KEKULI 5:11 - Kemethajüh (N) (Re-editing) Bible (BSI)

¹¹ Kemehu maben nu kepathu ha cüki za keyathu tsüdila qhethiketen sa.

KEKULI 5:11 Iomraidhean Croise

ZAKECI 89:7

Kemethathu kemehu wi no messi; nu mathu tsüdi no messila ngan.

JEREMIYA 32:40

Hi mathu ssinu anuphan ghena cenkethenjüh kesü saaden. Hi khiewi la mathu ghena pala kemehai nkulila sa nben, nu hi mathu ya aleben tsüdi pi hi messi thsü, isanu mathu khiela hi wina nbvü thsüle kesalina.

KEKULI 19:17

Efesa wi Judah nyithu nu Judah nyi nkenyethu la tsü cüki zaya nu mathu tsüdi messi ntsa sa nu Apvüwa Jisu nyan tsü kinyikü ntsa sa.

KEKULI 2:43

Apostelthu na azensuthu nu amankesathu kejon kuli kechi ghena tsüdila messi shan.

KEKULI 5:5

Ananiya na tsü zaya meyi khulidu shü wa; nu tsü cüki zakeyathu tsüdila qhethiketen sa.

KEKULI 9:31

Tsalina ha Judea, Galilee, nu Samaria tsüdi wi kemehu na kecca tsü kesü sa. Kemetha Ghamu kekiqa wina kemehu satezü nu ji pfüpfü sa, nu Apvüwa kinyikü nu hang.

FILIPPINYI 2:12

Tsalina ipvüshangthu, hi nthu gweghe keben wi nthu na keshüthangla ijühkina keten tsüti hi nthu gweghe nbenla kesa wi nthu na tsü miwi ijüh nkinathu yishü. Messi nu kedheggüla kuli sen wa nthu hangshakeya cen yalo.

IBRINYI 11:7

Kenondi ghena Noah na Anyiza wi ma nkemu gha keten cüki kekitsan tsü zaya. Ma Anyiza jühkina nu ahun kesü cüya nu ciwi na ma nu ma theghithu hangshaya. Tsü ghena ayyiwa tsü yasa nu Noah na Anyiza wina kegho kenondi ghena ketsatan tsü muya.

IBRINYI 12:15

Anyiza nanketizen ncüzzi le kesa ghena kiden-kesha yalo. Thola ya kekha chan kesü ti shigü shagha nu anyi kejon sa pi agüccü thsü nsala.

IBRINYI 12:28

Ithu na pakuli mekeyacha kadiyyi kesü tsü muya kesa ghena leben ghashu saben nalo. Ithu na anonyengthi nu Anyiza kinyi, kinyikü nu messila ma kenenwa tsü sa nalo;

IBRINYI 4:1

Anyiza na ithu yala ma khi ketheng kecca tsü muya thsüle kesalina khili ajühkekhishi tsü pi ithu cüben. Tsalina ithu kiden-keshaya nu nthu kesütanla kecca tsü ya meyala nsa thsüle kesalina.

1 PITOR 1:17

Anyi nankepapa nsala tsüdi kekuli qei wina ghan-nan ketenwa Anyiza wi kekhie wi nthu na ma pi Aba ciden; tsalina nthu ayyi he wi keben chu ma kinyikü nu hanglo.

CCÜCAKECHI 15:4

Thowa na no nmessila benya mehai nu, Apvüwa? Thowa na no kedi cüki nkhila benya mehai nu? No ketan kemethawa. Mizzatenti tsüdila gho no kinyiben, kepaghenanye tsüdila no kekuli kemeshon tsü muyadha.”