KEKULI 3:19 - Kemethajüh (N) (Re-editing) Bible (BSI)

¹⁹ Tsalina leben khapegheya nu Anyiza wi gholo, isathu ma nthu kesami teshi pi cüben na.

KEKULI 3:19 Iomraidhean Croise

ZAKECI 103:12

Nishu na nidu sinu temeja kesa tsüti, ma ithu kesamithu tsü khupi ithu wina temeja cüden.

ZAKECI 51:13

ciwi hi n-yenkhukechi tsüpi kesamithu sansiden, nu mathu kheneng no wi ghoaden.

ZAKECI 51:9

Hi kesamithu wi n-nyon kemabhon ya, nu hi nkemehaithu tsüdila nyen cülo.

ISAYA 43:25

Isala hi Anyiza, no kesami teshi pi cü ketenwa tsü, hi tsüna hi, tsalina hi tsüti saaden. Hi no kesami pi no matang ntendha.

ISAYA 44:22

Hi no kesamithu teshi pi akulukeshü ti bvü thsüdha. Hi wi kheneng gholo; hi no hangshaya ketenwa tsüle.

ISAYA 51:11

No mathu kikasha kecüthu na anonkeghe ghena akhwisa, nu jishala gho Jerusalem cuyaben. Mathu na anuphan anonghe ben den, leben ketizenkesa nu leben gükeccü nmila anuphan ben den.

ISAYA 6:10

Tsaseng wi ma hi kiza, “Anyi hathu leben papi jeng thsü, mathu khuna tecu thsü, nu mathu nyon nmu thsü lalo, isanu mathu ya nmu, za meya nyelela chüshi meya thsülaben. Mathu na kheneng hi wi gho nu mehaiyathu keyishü ghena.”

ISAYA 61:3

Accükwenkeshü mithon wi anonkeghe, nu kenong pi Zion wi anongü kebenthu cü thsü, ahathakina mithon wi keseng khwi kesü pi cülo kesalina. Mathu na Apvüwa ma ketanla achanthu pi sheng ketheng tsüti saaben. Mathu tsüdila kemeshonwa saaben, nu Anyiza na sakechithu ghena nyu na ma sengben.

ISAYA 61:9

Mathu na mizzatentithu jawi nyankemechan saaben. Tsüdila mathu mukeya wi mathu na hi kesawegü kepvü nyithu le chüyaben.”

JEREMIYA 36:3

Judah nyithu na hi sen nu mathu miwi ghole keben kededithu cüki tsüdi zaya nu mathu kekuli nkemehai wina kheneng sen nu hi wi gho nashe, isathu hi mathu gheshighena kekuli nu kesamithu teshi cüaden .”

JEREMIYA 50:20

Tsü matsü na kegho wi Israel wi kesami kesüla mu nben, nu Judah wi gheshighena na ben nben, kepaghenanye hi kahangli heisha kecüthu tsüdi kesami teshi pi cüaden . Hi Apvüwa, hi khidha.”

NONKEGÜ 3:40

Ithu len ghang kaketsü sa nu Apvüwa wi kheneng gho na lo.

NONKEGÜ 5:21

Apvüwa, ithu ssinu no wi gho nenglo! Ithu ssi neng gholo! Kheni ithu nyankethang tsü sa neng cülo.

EZEKIEL 33:11

Hi Kemisintsa Apvüwa hangben keten Nyiza tsentsawa ghena kesami nyi kesü keshü ghang pi hi nen ntenle kesa kizalo. Hi ma kesami nsala nu hangkeyawa hi nenle. Israel, no kekuli nkemehai sa kebenwa tsü teshilo . Mangkesa na no shü mvu ben nu?

DANIEL 9:13

Mosa Yenwa wi kemeten cüki zhüketheng tsüti tsüdi ithu miwi ghodha. Isala khili lela, O Apvüwa ithu Nyiza, ithu na kesami wina kheneng nyelela no wi atsentsawa tsü nie nu no kenenwa sale nsaladha.

HOSEYA 14:2

Apvüwa wi kheneng gholo nu kekhie ha pi ma wi nthu kekinyi sa thsülo: “Ithu kesami tsüdila teshi cü nu ithu kekhie kina cülo, isalethu ithu na khishiketheng ti no sengden.

JOEL 2:13

Nthu hathanaben le kesa lebengüccü pi ccücalo; nthu thsümeni mezüqhe kesa tsü ketan ncen le.” Apvüwa nthu Nyiza wi ghoneng lo. Ma wi ccatssü nu nanketizen na pongben; ma lebensie nu ma khishi kechithu tsü saaden; ma keshüthangla meten kecüwa nyela kesami teshi pi cüle saden.

MATHI 13:15

kepaghenanye mathu leben na jengdha, mathu akhuna tecu nu mathu nyon na jangdha. nyelethu, mathu nyon na mu, mathu khuna na za, nu mathu leben na chüshiya kesa; isanu mathu na hi wi gho nu hi mathu sa pi mehai cüa kesale, Anyiza na khi.’

MATHI 18:3

nu khi, “Hi nthu kizaden, nthu kahang kemili pi ghanyithu ti sa nkeya tsü nthu na khiela tang Kadiyyi wi duya nben.

Luk Zhükechi Jühtheü Kemehaiwa 1:16

Nu ma Israel nyi kejonla sa pi Apvüwa mathu Nyiza wi gho nengya thsüaben.

Luk Zhükechi Jühtheü Kemehaiwa 22:57

Isala Pitor na nyele nu khi, “Nzawa, hi ma thowa khe nchüle!”

KEKULI 1:6

Apostelthu na gho saghu keya wi mathu na Jisu wi keü, “Apvüwa, no khili tsü ha Kadiyyi tsü pi Israel nyi cü neng tendha la?

KEKULI 11:18

Mathu na ha zakeya seng wi kicennali nsala nu Anyiza seng nu khi, “Anyiza na Judah nyi nkenyethu la leben khapeghe nu hangya thsüle kesalina matsü kemehai pi cüdha.”

KEKULI 11:21

Apvüwa kekhang na mathu ssiden, nu anyi kejonla nondiya nu Apvüwa wi kheneng gho.

KEKULI 15:3

Isanu kemehu na mathu kesun pi wa thsüa; nu mathu na Fonisia nu Samaria pvüdhi kewa wi Judah nyi nkenyethu na khati nu Anyiza wi ghoben khe tsü cüki pi nyu kiza; ajüh ha ghena kenondithu na anonghe ntsa sa.

KEKULI 17:26

Ma anyi kesü wina anyi mizza tsüdila sachi nu mathu yala ayyi tsüdi wi hangya thsüdha. Ma npi wina mathu ghena matsü nu kahang pen sa pi theng cüdha.

KEKULI 2:38

Pitor na mathu wi kiza, “Nthu tsüdila kesami wi leben khapeghe nu Jisu Khrista nyan wina baptaiz sa meyathu yishü, isanu nthu kesami keteshi muyale kesalina; isa lethu, nthu na Anyiza juwa Kemetha Ghamu tsü muya ben.

KEKULI 28:27

kepaghenanye anyi hathu leben na kejüphon sa, mathu khuna decu, nu mathu nyon nmuladha. nyelethu, mathu nyon pi mu, mathu khuna pi za, nu mathu leben pi chüshiya, isanu hi wi kheneng ghothu hi mathu sa pi mehai cüa kesa, Anyiza na khiben.’ ”

KEKULI 3:20

Isanu Apvüwa wina aghamulen wi sa ketezü matsü na ghoben, nu ma nthu ghena kessikeyawa Jisu, pi Messiya le ci ketenwa tsü kesun chi cüben.

KEKULI 3:21

Anyiza na kheni ma atusenjüh-kechü kemethathu wina khi ketheng pala tsüdila sa pi ketheü sa keten matsü na npi kegho chu ma tang wi nbenthu yishü.

ROMNYI 11:25

Icünyuthu, ciwi atsentsa kekuthi kesü na ben, nu hi nthu yala tsü chüya thsü mvuben; nthu na tsü chüya lethu, nthu na metsa ntsawa le nmeshenla ben. Israel nyi lebenkedhu tsüna anuphan ben nben; isala tsüna Judah nyi nkenyethu tsüdila Anyiza wi npi kegho chu benben.

2 THESSALONIKANYI 1:10

ma nyithu nu nondi ketenthu tsüdi wi anyankethang nu kinyikü muyale gho keten tsathang wi nthu la mathu jawi benden, kepaghenanye nthu na ikhang ketsijüh pi nthu kekiza tsü nondiyadha.

2 THESSALONIKANYI 1:7

nu ma kecca pi nthu ketizen sa kebenthu nu ikhang la cüben. Apvüwa Jisu na ma nyilo kekhangthu ssinu tang wi na kegho wi ma ha saben,

2 TIMOTHI 2:25

ccapeyi nu ma keshunwa satemeshon nchithu yishü, kepaghenanye Anyiza na mathu leben khapegheya kemehai matsü pi cü nu ghola atsentsawa tsü chüya thsüaben.

IBRINYI 4:1

Anyiza na ithu yala ma khi ketheng kecca tsü muya thsüle kesalina khili ajühkekhishi tsü pi ithu cüben. Tsalina ithu kiden-keshaya nu nthu kesütanla kecca tsü ya meyala nsa thsüle kesalina.

1 PITOR 2:25

Nthu na khaghanenithu mathu len deja wa kesa ti sa, isala khili tsü nthu ssi neng gho nthu ghamu Kehiewa nu Kenonccawa wi chidha.

2 PITOR 3:8

Isala ipvüshangthu, pala kesü nmali lalo. Apvüwa tu wi tsü ghanan kesü tsüna amapi hazar kesü ti, nu amapi hazar kesü tsüna ghanan kesü ti le!

CCÜCAKECHI 21:4

Anyiza na mathu nyontssü tsüdi nyen cüben. Ciwi keshü, ahathakina, kiqai, nyelela kinaa nmidha. Pala kaghawenthu tsü nmiladha.”