KEKULI 4:34 - Kemethajüh (N) (Re-editing) Bible (BSI)

³⁴ Akhang tsüwa wi meshu kesütanla nhhatu. Ajjen alli kebenthu na tsü pi jeü nu apisa sengho

KEKULI 4:34 Iomraidhean Croise

MATHI 19:21

Jisu ma wi khi, “Keujüla no haicenya mvu lethu wala no keben tsüdi jeü nu apisa pi ketha-u cülo, isathu no tang wi ben ntsa sayaben; tsaseng wi gho hi nie ghalo.”

MARK 10:21

Jisu na ma ghang pi tizenya nu ma wi kiza, “No pala kesü nsathu yishü ben. Wala no keben tsüdi jeü nu apisa pi ketha-u cülo; isathu tang wi no keben benyaben, tsaseng wi gho hi nie ghalo.”

Luk Zhükechi Jühtheü Kemehaiwa 12:33

Nthu keben tsüdi jeü nu apisa pi ketha-u cülo. Mme wa nkesa ji apisa hikhu tsü pi nthu ji saya nu nthu keben pi tang wi khiela zeng neng wa nkeben pen wi tsanqai yalo, kepaghenanye ciwi kaghanfü na ghanfüya nben nu akimi la pvüya nben.

Luk Zhükechi Jühtheü Kemehaiwa 16:9

Nu Jisu na khi, “Tsalina hi nthu kizaden: ayyi keben ha sen nu nthu pvüshangthu bhayalo, isanu nthu keben nmila lethu, mathu na nthu ssi pi anuphan jjen wi chiya ben na.

Luk Zhükechi Jühtheü Kemehaiwa 22:35

Tsaseng wi Jisu na ma sansikeyathu keü, “Hi nthu na apisa hikhu, ajula, nyelela accüguwen nsenla kesunshi kechi wi nthu na pala pahan zeng kwe? Mathu na khineng, “Nyele, mangla nsale.”

KEKULI 2:45

Mathu ajjen, alli nu keben tsüdila jeü sengho mathu jawi thowa na khaju nsenthu yishü ben khe pi gishü.

KEKULI 4:37

ma lli kesü pi jeü nu apisa sengho apostelthu kwen wi chia.

AYENZHÜNENG 2:7

“Apvüwa nthu Nyiza na khatila nthu kekuli alentagha wila sawegü pi nthu cü khe tsü meshen yalo. Nthu na ayyikeshü kedi hawi keqoedeja keten wi ma nthu nonccaya. Ma amapi jügha ha chuli nthu ssi benden, nu nthu na nthu nsenthu keyishü tsüdila benya thsüa.

1 THESSALONIKANYI 4:12

Hati nu nthu na nkenondithu wi kinyikü muya ben, nu nthu nsenthu keyishü tsü ghena anyi thola maghaki nben.

1 TIMOTHI 6:19

Mathu hati nu haseng wi mathu ghena keben tsü mehaitsü kiden pi theng yaben. Isanu mathu kahang wi atsentsawa kahang tsü muyaben.

JAMES 1:27

Abawa Anyiza tu wi atsentsa nu kemetha keccüna tsüna ha: Magha-maghangthu nu denyi-demathu na ketizen sa keben wi mathu nantizenchi, nu ayyi nkemehaiwa wi methasi benkeya.