Biblia Todo Logo
Bìoball air-loidhne

- Sanasan -




KEKULI 4:19 - Kemethajüh (N) (Re-editing) Bible (BSI)

19 Isala Pitor nu Johan manyi na luneng, “Nthu ketanla Anyiza tuwi khawa meshon khe meshen nanlo— nthu jüh kekina-u la Anyiza jüh kekina-u khe.

Faic an caibideil Dèan lethbhreac




KEKULI 4:19
30 Iomraidhean Croise  

Tsalina anyithu na Bethel nu Dan wi wala kekinyi ghena samia.


Tsalina Judah wina kegho atusenjüh-kechüwa na atusenjüh- kechü kaghawenwa gweghe ajjen wi whala gweghe dsajjü.


Apvüwa na Israel teshiaben kepaghenanye Jeroboam na sami nu ma Israel nyithu ssi wa kesami wi chia.”


Jezreel wi kahang kedithu nu ccülikesathu na Jezebel na kekhi ti sa.


Isala Mikaiya na luneng, “Hangkebenwa Apvüwa nyan wina ma mangwa khilo hi kiza khe hi tsü khiben kesa khishi benle!”


Tsaseng wi ma Uria wi kiza : “Hi kekinyipen ketiwa hapi aghanen mecang pi kekinyi nu minulen wi asu pi kekinyi, kadimiwa nu anyithu na mecang pi kekinyi nu asu pi kekinyi, nu anyithu ghena kisengtssü pi kekinyi ghena senlo. Ahhansha kesa sahangthu tsüdi jjü pi tsü miwi keshusha chi. Isala lezza pi kesa kekinyipenwa tsüpi ighena cenpvü keccüneng pen sala theng lalo.”


Uria na kadimiwa kekhi ti sa.


Nthu kekhang kesenthu atsentsa wi südhekeya tsü khuchi ten kwe? Nthu kemeshon wina anyi jühkaghakhiten kwe?


Isala kepvügha noncca keten nza keni na Anyiza kemessi nyi ghena kadimiwa jüh nkinala npvüzathu ya hangya thsüa.


Tsaseng wi hi khi, “Apvüwa na hi kesun pi nthu na zakeya hi khipi Kekinyijjen hawa nu anyunuti hawa keshun jühthu tsüdila khi thsü.


Isala keujüla ma tsüti nsa lela, ikhang na ncenpvüwa tsü kinyi nten, nu no suna pi kesa atsikezhü pieki kethengwa tuwi la kukedu nten kesa Njenkeben Kadimiwa na chüti yalo.”


Khathansha wi Daniel na ahza tsü miwi kadimiwa nyan zhükidha le kesa zaya khe ma ajjen wi wha. Ma jjensha tangwa keshondhi kesü wi jjenkubhi na Jerusalem wiwa jatan ben. Ciwi ma keshüthangla sa keten ti jjenkubhi tsü sha nu akhhutsüla ghanan kesü wi kecheng tughu Anyiza wi kekhie sa.


Israel na nyu ma kepasha wi ketizen saaben; ma ma ji kesa-u ntsa kesa yyi tsü bhataghadha, kepaghenanye ma mangla pi ma cüya nketenthu wi kekiqa bhale khvu wa kesalina.


Tsalina khili Apvüwa na mangwa khiben khe kina yalo. No na hi atusenjüh nkhila nu Israel nyithu keshunjüh nkhila yilo kiza.


Hawa ha saaben, kepaghenanye nthu na Kadimiwa Omri nu ma tsawa Kadimi Ahab manyi kekuli nkemehai kesa tsü nie wa kesalina. Nthu na manyi chothu tsü sagho ben, tsalina hi nthu ssigho dedi thsüa, nu anyi tsüdila nthu nankeqhe thsüaden . Anyi kahe wi tsüdila nthu nkhichila saaben.”


Mathu na “Rom Kadimiwa le” khineng chi. Tsalina Jisu na mathu wi kiza, “Isalethu, mangwa na Kadimiwa ji khe pi Kadimiwa cülo, nu mangwa na Anyiza ji khe pi Anyiza cülo.”


Jisu na hati khi nu Johan nu Pitor manyi kesun pi wa thsü, “Ithu gweghe Shhukeya Kho tsse dsale kesalina wala kidenyalo.”


Amei wi kemu ketan wi kemehai-keteshi chüyale nsa la, isala atsentsa wina kessi nu chüyalo.”


Mathu na Pitor nu Johan manyi na anyi jümu pala nkechü nyi lela kempvüza kesa tsü mu pi mathu mansa. Isanu mathu na manyi kheni na Jisu nie keten nyile kesa chüya.


Ma khi, “Ikhang na nthu anyi hawa nyan pi nyu nsansi lalo kesa kiza ntsa sadha, isala nthu na kesansijüh tsü pi Jerusalem pongdha, nu nthu na anyi hawa keshü tsü pi ikhang miwi chi mvu ben.”


Pitor nu apostel kepathu na luneng, “Ikhang na anyi miwi Anyiza jühwa nkinathu yishü ben.


Hi nthu pi kemetsa nyi sa nu nthu kizaben; nthu ketanla hi mangwa khiben khe tsü meshen nanlo.


Ikhang na kekuthi nu nkemejüghe kekulithu tsüdi teshidha; ikhang na nyu kemechu nyelela Anyiza jüh tsü pi milikemesa sa nten. Atsentsawa kewegü wina ikhang Anyiza tuwi hang nu ikhang ketanla ikhang pi anyi tsüdi tuwi kemeshen kemehaiwa tsü saden.


Ghanyithu, Apvüwa wina nthu bajjathu jühkina yalo, kepaghenanye nthu na hati kesa-u.


Hawa ha mehai nu ithu Hangshawa Anyiza kenen saben,


Kenondi ghena Mosa bajja na ma pvügha keya wi asha kecheng pi kuthi. Manyi atsa tsüna atsimehai ntsa kesa mu keya wi kadimiwa ahza tsü nmessila bheghe.


nthu ketanla nthu jawi anyi nankepapa sa nu nkemehai kemeshen wina nyu ghan-nan ben.


Lean sinn:

Sanasan


Sanasan