KEKULI 4:27 - Kemethajüh (N) (Re-editing) Bible (BSI)

²⁷ Kepaghenanye ntsakhiwa Herod nu Pontia Pilat manyi na anyunuti ha wi Judah nyi nkenyethu nu Israel nyithu ssinu kemetuli nu nmagha kemethawa no ma pi Messiya sa thsü kesawa Jisu tsü shun.

KEKULI 4:27 Iomraidhean Croise

Job Lesüshen 14:4

Nmetha pi anyi kesü ti kesa miwi mangla kemetha na shhugho nben.

Job Lesüshen 15:14

Ntsakhiwa anyi kesüla methaya mehai kwe? Anyi kesüla Anyiza tuwi meshonya mehai kwe?

Job Lesüshen 25:4

Kesüla Anyiza tuwi tsatan nyelela methaya mehai kwe?

ZAKECI 2:2

Kadimi nu kekhangthu saghuya nu Apvüwa matang, nu ma kessi kechi kadimiwa la shun den.

ZAKECI 2:6

“Zion Yikha kemethawa miwi hi kadimiwa pi benya thsüdha,” ma isakhi.

ZAKECI 45:7

no kemeshon ghali nu nkemehai nanmeghü den. Tsalina Anyiza, n-Nyiza na no kessiyadha, nu kadimi kepathu miwi anonkeghe ji kayi pi nmiwi keshusha chidha.

ISAYA 37:26

“Hi kheni wina hathu ha kiden ghole kesa no nza kwe? Nu hi khili tsü sa ghoben. No ya khwetivü ketheng nyunutithu yasa nu dedi thsüale kesa ghena hi kekhang pi no cüle.

ISAYA 49:7

Israel Nyiza kemethawa nu hangshawa na nyu ma nkhichitha sakea, mizzatentithu na ma nanmeghü kesa, nu kekhang kesenthu magha sa kebenwa wi khi, “Kadimithu na no lishü kechi muben, nu mathu na kenyuwakü pi no ccüca le shaghaden; kaditsathu la tsü muben, nu mathu na kukedu no kinyiben.” Apvüwa na ha saaben, kepaghenanye Apvüwa na ma maghawa kessiyadha; Israel Nyiza kemethawa na ma khishi kechi tsü nieden.

ISAYA 53:3

Ithu na ma nkhichi nu ma meya mvula; ma ketizenkesa nu kinaa wi kethankehi. thola ma n-ghangchi, ithu na ma pi mangla nkenye ti sa nu ma meya mvula.

ISAYA 61:1

Kemisintsawa Apvüwa na ma ghamu pi hi pong cüdha. Ma hi kessiya nu hi kesun pi ajühkemehaiwa sengho ketha-uthu cü thsü, leben gükeccüthu sapi mehai cü, nyu kekhu wi kebenthu kekhen nkemi, nu atssüzüthu lishü kecü jüh pi thangchilo kesalina.

MATHI 14:1

Tsü tsüwi Galilee wi kekhang kesenwa Herod na Jisu cüki tsü zaya.

MATHI 14:3

Kepaghenanye Herod na kheni Johan ghanya nu ma bhen pi atssüzüjjen wi chia. Ma hati kesa hana ma cünyuwa Filip wubvü Herodia ghena.

MATHI 14:6

Herod kepvügha tsathang wi Herodia nga kesü na ghola anyithu maben tuwi nashü. Herod na ma nen ntsa saya

MATHI 21:28

“Khili nthu kemeshen tsü khati nu? Ciwi anyi kesü ma tsa keni ben. Ma wala keqhaiwa wi kiza, ‘Itsa nansü wala alli wi kulilo.’

MATHI 23:37

“Jerusalem, Jerusalem! No atusenjüh-kechüthu pathi nu Anyiza na nyilothu kesun pi no wi kechithu tsü pathi le! Hi khaju tughu awegü bvü na ma gisha pi ma zzathu ghong keten ti ikwen pi n-nyithu tsüdi ghatiya mvu lela nthu na hi ya tsüti nsa thsüla nu!

MATHI 27:2

Mathu na ma ghan pi bhenya nu ma ssi wa Rom nyi ahng sa kebenwa Pilat kwen wi chia.

MARK 10:33

Ma mathu wi “Kinalo, ikhang na Jerusalem wi shu tendha, ciwi nyu na Anyi Tsawa ghan pi keqhaikedi ntsathu nu Ayenkesansithu kwen wi chiaben . Mathu na ma meshensa pi shü thsülo pi Judah nyi nkenyethu kwen wi chiaben.

MARK 15:31

Tsü makesü keqhaikedi ntsathu nu Ayenkesansithu la Jisu nankeqhe nu khokho wi khi, “Ma nyu kepa wi hangsha yaben, isala ma ketanla ma hangsha meya le!

Luk Zhükechi Jühtheü Kemehaiwa 1:35

Nyilowa na luneng, “Kemetha Ghamu na nmiwi ghoben nu Anyiza kekhang na no ghong cüben. Tsalina ntsa tsü pvüghaya lethu, ma pi Kemethawa Anyiza Tsawa le ciden.

Luk Zhükechi Jühtheü Kemehaiwa 22:63

Anyi Jisu ghihie kebenthu na ma nankeqhe nu ma kiccüwa.

Luk Zhükechi Jühtheü Kemehaiwa 23:1

Anyi ciwi kebenthu mabenla shagha Jisu ssinu Pilat tuwi wa,

Luk Zhükechi Jühtheü Kemehaiwa 4:18

“Apvüwa Ghamu na imiwi ben, kepaghenanye ma hi ya ajühkemehaiwa pi ketha-u sansilo hi kessiya. Ma hi kesun pi atssüzüthu teshi chicü, anyon nkemuthu muya thsü, Ketizen kesathu lisha chicüden kesa pi thangchilo,

Luk Zhükechi Jühtheü Kemehaiwa 9:22

nu hati la khineng, “Anyi Tsawa na ketizen sa ntsa sa, nu keshenpfüthu, keqhaikedi ntsathu, nu Ayenkesansithu na ma meya mvula saben. Ma pi shü thsüaben, isala ghanan kecheng seng wi ma hangneng-shagha ben.”

JOHAN 1:11

Ma ma nyithu wi gho, isala ma nyithu na ma ssi meya mvu la.

JOHAN 10:36

Ighena tsü, Abawa na hi satemetha nu hi kesun pi ayyi wi chi. Isathu, hi Anyiza Tsawa le kekhi ghena nthu na khati nu hi kethenjüh khiben le khiya mehai nu?

JOHAN 18:28

Ghanen mitu na Kaifa jjen wina Jisu ssinu ahng jjen wi wa. Judah nyi kekhang kesenthu na ahng jjen non wi ndu, kepaghenanye mathu n-nakhila metha benla nu wala Shhukeya Kho tsse tsü dsayale ben.

JOHAN 18:29

Tsalina Pilat na akhemi wi shhugho mathu metu nu khi, “Nthu anyi hawa miwi kemeshensa mangwa khile ghoben nu?”

JOHAN 19:34

Isala süpahithu meshu kesü na apie pi Jisu menni kicun chi nu tsü meyi ajjü nu atssü na lle shhugho.

KEKULI 10:38

Anyiza na khati Kemetha Ghamu nu kekhang pi Nazareth nyiwa Jisu miwi chicü khe nthu na chüben. Anyiza na ma ssi keten ghena ayyi tsüdi wila wa nu kekuli kemehai sa nu nkemehai ghamu kekhang kekhu wi kebenthu tsüdila sa pi mehai cü.

KEKULI 2:27

kepaghenanye no hi teshi pi keshü yyi wi chia nben; no nmagha kemethawa ya ashüjjen wi bighe thsüa nben.

KEKULI 4:30

Nkwen changchi nu sa pi mehai cü, nu nmagha kemethawa Jisu nyan wina azensuthu nu amankesathu saya thsülo.”

IBRINYI 7:26

Jisu na Keqhaikedi Kemisintsa ithu nsenthu keyishüthu sa cü ketenwa tsü. Ma metha; ma wi kesazzi nu kesami mangla nmi. Kesamithu jawi ma pi makepa sa nu ma zanki pi tang miwi chiyadha.