KEKULI 3:25 - Kemethajüh (N) (Re-editing) Bible (BSI)

²⁵ Atusenjüh-kechüthu wina Anyiza jühkhukechi tsüna nthu ghena, nu Anyiza na nthu bamyithu ssinu cenkethenjüh wi tsü nthu shei la ben. Ma Abraham wi kekhi ti, ‘Nthu shicübvüghathu wina hi sawegü pi ayyi nyi tsüdi cüben.’

KEKULI 3:25 Iomraidhean Croise

ADECHHÜ 12:3

“Hi sawegü pi no cü ketenthu sawegü cüden. Isala kishen cü pi no cü ketenthu kishen cüden.” “Nu hi no wina sawegü pi mizzatenti tsüdila cüden.”

ADECHHÜ 17:19

Isala Anyiza na khi, “Nyele, nwubvü Sarah na atsa kesü pvügha yaden, nu no ma nyan pi Isak ciyalo. Hi ma nu ma shicübvüghathu ssinu cenkethenjüh kesü saden. Cenkethenjüh hawa ha anuphan ghena.

ADECHHÜ 18:18

Ma shicübvüghathu na mizzatenti keti nu kekhang kesü sa thsüden, nu hi ma wina sawegü pi mizzatenti tsüdi cüden.

ADECHHÜ 20:7

Khili nzawa tsü pi ma wuba cü nenglo. Ma atusenjüh-kechü nyi kesü, ma nghena khie chithu no shü nben. Isala keujüla no nzawa pi ma ncü neng lethu chüyalo, no nu n-nyithu tsüdi shüaben.”

ADECHHÜ 22:18

Mizzatenti tsüdila hi sawegü pi nshicübvüghathu kecü ti pi mathu la cülo khieben, — kepaghenanye no hi ayenkhukechi tsüdi kenie ghena.”

ADECHHÜ 26:4

Hi tang wi ghotsithu ti ashicübvügha kejon pi no cüden, nu hi ayyi ha tsüdi pi mathu cüaden. Mizzatentithu tsüdila hi sawegü pi nshicübvüghathu kecü ti sawegü pi mathu la cülo khieben.

ADECHHÜ 28:14

Nshicübvüghathu na sha pi ayyinikhu ti saben. Mathu na bvüzighe sen nu acüla, agha, nidu, nu nishu tsüdi wi waben, nu hi no nu nshicübvüghathu miwi na sawegü pi mizzatenti tsüdi cüben.

1 KHENICÜKI 16:16

ma Cenkethenjüh tsüna Abraham ssinu sa, ma Isak wi khishichi.

1 KHENICÜKI 16:17

Apvüwa na Jakob ssinu Cenkethenjüh kesü sa, tsüwa tsüna anuphanla benden.

NEHEMIYA 9:8

No ma no wi jühtsentsa kesa muya, nu no ma ssinu cenkethenjüh kesü sa. No Kanaan nyithu yyi pi ma cüle khishichi, Hitti nu Amor nyithu yyi, Jebus, Girgash, Periz nyithu yyi, ma shicübvüghathu hang keten yyi kesü. No jühtsentsa kesa ghena no khishikechi tsü nieden.

ZAKECI 22:27

Mizzatentithu tsüdila Apvüwa meshen yaden. Ayyi tsüdi wi mathu na ma wi kheneng gho; amizza tsüdila ma kinyi den.

ZAKECI 96:7

Apvüwa senglo, ayyi wi anyithu tsüdi; ma nyankethang nu kekhang tsü senglo.

Luk Zhükechi Jühtheü Kemehaiwa 1:72

Ma ithu bamyithu nantizenchi, nu ma kemetha Cenkethenjühwa tsü meshen benden khi.

KEKULI 13:26

“Hi Israel nyithu, Abraham shicübvüghathu, nu Judah nyi nkenyethu he wi Anyiza kinyi kebenthu: ithu ghena hangshakeya ketsijüh ha kesun chi le!

KEKULI 2:39

Kepaghenanye Anyiza jühkhukechiwa tsüna nthu, nthu tsangathu, nu kelensie wi kebenthu lela Apvüwa ithu Nyiza na ci pi ma wi chiya ketenthu tsüdi ghena.”

ROMNYI 15:8

Kepaghenanye hi nthu kizaben, Khrista kahang wi Judah nyithu mithon wina kekuli tsüna Anyiza na jühtsentsa sala kheni mathu bamyithu wi khishi kethengthu tsü sacendha kesa pi ccüca,

ROMNYI 4:13

Anyiza na Abraham nu ma shicübvüghathu wi ayyi tsüdi pi ma ji sa thsüaden khishichi, ma tsüti sa, tsüna ma Ayenwa kenie ghena nye, isala ma kenondi ghena Anyiza na ma pi ketsatan nyi saya.

GALATIANYI 3:16

Anyiza na ajühkhuchithu sa pi Abraham nu ma shicübvügha cüdha. Ntsawajüh na “shicübvüghathu” kejon majjügi anyi kejon khi nben, isala “shicübvügha” kesütan majjügi anyi kesütan tsüna Khrista khiben.

GALATIANYI 3:29

Keujüla nthu na Khrista ji saya lethu, nthu na Abraham shicübvüghathu sayadha nu Anyiza jühkhukechi tsü muyaben.

GALATIANYI 3:8

Ntsawajüh wi Anyiza na Judah nyi nkenyethu kenondi ghena pi ma tu wi meshonya ben kesa khitheng. Tsalina Jühtheü Kemehaiwa na Abraham wi kiza, “No wina Anyiza na sawegü pi anyi tsüdila cüben.”

CCÜCAKECHI 14:6

Tsaseng wi hi tangnyilo kepa wi kesü na atssan wi pighe nu anuphan Jühtheü Kemehaiwa ketsijüh tsü pi ayyi wi anyithu, ashicü, amizza, ajühjja, nu mizzatenti tsüdi wi khi keben mu.

CCÜCAKECHI 5:9

Mathu na akhwi ketheü kesü sa: “No kezhülluwa tsü khuya nu mechantsithu tsü pakhhi qole! Kepaghenanye no pathia, nu no ahhansha sa keshü wina Anyiza ghena amizza, ajühjja, mizzatenti, nu ashicü tsüdi wi anyithu sheiyadha.

CCÜCAKECHI 7:9

Ha seng wi hi ghangchi nan ciwi anyitenti ji ntsa thola si mekeya khi kesü mu! Mathu na ashicü, amizza, mizzatenti, nu ajühjja tsüdi wina keshhugho, nu mathu na athsümeni kemiki pvü, mathu kwen wi agu cünathu khusen nu kadipen nu Khaghanenizzawa tu wi nganben.