KEKULI 4:36 - Kemethajüh (N) (Re-editing) Bible (BSI)

³⁶ Tsüti Josef, Levi nyi kesü Cipra wi kepvüghawa, apostelthu na pi Barnaba (ma jjügi nyu kechü-kenongwa) le ci ketenwa la

KEKULI 4:36 Iomraidhean Croise

MARK 3:17

Zebedee tsa keni James nu Johan (Jisu na manyi nyan pi Boanerges ma jjügi “Atsankeshigü Nyithu”) ci;

KEKULI 11:30

Mathu na hati sa nu apisa kesun pi Barnaba nu Saul manyi wina kemehu keshenpfüthu cü.

KEKULI 12:25

Barnaba nu Saul manyi na jühketsinyi kekuli sacen nu Johan Mark ssinu mathu gweghe Jerusalem wi gho neng.

KEKULI 13:1

Antiok wi kemehu wi atusenjüh-kechüthu nu kesansithu Barnaba, Simeon (kenimeghowa), Lusia (Ciren wina keghowa), Menaen (Ahng Herod na noncca keghowa), nu Saul hathu na ben.

KEKULI 13:15

Mosa Yenwa nu atusenjüh-kechüthu kezhü tsü kesi seng wi Sinagog wi kedithu na manyi wi ketsijüh kesunchi nu khi, “Acünyuthu, nshinyi na anyithu ghena kechü-kenong jüh ben lethu, ikhang na nshinyi yala tsü khi pi mathu kiza thsü mvu ben le!”

KEKULI 13:2

Mathu na zi nu Apvüwa kinyi keben wi Kemetha Ghamu na mathu kiza, “Barnaba nu Saul manyi na ighena nu hi manyi ci keya kekuli tsü sa thsüle kesalina manyi kesunshi chilo.”

KEKULI 13:4

Kemetha Ghamu na kesunshi kechi ti Barnaba nu Saul manyi na Selusia wi wa nu ciwi na ayyi mangkehi Cipra wi wa.

KEKULI 15:12

Mathu tsüdila ccen ben nu Paul nu Barnaba manyi wi Anyiza na manyi ssinu Judah nyi nkenyethu jawi azensu nu amankesathu kuli kechi cüki kekhi jüh tsü kina.

KEKULI 15:2

Paul nu Barnaba manyi na mathu ssinu ha jjügi ghena kicennali ntsa sa. Tsalina Paul nu Barnaba nu Antiok wi kahangthu pahan na Jerusalem wi wala ha ghena apostelthu nu keshenpfüthu metu wale cenya.

KEKULI 15:37

Barnaba na Johan Mark ssinu mathu gweghe wa mvu sa;

KEKULI 15:39

Ha jjügi ghena manyi kicennali ntsa sa nu ma nyi keteshilia. Barnaba na Mark ssiya nu atssü wina Cipra wi wa,

KEKULI 21:16

Kaesarea wina kegho kenondithu pahan la ikhang gweghe wa nu ikhang ssi wa Cipra wina keghowa kheni na nondi keten nyi kesü Mnason jjen wi ben thsü.

KEKULI 21:3

Ikhang na Cipra kaghape wi waya nu ciwi na sasen Siriya wi wa, ciwi na Tur wi ghoya, kepaghenanye ahunjjen na pala pvü keten tsü pi ciwi chiale ben.

KEKULI 27:4

Ikhang na ciwi na wa, isala ameghü sho ntsa kesalina ikhang na Cipra yimangkehi keshenten wina wa.

KEKULI 9:27

Tsaseng wi Barnaba na gho Saul ssinu apostelthu wi wala ma khati nu alenca wi Apvüwa metuya nu Apvüwa na ma keccüneng cüki tsü khimetha pi mathu kiza. Nu Saul na khati nu Damaska wi kempvüza sala Jisu nyan khi pi nyu sansi khe tsü cüki la khi pi mathu kiza.

1 KORINTHNYI 14:3

Isala anyi kesü Anyiza ketsijüh khi kebenwa tsüna anyithu wi khiben, nu tsüna mathu kiqa, kechü-kenong, nu leben satecca cüben.

1 KORINTHNYI 9:6

Nyelela Barnaba ishinyi ketan apvü-nmen ghena kuli nu kedsa-u kwe?

GALATIANYI 2:1

Amapi tagha mejü seng wi hi Tita ssisen Barnaba gweghe Jerusalem wi wa.

GALATIANYI 2:13

Judah nyi kepathu la Pitor kekuli ti sa shagha; nu ashukukeneng kekuliwa ha Barnaba lela ssi bvüa.

GALATIANYI 2:9

Accülikesathu, James, Pitor, nu Johan, hathu na Anyiza na kekuli ha pi hi cü ketheng mu; tsalina ithu gweghe kesü kesa zensu wina mathu kwen ajewa pi Barnaba ishinyi kwen zankethe. Barnaba ishinyi na Judah nyi nkenyethu jawi kuli nu mathu na Judah nyithu jawi kulile kesa cenya.

KOLOSSINYI 4:10

Hi gweghe atssüzü sa kebenwa Aristarka na nthu shalom saben, nu tsüti Barnaba cünyuwa Mark la nthu shalom saben. (Mark na nthu wi gho lethu, anonkeghe sa ma ssiyalo kesa kecükegwe kechi tsü nthu na muyadha.)