KEKULI 3:18 - Kemethajüh (N) (Re-editing) Bible (BSI)

¹⁸ Anyiza na kheni wi atusenjüh- kechüthu wina Khrista na ketizen saben kesa khi ketheng tsü hati nu cenya thsüdha.

KEKULI 3:18 Iomraidhean Croise

ADECHHÜ 3:15

Hi no sapi nzawa nshinyi nankemeghüli thsüaden; nshinyi shicübvügha na keshüthangla nankemeghüli den. Ma shicübvügha na nli cücha cüben, nu no mathu ccümeccen mcüben.”

ISAYA 50:6

Hi ighatsü lishü pi hi kihhe ketenthu cü. Mathu na hi kimenni, ipang kenye pfü, nu immi meshuki lela hi mathu nkhen.

DANIEL 9:26

Nu tsü tsü sakhen wi Anyiza na kessikeya ccülikesawa tsüpi atsentsa nkenye wi pathiaben. Anyunutiwa nu Kekinyijjenwa tsüna kekhang ntsa kekhang kesenwa süpahizi na gho yasa ben. Asakhenwa tsüna atssüketi ti Anyiza na kiden ketheng aghikesa nu keyasa sengho ben.

ZEKHARIYA 12:10

“Hi nanketizen ghamu nu kekhie ghamu pi David shicübvüghathu nu Jerusalem wi anyi kepathu la pong cüden. Mathu na apie pi kecunthi kesawa tsü ghang den, nu mathu na atsa kesütanwa ghena anonkegü ti ma ghena anongü den. Mathu na mathu tsa tssütsewa shü kesathu ti qai ntsa saaden.

ZEKHARIYA 13:7

Kemisintsa Apvüwa na khiben, “Njünnu, shaghalo, nu ighena kuliketen anenikehiewa tsü ssisalo! Ma pathilo, nu khaghanenithu na bvüzigheaben. Hi inyithu ssisaden,

Luk Zhükechi Jühtheü Kemehaiwa 24:44

Tsaseng wi ma mathu wi khi, “Hi hathu cüki tsüdila kheni nthu gweghe keben wina khi pi nthu kizadha, Mosa Yenwa, atusenjüh-kechüthu na kezhü, nu Zakeci wi ighena zhü kethengthu tsüdila sacen shaben.”

KEKULI 10:43

Atusenjüh-kechüthu tsüdila ma cüki khi, anyithu kesü le kesü lela ma nondiyathu ma nyan kekhang wina kesami keteshi mu yaben kesa khichi.”

KEKULI 2:23

Anyiza na ma kenen nu kemeshen wina Jisu pi nthu kwen wi chicü, nu nthu na ma pi kesami nyithu cü nu pi kross miwi jen thsüa.

KEKULI 28:23

Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi.

2 PITOR 1:21

Kepaghenanye atusenjüh-kekhi tsü kesüla anyi kemeshen wina ngho, isala Kemetha Ghamu na anyithu miwi ben nu mathu Anyiza wina kegho ketsijüh tsü khi.

CCÜCAKECHI 19:10

Hi ma ccü wi qancadu ma kinyile sa, isala ma hi wi khi, “Tsüti nsa lalo, hi la no nu ncünyuthu, Jisu pi ccücakechi atsentsawa tsü ghansen ketenthu tsüdi ti kesa amagha kesü le. Anyiza kinyilo!” Kepaghenanye Jisu pi ccücakechi atsentsawa tsüna atusenjüh-kechüthu kechüchiden.