KEKULI 3:16 - Kemethajüh (N) (Re-editing) Bible (BSI)

¹⁶ Hawa ha Jisu nyan kekhang wina kezü pi anyi accü nkemehaiwa ha kecü. Nthu na mu nu chü kebenwa hana ma nyan kenondi wina saya; Ha Jisu kenondi wina nthu tsüdi tuwi hati ma sa pi mehai cüdha.

KEKULI 3:16 Iomraidhean Croise

MATHI 14:29

Jisu na “Gholo” khinengchi. Tsalina Pitor na ahun wina shhugho atssü miwi na Jisu wi wa.

MATHI 9:22

Jisu na khapeghe wa ma muya nu khi, “Inga, lebenzü yalo! No kenondi na no sa pi mehai cüdha.”

JOHAN 14:12

Hi atsentsawa nthu kizaden, thowa na hi nodiya khe hi sa ketenwa tsü ma la sayaden — anle, ma hathu miwi la kediki sayaden, kepaghenanye hi Abawa wi wa tendha.

JOHAN 7:23

Mosa Yenwa tsü npasa le kesa ghena Sabbath tsathang wi atsa hyuhan den, isalethu, mangkesa na hi Sabbath tsathang wi anyi kesü sa pi mehai cencu kecü ghena nthu na imiwi aghepvü ten nu?

KEKULI 14:9

Ma ciwi donki nu Paul jüh kina. Paul na ma nondiben nu ma sa pi mehai yaben kesa muya, tsalina ma anyi tsü ghang,

KEKULI 16:18

Ma ghanan kejonla hati sa wa kesalina Paul na ma lebentsu nu ma ghang nu aghamuwa wi khi, “Hi Jisu Khrista nyan wina no ma gwo wina shhugholo kizaben.” Tsümeyi kivvü keten ghamu tsüna ma gwo wina shhughoa.

KEKULI 3:6

Pitor na ma wi kiza, “Hi suna rükatssü mangla nmi, isala hi mangwa ben khe pi no cüden; Nazareth nyiwa Jisu Khrista nyan wina shagha nu alentsen walo!”

KEKULI 3:8

ma penshagha nganya nu alentsenwa. Tsaseng wi ma manyi gweghe Kekinyijjen wi wa nu penshagha alentsen nu kephenki nu Anyiza seng.

KEKULI 4:10

nthu nu Israel nyi tsüdila chüyalo; anyi hawa ha Nazareth nyiwa Jisu Khrista, nthu na ma pi kross miwi jen, nu Anyiza na keshü wina ma sa pi hangneng kecüwa nyan kekhang wina ma sa pi mehaitha yadha, nu anyi ha nthu tuwi ngan ben.

KEKULI 4:30

Nkwen changchi nu sa pi mehai cü, nu nmagha kemethawa Jisu nyan wina azensuthu nu amankesathu saya thsülo.”

KEKULI 4:7

Mathu na apostel keni pi mathu tuwi ngan thsü nu manyi wi keü, “Nshinyi na mangwa kekhang nyelela thowa nyan sen nu hati ha saya nu?”

ROMNYI 3:22

Anyiza na anyithu ya Jisu Khrista kenondi ghena pi ma tuwi meshonya thsüden. Anyiza na Khrista kenondithu tsüdi wila hati saden, kepaghenanye ciwi kepapa kesa mangla nmi:

1 KORINTHNYI 13:2

Hi atusenjüh-kechü kekhang ben; hi palakechü tsüdi ben nu kekuthi jjügi tsüdi chüshiya; hi kenondi tsüdi ben nu ayikhathu kesun pi bvü thsüya — isala keujüla hi nanketizen nmi lethu, hi mangla nye.

AYENZHÜNENG 32:4

“Apvüwa na nthu kekhwe kekhangwa, ma len tsüdi wi cencu nu tsatan; Nthu Nyiza na jühtsentsa nu atsentsawa; ma kemehai nu kemeshonwa saden.