KEKULI 4:13 - Kemethajüh (N) (Re-editing) Bible (BSI)

¹³ Mathu na Pitor nu Johan manyi na anyi jümu pala nkechü nyi lela kempvüza kesa tsü mu pi mathu mansa. Isanu mathu na manyi kheni na Jisu nie keten nyile kesa chüya.

KEKULI 4:13 Iomraidhean Croise

MATHI 11:25

Tsü tsüwi Jisu na khi, “IBa, atssan nu ayyi Pvüwa! Hi no sengle, kepaghenanye no pi kemetsa nu kechüthu tuwi kuthi ketheng tsü pi nkechüthu ccücachi kesalina.

MATHI 26:71

nu ma accühha kedulen wi tsü shhua. Maghale kepawa na ma muya nu anyi ciwi kebenthu wi khi, “Ma la Nazareth nyiwa Jisu tsü gweghe tenle!”

MATHI 26:73

Matsü keu seng wi anyi ciwi ngan kebenthu na Pitor wi gho nu khi, “No la mathu jawi kesü sa metsi. Kepaghena nye njüh kekhi wina no ghan yaben.”

Luk Zhükechi Jühtheü Kemehaiwa 22:8

Jisu na hati khi nu Johan nu Pitor manyi kesun pi wa thsü, “Ithu gweghe Shhukeya Kho tsse dsale kesalina wala kidenyalo.”

JOHAN 19:26

Jisu na ma jja nu ma tizenghali keten sansikeyawa manyi na ma kete wi ngan keben muya; tsalina ma ma jja wi khi, “Ae, ma ntsa le!”

JOHAN 7:15

Judah nyi kekhang kesenthu na ma kesansi jüh ghena amansa nu khi, “Anyi hawa ha khiela lesüjjen wi nwa lethu, ma khati nu pala hajuju chüben nu?”

JOHAN 7:49

Anyitenti hawa ha Mosa Yenwa tsü nkechü ghena mathu Anyiza kishen-keshi pvüyadha le!”

KEKULI 4:14

Isala mathu na mangla khi meyala, kepaghenanye mathu na anyi sa pi mehai keyawa tsüna Pitor nu Johan gweghe ngan keben mudha.

KEKULI 4:19

Isala Pitor nu Johan manyi na luneng, “Nthu ketanla Anyiza tuwi khawa meshon khe meshen nanlo— nthu jüh kekina-u la Anyiza jüh kekina-u khe.

KEKULI 4:29

Apvüwa, khili mathu cho kekiden ha ghangchi nu ikhang nmaghathu yala kempvüza sa nu ketsijüh ha khi thsülo.

KEKULI 4:31

Mathu na kekhie kesa cen seng wi mathu keben pen tsüna kuli shagha. Mathu tsüdila Kemetha Ghamu pongya nu kempvüza sala Anyiza ketsijüh tsü khi wa.

KEKULI 9:27

Tsaseng wi Barnaba na gho Saul ssinu apostelthu wi wala ma khati nu alenca wi Apvüwa metuya nu Apvüwa na ma keccüneng cüki tsü khimetha pi mathu kiza. Nu Saul na khati nu Damaska wi kempvüza sala Jisu nyan khi pi nyu sansi khe tsü cüki la khi pi mathu kiza.

KEKULI 9:28

Tsalina Saul na mathu gweghe ben wa, nu Jerusalem tsüdi wi wa kempvüza sala Apvüwa nyan khi pi nyu sansi.

1 KORINTHNYI 1:27

Anyiza na ayyi wi kemetsathu kejügheya thsüle kesalina kejüphonthu kessiya, nu ayyi wi kekhangthu kejügheya thsüle kesalina nkekhangthu kessiya.

1 KORINTHNYI 14:25

ma kekuthi kemeshen tsüdila khishiaben, nu ma akhhutsüdu Anyiza kinyi nu khishiben, “Ntsakhiwa, Anyiza na he wi nthu jawi ben le!”

2 KORINTHNYI 3:12

Ikhang kaghang ha keben ghena ikhang kempvüza ntsa saben.