KEKULI 3:21 - Kemethajüh (N) (Re-editing) Bible (BSI)

²¹ Anyiza na kheni ma atusenjüh-kechü kemethathu wina khi ketheng pala tsüdila sa pi ketheü sa keten matsü na npi kegho chu ma tang wi nbenthu yishü.

KEKULI 3:21 Iomraidhean Croise

ISAYA 1:26

Kheni nthu wi kekhang kesen nu sansichüthu na ben kegho tsüti pi nthu cü nengden. Tsaseng wi Jerusalem pi ketsatan nu kenondi qo nyunutiwa le ciaden.”

Luk Zhükechi Jühtheü Kemehaiwa 1:70

Ma kheni atusenjüh-kechü kemethathu wina

KEKULI 1:11

Manyi na mathu wi, “Nthu Galilee nyithu mangkesa na ciwi ngan nu tang wi ghang ben nu? Nthu wina ssi sen nu tang wi wa kesawa Jisu hana nthu ma tang wi wa keten kemu tsü makesü gho neng ben le!”

KEKULI 10:43

Atusenjüh-kechüthu tsüdila ma cüki khi, anyithu kesü le kesü lela ma nondiyathu ma nyan kekhang wina kesami keteshi mu yaben kesa khichi.”

KEKULI 3:19

Tsalina leben khapegheya nu Anyiza wi gholo, isathu ma nthu kesami teshi pi cüben na.

KEKULI 3:20

Isanu Apvüwa wina aghamulen wi sa ketezü matsü na ghoben, nu ma nthu ghena kessikeyawa Jisu, pi Messiya le ci ketenwa tsü kesun chi cüben.

ROMNYI 8:21

sahangkechithu tsü ghanan kesü bighea keten tssüzü sa keben wina lishachi nu Anyiza tsangathu nyankethang kekhenkeghe nkemi wi tsü gweghe yaben.

IBRINYI 1:1

Kheni tsü wi Anyiza na alen kejon wi kejon tughula atusenjüh-kechüthu wina ithu bamyithu ccüneng,

2 PITOR 1:21

Kepaghenanye atusenjüh-kekhi tsü kesüla anyi kemeshen wina ngho, isala Kemetha Ghamu na anyithu miwi ben nu mathu Anyiza wina kegho ketsijüh tsü khi.

2 PITOR 3:2

Nthu ya kheni atusenjüh- kechüthu na kekhi jüh, nu Apvüwa nu Hangshawa jühkhukechi nthu apostelthu na pi nthu kecü tsü meshenya thsü mvuben.

CCÜCAKECHI 18:20

O tang wi kebenthu, ma yasa kesa ghena anonghelo! Anonghelo, Anyiza nyithu, apostelthu, nu atusenjüh-kechüthu! Kepaghenanye ma nthu miwi kuli kechi tsü ghena Anyiza na ma meshensadha le!

CCÜCAKECHI 22:6

Tsaseng wi tangnyilowa na hi kiza, “Ajüh hathu ha atsentsa nu nondi qo le! Apvüwa Anyiza, ma Ghamu pi atusenjüh-kechüthu kecüwa na ma nyilo kesunchi pi pala wan sacen keten tsü pi ma maghathu ccüca thsüben.”