pi wa atssüzüjjen wi apostelthu ssigho mathu tuwi ngan thsüle sa.

ROMNYI 5:3

Ithu na ketizen kesa wi la kapvüden, kepaghenanye ithu ketizen kesa ghena kethankehi yaden,

2 KORINTHNYI 12:10

Hi Khrista ghena nkekhang, kekimenni, agüccü ntsa kesa, kemeten-kemesha, nu ketizenkesa hathu ha hi nenden. Kepaghenanye khathansha wi hi nkhangla sa khe ciwi hi züyaden.

FILIPPINYI 1:29

Kepaghenanye Khrista ghena kuliya kemehai tsü pi nthu cüdha, isala ma ghena la ketizen sa.

IBRINYI 10:34

Nthu na atssüzüthu gweghe ketizen sa, nu nyu na nthu tsanqaithu pigheya lela anonkeghe sa nu kekhenengya, kepaghenanye nthu na pala tsü miwi kemehaiki anuphan ben keten ji benyadha kesa chüben.

IBRINYI 12:2

Ithu nyon pi Jisu ithu kenondi kedegü nu sa cencu kecüwa tsü ghangki ya nalo. Ma anonkeghe na ma hie kebenwa tsü ghena kross miwi kejüghe keyawa tsü pi ma men nkemi sa, nu ma khili Anyiza kadipen ajewa wi ben wadha.

JAMES 1:2

Icünyuthu, nthu na pala katsüha wi ketizen sa lela anonghethi salo.

3 JOHAN 1:7

Kepaghenanye mathu na nkenondithu wi mangla meyala Khrista kekuli tsü ghena alentsen chiden.