KEKULI 3:17 - Kemethajüh (N) (Re-editing) Bible (BSI)

¹⁷ “Icünyuthu, nthu nu nthu ccülikesathu na Jisu miwi kuli kechi tsüna nkechü ghena le kesa hi chüben.

KEKULI 3:17 Iomraidhean Croise

ADECHHÜ 21:26

Abimelek na khi, “Thowa tsüti sa khe hi nchüle. No tsü cüki pi hi nkiza, nu hi khili ha atuwa tsü zayaben.”

ADECHHÜ 39:8

Ma male nu nzawa wi khi, “Ghangchilo, hi hewi keben ghena ipvüwa na ajjen wi mangla n-ghangchi ladha. Ma ma keben tsüdi pi hi dhenchi cüdha.

ADECHHÜ 44:15

nu Josef na mathu wi khi, “Nthu khati sadha nu? Nthu na anyi hi ti kesa ha akezen wwi nu nthu ghanya benle kesa nchü kwe?”

BVÜKESHHU 32:1

Anyithu na Mosa na matsü kesie ayikha wina ndugho la ciwi ben wa kesa mukeya wi mathu na saghu Aaron vüya nu ma wi khi, “Ejipt wina ithu ssi keshhughowa Mosa ha khati sadha khe nchü ladha, tsalina acenpvü sa pi ithu ssinu wa thsülo.”

SHICÜSI 22:6

Mathu na ikhang miwi jiki, tsalina no nchala gho ighena mathu kishencülo. Isalethu ikhang na mathu chaya nu ithu yyi wi mathu jügüshiya mehai. No sawegü pi anyithu miwi chithu mathu na mehaiyaben, nu no kishencüthu mathu na kishen-keshi pvüyaden kesa hi chüben.”

Luk Zhükechi Jühtheü Kemehaiwa 23:13

Pilat na keqhaikedi ntsathu, keshenpfüthu, nu anyithu cighu chi

Luk Zhükechi Jühtheü Kemehaiwa 23:34

Jisu na khi, “Iba, mathu kesami teshi pi cülo, kepaghenanye mathu na mangwa saben khe mathu nchü.” Mathu na akezen wwi nu ma thsümeni tsü pi mathu jawi gishüya.

JOHAN 15:21

Isala nthu na iji ghena mathu na ha tsüdi nthu miwi sachi ben; kepaghenanye mathu na hi kesun kechiwa tsü nchü.

JOHAN 16:3

Anyithu na nthu miwi hathu ha saben, kepaghenanye mathu na Abawa nyelela hi la nchü.

JOHAN 7:52

Mathu na luneng, “Mehaiben, no la Galilee wina gho la? Ntsawajüh tsü si nanlo, atusenjüh-kechü kesü la Galilee wina gho nben kesa no chüyaben.”

KEKULI 13:27

Jerusalem wi kahangthu nu accülikesathu na ma Hangshawa kesa nchü, nyelela mathu na Sabbath tsathang kaghapenla si keten atusenjüh-kechüthu jüh tsü chüshi meyala. Isala mathu na Jisu meshensa nu atusenjüh-kechü jühthu tsü sacenya thsüa.

KEKULI 22:5

Keqhaikedi ntsa nu hoho mabenla hi atsentsawa khiben le kesa chüben. Hi mathu na lesüzhü pi Damaska wi Judah nyithu kecü tsü muya, isanu hi wala ciwi anyithu ghan sengho Jerusalem wi mathu meten-mesha le sa.

KEKULI 26:9

“Hi kheni hi kekuli tsüdila Nazareth nyiwa Jisu nyan keshunwa tsü sale meshen.

KEKULI 28:21

Mathu na ma kiza, “Ikhang na Judea wi ncüki lesükezhü kesüla mu meya, nu kenondithu la gho ikhang nkiza nyelela ncüki nkemehai kekhi la za meya.

KEKULI 7:40

Tsalina mathu na Aaron wi khi, ‘Acenpvüthu zhü pi ithu ssi wa thsülo, anyi Ejipt wina ithu ssi keshhughowa Mosa tsüna khati sadha khe ithu na nchüladha.’

ROMNYI 11:2

Anyiza na aghatsan wina kessikeya ma nyithu tsü meya mvula nsa. Nthu na Ntsawajüh wi Elijah na Anyiza wi Israel keshun jüh kekhi tsü khatile khiben khe chüben:

1 KORINTHNYI 2:8

Ayyi ha wi kekhang kesenthu kesütanla kemetsa hawa ha nchü. Keujüla mathu ha chü lethu mathu na Apvüwa nyankethangwa tsü pi kross miwi jen nkesa.

2 KORINTHNYI 3:14

Ntsakhiwa mathu leben na dhua; nu nansü lela mathu na cenkethenjüh kaghawenwa tsü kesi wi ammi keshanthsü tsü makesü na gho mathu leben shan bhonyaden.

EFESANYI 4:18

nu mathu leben na kejang wi ben. Anyiza na khukechi kahang wi tsü mathu shei nmi, kepaghenanye mathu na nchütha nu leben-dhu kesalina.

FILIPPINYI 1:22

Isala hi hangben lethu hi kekuli kejon saya ben, isani hi khawa kessiya ten khe chüti meya.

1 TIMOTHI 1:13

hi kheni ma kethenjüh khi, ma meten-mesha, nu ma kimenni lela. Isala Anyiza na hi nantizenchi, kepaghenanye hi kenondi npi benkeya ghena hi mangwa saben khe nchü.