KEKULI 5:13 - Kemethajüh (N) (Re-editing) Bible (BSI)

¹³ Anyithu na mathu kemehai cüki khi lela kepa wi thola ghola mathu gweghe messiya.

KEKULI 5:13 Iomraidhean Croise

1 KADIMITHU 17:18

Nzawa na Elijah wi khi, “Anyiza nyiwa, no mangkesa na imiwi hati saben nu? No hewi gho hi kesamithu pi Anyiza kiza nu itsawa ya shü thsüale sa kwe?”

ISAYA 33:14

Zion wi kesami ntsa nyithu na messi nu kedheggüben. Mathu na khi, “Anyiza jüh kekaghatenwa tsüna anuphanla mecang keten nni tsüti le. Ithu kesüla anni tsüti kesa witsü hangya mehai kwe?”

Luk Zhükechi Jühtheü Kemehaiwa 19:48

isala mathu na tsüti kesa len mu meya, kepaghenanye anyithu tsüdila ma jühkekhi tsü kesütanla nteshi mvula kinaben.

JOHAN 12:42

Tsüti sa lela Judah nyi kekhang kesenthu kejon na Jisu nondiya; isala Farisithu na Sinagog wi mathu jügüshithu kemessi ghena mangla nkhi la.

JOHAN 19:38

Tsaseng wi Josef, Arimatheya nyuti wina keghowa na wa Pilat wi ma ya Jisu kamang tsü pieya thsülo khie. (Josef na Judah nyi kekhang kesenthu kemessi ghena kuthi nu Jisu senkenie nyi kesü.) Pilat na akamang tsü pieya mehaile kiza, tsalina Josef na wa tsü pieshaya.

JOHAN 9:22

Anyi tsüwa bajja na Judah nyi kekhang kesenthu kemessi ghena ajüh hati khi, kepaghenanye Judah nyithu na anyi thowa na Jisu pi Khrista le khiten khe Sinagog wina jügüshiaben kesa centheng.

KEKULI 19:17

Efesa wi Judah nyithu nu Judah nyi nkenyethu la tsü cüki zaya nu mathu tsüdi messi ntsa sa nu Apvüwa Jisu nyan tsü kinyikü ntsa sa.

KEKULI 2:47

mathu na Anyiza seng, nu anyi tsüdila mathu nen ntsa sa. Atsathangla Apvüwa na hangshaya kebenthu pi mathu wwayaya sa.

KEKULI 4:21

Tsalina Hoho na tsü miwi manyi kitsan neng chi nu manyi lisha chi cüa. Mathu na manyi meten-mesha cü le kesa mangla sa meyala, kepaghenanye anyi tsüdila mangwa kulichi khe tsü ghena Anyiza seng ben.

KEKULI 5:26

Tsalina Kediwa na ma nyithu ssi wala apostelthu nbhenla ssinu gho neng, kepaghenanye mathu na nyu alon pi mathu kecenthi kesa messi.

KEKULI 5:5

Ananiya na tsü zaya meyi khulidu shü wa; nu tsü cüki zakeyathu tsüdila qhethiketen sa.

2 KORINTHNYI 10:15

Tsalina Anyiza na ikhang ghena kenten sa ketheng nyu kepathu na tsü miwi kuli kechi cüki ghena nkapvü lalo. Tsüti kesawa nye, nthu kenondi ji kayiya nu Anyiza na kenten sa ketheng ciwi na ikhang na keshüthangla nthu jawi kekuli tisie kayi wayaben kesa ghangben.