KEKULI 5:16 - Kemethajüh (N) (Re-editing) Bible (BSI)

¹⁶ Anyi anyutithu nu Jerusalem kete wi kahangthu na kesakinaathu nu nkemehai ghamu mathu miwi kebenthu ssinu gho, nu mathu tsüdila sa pi mehai cüa.

KEKULI 5:16 Iomraidhean Croise

MATHI 2:16

Herod na nishuwa ghotsi kesithu na ma mechudha kesa chükeya wi ma lebenminu ntsa sa. Bethlehem nu tsü kevü wi ghanyithu amapi keni nu tsü cakhu wi tsüdila pathilo kesa ma ahza khuchia — hawa ha ma ghotsi kesithu wi chükeya kusi ghotsiwa tsü muya khe tsü kenie wina sa.

MATHI 4:24

Ma cüki tsüna Siriya diyyi tsüdi wi la pong kesalina anyithu na kesakinaathu, khuma-khujü kepapa pvünu ketizen sa kebenthu tsüdi; anyi atsaghang ssi keten, nu kezumathu, nu kecügüshü ssinu ma wi gho, Jisu na tsüdila sa pi mehai cü.

MATHI 8:16

Minulen wi anyithu na anyi atsaghang ssiketen kejon ssinu Jisu wi gho. Jisu na ajüh kesü khi pi nkemehai ghamuthu jügüshi nu kesakinaathu tsüdi sa pi mehai cü.

Luk Zhükechi Jühtheü Kemehaiwa 5:17

Ghanan kesü Jisu na nyu sansi keben wi Farisithu nu Ayenkesansithu na Galilee nu Judea wi anyuti tsüdi wi nu Jerusalem wina gho ciwi donkiben. Nu Apvüwa kekhang na Jisu yala kesakinaa sa pi mehai cüle ma ssiden.

Luk Zhükechi Jühtheü Kemehaiwa 6:18

mathu na ma jühkina nu mathu kesakinaa sa pi mehaiyale ghoben. Nkemehai ghamuthu na pondeja ketenthu la gho nu sa pi mehai cü.

Luk Zhükechi Jühtheü Kemehaiwa 9:11

Anyitenti na tsü zaya nu ma nie wa. Ma mathu ssiya nu Anyiza Kadiyyi cüki khi pi mathu kiza, nu kesakinaa sa pi mehai ncüthu yishü kebenthu sa pi mehai cü.

JOHAN 14:12

Hi atsentsawa nthu kizaden, thowa na hi nodiya khe hi sa ketenwa tsü ma la sayaden — anle, ma hathu miwi la kediki sayaden, kepaghenanye hi Abawa wi wa tendha.

KEKULI 4:30

Nkwen changchi nu sa pi mehai cü, nu nmagha kemethawa Jisu nyan wina azensuthu nu amankesathu saya thsülo.”

KEKULI 5:15

Apostelthu na tsüti kuli kechi ghena nyu na kesakinaathu pie wa alen wi awe nu awekeshiphi miwi chi nu Pitor na ciwi kewa wi ma ghayen yala mathu miwi gho thsüle sa.

KEKULI 5:17

Tsaseng Keqhaikedi ntsa nu ma pvüshangthu, nu Sadukithu pahan na apostelthu miwi anyonsa ntsa sa kesalina mathu miwi ajühkaghaten le cenya.

1 KORINTHNYI 12:9

Aghamu makesü wi kenondi pi meshu kesü cüden, nu kesakinaa sa pi mehaikeya kekhang pi anyi kepawa cüden.

JAMES 5:16

Tsalina nthu sa pi mehaiya thsüale kesalina khokho tu wi kesami khishi nu khokho ghena kekhie kesalilo. Ketsatan nyi kesü kekhie na kekhang ben ntsa kuliyaden.