KEKULI 4:32 - Kemethajüh (N) (Re-editing) Bible (BSI)

³² Kenondithu khangwa tsüna kemeshen nu aleben kesütan sa. Meshu kesütanla ma keben tsü pi ma ji le nkhi, isala mathu tsüdila ma keben tsü pi mathu gishü sen.

KEKULI 4:32 Iomraidhean Croise

2 KHENICÜKI 30:12

Anyiza la Judah wi kulichi nu kadimiwa nu ma kekhu wi kedithu na ahza khukechi tsü kenie wina anyithu na mathu kemeshen keyali nu Apvüwa jüh kinale saya.

JEREMIYA 32:39

Hi kahang ghena ajjügi kesütan pi mathu cüden: tsüna mathu matsü tsüdi wila hi kinyikü, tsüti kesa tsüna mathu ketanla mathu ghena nu mathu shicübvüghathu ghena la kemehai.

JOHAN 17:11

Hi khili no wi gha tendha; hi khilitsü ayyi ha wi nbendha, isala mathu tsü ha wi benden. O, Kemetha Bawa! No pi hi kecüthu tsü n-nyan kekhang wina mathu noncca ben tenlo, isanu mathu la ishinyi ti kesütan saben thsülo.

KEKULI 1:14

Mathu tsüdi nu nzathu pahan, Jisu jja Maria nu ma cünyuthu tsüdi gweghe nu kekhie saki ben wa.

KEKULI 2:1

Pentekost tsathang cukeya wi kenondithu tsüdila ghola apen kesü wi saghu ben.

KEKULI 5:12

Apostelthu na anyithu jawi azensu nu amankesathu kejonla saben. Kenondithu tsüdila gho Solomon Ccühha wi kemetuli.

ROMNYI 12:5

Tsü makesü, ithu na kejon lela Khrista wi tsü ithu na agwo kesütan, nu agwo kesü wi alen kepapa keben tsüti ithu tsüdila khokho kizanghuli pvüben.

1 KORINTHNYI 1:10

Icünyuthu, hi ithu Pvüwa Jisu Khrista nyan wina nthu wi khieben: nthu tsüdila ajühjja keyali nu nthu jawi gishü kepapa nsa lalo; isala nthu saghula kemeshen kesütan nu aleben kesütan sabenlo.

2 KORINTHNYI 13:11

Icünyuthu, kemehai sa benlo! Mehaicencu yale kesa ghena apiketsü salo; hi kekhi ha kinaya; khokho jühkeyali nu kecca wi hanglo. Anyiza nanketizen nu kecca ya nthu ssiben keyawa salo.

FILIPPINYI 1:27

Khili aghuti ntsawa na nthu kahang yala Khrista jühkemehaiwa ghena kahang qo sayalo, isanu hi gho nthu muyale mu meya lela nthu na ajjügi kesütan ghena zükeqhe ngan ben nu ajühkemehaiwa kenondi ghena nthu gweghe kesütan sa ssikesali benle kesa hi zayaben.

1 PITOR 3:8

Asakhenwa: Nthu tsüdila aleben kesü nu kemeshen kesü salo; cünyunyi ti ketizenli nu khokho tu wi ccatssü nu satemeni tenlo.

1 PITOR 4:11

Anyi thowa na nyu sansi ten khe Anyiza ketsijüh pi sansi thsülo; thowa na nyu kekuli sa ten khe ma ya Anyiza pi ma kecü kezü sen nu nyu kekuli sa, isanu anyankethang nu kekhang na anuphan nu anuphanla ma ji sa ketenwa Jisu Khrista wina pala tsüdi wi la keseng pi Anyiza kecüwa salo. Amen.