KEKULI 4:24 - Kemethajüh (N) (Re-editing) Bible (BSI)

²⁴ Kenondithu na tsü zakeya wi mathu tsüdila gweghe nu Anyiza wi kekhie sa: “Apvüwa, atssan, ayyi, atssükedone nu tsüthu wi kebenthu tsüdila sa kechiwa!

KEKULI 4:24 Iomraidhean Croise

2 KADIMITHU 19:15

nu kekhie sa. “O Apvüwa, Israel Nyizawa, no kadipen cherubim miwi donki kebenwa, no ketan Anyiza le, ayyiwi kadiyyi tsüdi miwi kekhang sen ketenwa. No atssan nu ayyi sachi.

2 KADIMITHU 19:19

Apvüwa ithu Nyiza, khili Assiriya nyithu kwen wina ithu kekasha yalo, isanu ayyiwi mizzatenti tsüdila no ketan Anyiza le kesa chüya thsüle kesalina, O Apvüwa.”

NEHEMIYA 9:6

Tsaseng wi Israel nyithu na kekhie ha sa: “No, Apvüwa, no ketan Apvüwa le; no atssanthu nu ghotsithu sachi. No ayyi nu atssükedone nu ciwi kebenthu tsüdi sachi; no kahang pi tsüdi cü. Tang wi kekhangthu na kukedu nu no kinyi.”

BVÜKESHHU 20:11

Hi Apvüwa, ghanan tugho jüwi atssan, ayyi, atssükedone, nu ciwi kebenthu tsüdi sachi, isala tagü ghanan wi hi mnan wa. Tsalina hi Apvüwa, sawegü pi Sabbath miwi chi nu tsü sametha chitheng.

ISAYA 51:12

Apvüwa na khiben, ‘No satezü cü ketenwa tsüna hi. No mangkesa na shü keten nyi messiden, ma aghangwa miwi sieki hang nketen na?

JEREMIYA 20:13

Apvüwa sakilo! Apvüwa senglo! Ma nkemehaithu kekhang wina nyu ma pasha ketenthu kekasha cüden.

JEREMIYA 32:17

“Kemisintsa Apvüwa, no no kekhang keti nu kezü wi atssan nu ayyi sachi; mangla nghena dhu mtsü kesa nmi.

KEKULI 14:15

“Ae, anyithu, nthu mangkesa na hati saben nu? Ishinyi la nthu ti anyi le! Ishinyi na nthu yala ma men nkemi hathu wina khapeghe sen nu Anyiza atssan, ayyi, atssükedone, nu ciwi kebenthu tsüdi sakechiwa wi tsü ghoya thsüle kesalina Jühtheü Kemehaiwa khi pi nthu wi thangchile ghoben.

KEKULI 16:25

Ghaja non wi Paul nu Sila manyi na kekhie sa nu akhwisa pi Anyiza seng ben, nu atssüzüthu na manyi hhai tsü kina ben.

KEKULI 4:23

Pitor nu Johan manyi lisha chicü meyi manyi na ghola keqhaikedi ntsathu nu keshenpfüthu na manyi wi mangwa le kiza khe khi pi manyi pvüshangthu kiza.