Kadimiwa nyan ya khiela mali nkeya; aghani keben chu ma nyan thang kebenwa sa. Anyiza na sawegü pi kadimiwa kecü ti mizzatentithu tsüdi ya sawegü pi mathu cülo ma wi kekhiewa sa.
‘Hi Israel nyithu na leben güccü nu kekhie hhai za, “Apvüwa, ithu na nkesansi ghangsa kesü ti keten, isala no ithu sansi pi ajühya thsüa. Ithu ssineng gholo; Apvüwa ithu Nyiza, ithu na no wi kheneng ghoale kiden yadha.
No Samaria nyithu na nthu thowa kinyi ten khe tsü nchü; isala hi Judah nyithu na ithu thowa kinyi ten khe chüben, kepaghenanye hangshakeya na Judah nyithu wina gho.
Isala Kemetha Ghamu na nthu miwi gho lethu kekhang pi nthu pong cüben, nu nthu na Jerusalem, Judea, nu Samaria tsüdi wi nu ayyi ccügwen wi lela ighena chüzathu saben.”
Isala hi atuwa sa Damaska nu Jerusalem nu Israel diyyi maben nu Judah nyi nkenyethu jawi wa, nu mathu kesami wina leben khapegheya nu Anyiza wi gho, nu mathu leben khapeghe keya kekuli pi nyu ccücalo kesa pi sansi.
Abraham, Isak, nu Jakob Nyiza, nu ithu baqhaithu Nyiza na ma maghawa Jisu nyankethang sa kechi. Nthu na ma ghan pi kekhang kesenthu kwen wi chia, nu Pilat na ma teshi chiale sa lela nthu na Pilat tuwi na ma meya mvula.
Kepaghenanye Mosa na khitheng: ‘Apvüwa nthu Nyiza na atusenjüh-kechü kesü kesun pi nthu wi chi cüben; ma hi kesun kechi ti, ma nthu nyi kesü saben. Ma pala pi nthu kekiza tsüdila nsathu yishü.
Atusenjüh-kechüthu wina Anyiza jühkhukechi tsüna nthu ghena, nu Anyiza na nthu bamyithu ssinu cenkethenjüh wi tsü nthu shei la ben. Ma Abraham wi kekhi ti, ‘Nthu shicübvüghathu wina hi sawegü pi ayyi nyi tsüdi cüben.’
Kepaghenanye hi nthu kizaben, Khrista kahang wi Judah nyithu mithon wina kekuli tsüna Anyiza na jühtsentsa sala kheni mathu bamyithu wi khishi kethengthu tsü sacendha kesa pi ccüca,
Ithu keseng pi Anyiza nu ithu Pvüwa Jisu Khrista Ba cü nalo! Kepaghenanye ithu Khrista wi benkeya ghena ma tang wi aghamulen wi kesawegü pi ithu cüdha.
Ithu nkesengcha sa pi Anyiza nu ithu Pvüwa Jisu Khrista Bawa cü nalo! Ma nanketizen kedi ntsa ghena keshü wina Jisu Khrista sa pi hangneng cü nu kahang ketheü pi ithu cüdha. Hana kahang kaghang kesü pi ithu pong cü,
Nkemehai pi nkemehai ndhila nyelela kishenkecü pi kishenkecü kuti nsala; tsüti kesawa nye, sawegü pi cülo, kepaghenanye Anyiza na nthu ci keya wi kesawegü pi nthu cüle khishi theng.