KEKULI 4:29 - Kemethajüh (N) (Re-editing) Bible (BSI)

²⁹ Apvüwa, khili mathu cho kekiden ha ghangchi nu ikhang nmaghathu yala kempvüza sa nu ketsijüh ha khi thsülo.

KEKULI 4:29 Iomraidhean Croise

ISAYA 58:1

Apvüwa na khiben, “Saya kemehai chu misikhhali jishachilo! Inyi Israel kesami cüki pi mathu kizalo!

ISAYA 63:15

Apvüwa, no kemetha nu nyankethang wi hang keten pen tang wina ithu ghangchilo. No ithu cüki meshen ntsa keten tsüna khie nu? No kekhang na khie nu? No kaghali nu nanketizen na khie nu? Ithu n- ghangchila nsa lalo.

NONKEGÜ 3:50

Apvüwa na tang wina ithu npi mukeya chu ghangchi.

NONKEGÜ 5:1

O Apvüwa, ithu miwi mangwa sadha khe meshen chilo. Ithu kejügheya keben wi ha ithu ghangchilo.

EZEKIEL 2:6

“Isala keshü nyiwa, no mathu nyelela mathu na katsüha khi lela nmessi lalo. Mathu na no matang nu nkhichi saaden; tsüna ajüssithu jawi kahang ti saaben. Isalela hhaghe ketenthu nu mathu na katsüha khi lela nmessila.

DANIEL 9:18

Ithu kekhie kina cülo, O Anyiza; ithu na agükeccü wi ben nu n-nyan senketen nyunutiwa na ketizensa keben ha ghangchilo. Ithu na kemeshon kesa ghena nye, isala no nyu nantizen keten ghena ithu na no wi nanketizen khieben.

MIKA 3:8

Isala ighena tsü Apvüwa na ma ghamu nu kekhang pi hi pong cü, nu ajüh tsentsa kesen nu kempvüza pi hi cü nu Israel nyithu mathu kesami pi kiza thsüle sa thsü.

KEKULI 13:46

Isala Paul nu Barnaba manyi na tsü miwi kempvüza sa nu ajühkhi: “Anyiza jüh ha atuwa sa pi nthu nkizathu keyishü ghena. Isala nthu na tsü meya mvula nu nthu ketanla anuphan kahang tsü meya qo le sa kesalina ishinyi na nthu teshi nu Judah nyi nkenyethu wi wa tendha.

KEKULI 14:3

Apostel keni na ciwi matsü kesie-u ben nu manyi kempvüza sala Apvüwa jüh khi. Manyi na Apvüwa nanketizen cüki kekhi tsüna atsentsa le kesa ma amankesa nu azensuthu kuliya kemehai kekhang pi manyi cü nu kuli thsü.

KEKULI 19:8

Paul na Sinagog wi wa nu asha kecheng-u kempvüza ntsa sa nu Anyiza Kadiyyi cüki khi pi anyithu zanyale kesalina mathu ssinu ajüh keccücanli.

KEKULI 26:26

Kadimi Agrippa, no hathu ha chü keben ghena hi kempvüza sa nu no wi ajüh ha khiben. No tsüthu tsüdila mudha le kesa hi chütiben, kepaghenanye tsüna kekuthi nu ccügwen-ccüna wi nsale.

KEKULI 28:31

Ma nkuthila kempvüza sa nu Anyiza Kadiyyi cüki pi khi nu Apvüwa Jisu Khrista cüki pi nyu sansi.

KEKULI 4:13

Mathu na Pitor nu Johan manyi na anyi jümu pala nkechü nyi lela kempvüza kesa tsü mu pi mathu mansa. Isanu mathu na manyi kheni na Jisu nie keten nyile kesa chüya.

KEKULI 4:21

Tsalina Hoho na tsü miwi manyi kitsan neng chi nu manyi lisha chi cüa. Mathu na manyi meten-mesha cü le kesa mangla sa meyala, kepaghenanye anyi tsüdila mangwa kulichi khe tsü ghena Anyiza seng ben.

KEKULI 4:31

Mathu na kekhie kesa cen seng wi mathu keben pen tsüna kuli shagha. Mathu tsüdila Kemetha Ghamu pongya nu kempvüza sala Anyiza ketsijüh tsü khi wa.

KEKULI 9:27

Tsaseng wi Barnaba na gho Saul ssinu apostelthu wi wala ma khati nu alenca wi Apvüwa metuya nu Apvüwa na ma keccüneng cüki tsü khimetha pi mathu kiza. Nu Saul na khati nu Damaska wi kempvüza sala Jisu nyan khi pi nyu sansi khe tsü cüki la khi pi mathu kiza.

KEKULI 9:28

Tsalina Saul na mathu gweghe ben wa, nu Jerusalem tsüdi wi wa kempvüza sala Apvüwa nyan khi pi nyu sansi.

1 KORINTHNYI 14:13

Tsalina ajüh ketheü khi kebenwa na ma khi keben jjügi khimethaya kemehai kekhang khie meyathu yishü.

2 KORINTHNYI 3:12

Ikhang kaghang ha keben ghena ikhang kempvüza ntsa saben.

FILIPPINYI 1:14

Nu hi atssüzü kesa ghena acünyu kejon sa pi Apvüwa wi kempvüza saya thsüdha, isanu mathu matsü tsüdi wi hi kempvüza sa kayi nu nmessila ketsijüh khi.

1 THESSALONIKANYI 2:2

Ikhang na Thessalonika wi nthu wi npi kegho jü Filippi wi ikhang na khatila kejügheya nu kimenni khe nthu na chüben. Ciwi kematang na kejon ben lela Anyiza na kempvüza pi ikhang cü nu ikhang na ma wina kegho Jühtheü Kemehaiwa tsü pi nthu kiza.

2 TIMOTHI 4:17

Isala Apvüwa na hi gweghe ben nu hi satezü cü, isanu hi Judah nyi nkenyethu tsüdila zaya thsüle kesa ghena ketsijüh tsü maben pi thangchiya; nu ssensitemi pang wina hi khushiya.