KEKULI 3:20 - Kemethajüh (N) (Re-editing) Bible (BSI)

²⁰ Isanu Apvüwa wina aghamulen wi sa ketezü matsü na ghoben, nu ma nthu ghena kessikeyawa Jisu, pi Messiya le ci ketenwa tsü kesun chi cüben.

KEKULI 3:20 Iomraidhean Croise

MATHI 16:27

Kepaghenanye Anyi Tsawa na ma Ba nyankethang wi ma nyilothu ssinu gho tendha, nu ma anyi tsüdi papa kekuli kenie wina akutimen pi cüden.

MATHI 24:3

Jisu na wala Oliv Yikha wi donki keben sansikeyathu na gho ma wi keü, “Hathu ha kusi saben khe pi ikhang kizalo. No gho keten wi nu kahang sakhen gho keten wi zensu khati saben khe pi ccücalo.”

MARK 13:26

Tsaseng wi Anyi Tsawa na akulu- keshü miwi na khang ntsawa nu anyankethang sa ghoben.

Luk Zhükechi Jühtheü Kemehaiwa 19:11

Tsaseng wi Jisu na ajühkaghape kepa wi la khi pi ma jühkina kebenthu kiza. Ma Jerusalem tetsaki wa tendha, nu mathu na Anyiza Kadiyyi tsüna wan gho tendhale sa.

Luk Zhükechi Jühtheü Kemehaiwa 21:27

Anyi Tsawa na kekhang sen nu anyankethang sala akulukeshü miwi ghoden.

KEKULI 17:31

Kepaghenanye ma anyi kesü kessiya kesawa wina ketsatan sen nu ayyi maben jühkaghaten keten tsathang kesü ssan pi thengdha le!”

KEKULI 3:19

Tsalina leben khapegheya nu Anyiza wi gholo, isathu ma nthu kesami teshi pi cüben na.

KEKULI 3:21

Anyiza na kheni ma atusenjüh-kechü kemethathu wina khi ketheng pala tsüdila sa pi ketheü sa keten matsü na npi kegho chu ma tang wi nbenthu yishü.

2 THESSALONIKANYI 2:2

Apvüwa tsathangwa tsüna ghodha le kekhi ghena wan nthu leben dhendhe sa nu chükivvü nbenla. Tsüna ikhang atusenjüh-kekhi, nyu kesansi, nyelela lesüzhü kechi wi khishe meshen.

2 THESSALONIKANYI 2:8

Tsaseng wi Gheshighenawa tsü pi ccücaben, isala Apvüwa Jisu na gho nu ma pang wi ahathakissa nu ma keten kewegü pi ma pathi nu yasa ben.

IBRINYI 9:28

Tsü makesü Khrista la anyi kejon kesami sen bvüale kesalina kutitan na ma pi ahhansha sa chidha. Ma keni tughuwa gho keten tsüna kesami pvüyale kesa ghena nye, isala ma hie kebenthu tsü hangshayale kesa ghena ghoden.

CCÜCAKECHI 1:7

Ghangchilo! Ma akulukeshü miwi na ghoden. Anyi kesüsü tsüdi nu apie pi ma kekicunthu la ma mu shanden. Ayyi wi keben amizza tsüdila ma ghena qaiben. Ntsakhiwa tsüti saben. Amen.