KEKULI 4:31 - Kemethajüh (N) (Re-editing) Bible (BSI)

³¹ Mathu na kekhie kesa cen seng wi mathu keben pen tsüna kuli shagha. Mathu tsüdila Kemetha Ghamu pongya nu kempvüza sala Anyiza ketsijüh tsü khi wa.

KEKULI 4:31 Iomraidhean Croise

MATHI 21:22

Keujüla nthu na nondi lethu nthu kekhie wi mangwa khie khe muyaben.”

ISAYA 65:24

Mathu na hi wi npi kekhiesha wina hi mathu kekhie luneng cüaben.

KEKULI 2:4

Mathu tsüdila Kemetha Ghamu pi pongya nu Aghamu kekhang pi mathu kecü ti mathu na ajüh kepathu khi shagha shan.

JAMES 1:5

Keujüla nthu anyi pahan na kemetsa wi hhatu ben lethu, ma ya Anyiza wi tsü khieya thsülo, kepaghenanye Anyiza na mohho ntsa nu anon-nkhula pi tsüdila cüden.

KEKULI 2:2

Zuli atssan wi ameghü kekhang kesho hhai ti gho mathu keben jjen tsü pongya.

KEKULI 4:29

Apvüwa, khili mathu cho kekiden ha ghangchi nu ikhang nmaghathu yala kempvüza sa nu ketsijüh ha khi thsülo.

JOHAN 15:7

Keujüla nthu na hi wi ben nu ijühthu na nthu wi ben lethu, nthu na mangwa nen khe khielo, isathu pi nthu cüben.

JOHAN 14:12

Hi atsentsawa nthu kizaden, thowa na hi nodiya khe hi sa ketenwa tsü ma la sayaden — anle, ma hathu miwi la kediki sayaden, kepaghenanye hi Abawa wi wa tendha.

JOHAN 15:16

Nthu na hi kessi meya, isala hi nthu ya wa nu nthu bi anuphan benya keten tsü kejon bünyalo kesalina hi nthu kessiya nu nthu pi kekuli sa thsü. Isathu nthu inyan wina Abawa wi mangwa khie khe ma tsü pi nthu cüden.

FILIPPINYI 1:14

Nu hi atssüzü kesa ghena acünyu kejon sa pi Apvüwa wi kempvüza saya thsüdha, isanu mathu matsü tsüdi wi hi kempvüza sa kayi nu nmessila ketsijüh khi.

KEKULI 2:1

Pentekost tsathang cukeya wi kenondithu tsüdila ghola apen kesü wi saghu ben.

KEKULI 4:13

Mathu na Pitor nu Johan manyi na anyi jümu pala nkechü nyi lela kempvüza kesa tsü mu pi mathu mansa. Isanu mathu na manyi kheni na Jisu nie keten nyile kesa chüya.

KEKULI 14:3

Apostel keni na ciwi matsü kesie-u ben nu manyi kempvüza sala Apvüwa jüh khi. Manyi na Apvüwa nanketizen cüki kekhi tsüna atsentsa le kesa ma amankesa nu azensuthu kuliya kemehai kekhang pi manyi cü nu kuli thsü.

FILIPPINYI 1:20

Hi nmvu ntsa nu ghang kebenwa na hi khie wila hi kekuli tsü nsala sa nten, isala matsü tsüdi wi nu khili hi kempvüza ntsa sala hi shü le hang lela hi kahang maben pi Khrista nyankethangwa tsü sayalo kheshilan! isaben.