KEKULI 3:15 - Kemethajüh (N) (Re-editing) Bible (BSI)

¹⁵ Nthu na ma wina kahang keghowa tsü pathia; isala Anyiza na keshü wina ma sa pi hangnengya thsüa— nu ikhang na ha ghena chüzathu.

KEKULI 3:15 Iomraidhean Croise

Luk Zhükechi Jühtheü Kemehaiwa 24:48

Nthu na pala hathu ha ghena chüzathu.

JOHAN 1:4

Ajühwa tsüna kahang bvüwa, nu kahang tsüna anyi tsüdi kewegüwa.

JOHAN 10:28

Hi anuphan kahang pi mathu cüden, nu mathu na khiela shü meyacha. Thola ikwen wina mathu khusen bvüya nben.

JOHAN 14:6

Jisu na ma luneng, “Hi alenwa, atsentsawa, nu kahangwa; anyi thola hi wina nkenye tsü Abawa wi waya nben.

JOHAN 17:2

Kepaghenanye ma anuphan kahang pi no pi ma kecüthu tsüdi cü thsüle kesalina no anyi tsüdi miwi kekhang pi ma cüdha.

JOHAN 4:10

Jisu na luneng, “Keujüla no Anyiza ju khukechi nu no wi atssü pi hi jjü thsülo khie kebenwa tsüna thowa khe chü lethu, no ma wi khie nu ma kahangtssü pi no cü kesale.”

JOHAN 4:14

isala thowa na hi atssü pi ma cü ketenwa tsü jjüya khe dighe neng meyacha. Kepaghenanye hi atssü pi ma cü ketenwa tsüna ma wi bvü keshhugho tssükhang kesü sa nu kahangtssü nu anuphan kahang pi ma cüden.”

JOHAN 5:26

Kepaghenanye Abawa na ma ketanla ma kahang bvüwa tsü makesü ma ma Tsawa la sa pi kahang bvüwa tsü sa thsüdha.

KEKULI 2:24

Isala Anyiza na ma sa pi keshü wina hangneng-shagha thsüa nu keshü kekhang wi ma lisha chi cüa, kepaghenanye keshü na ma ghantenya nben.

KEKULI 2:32

Anyiza na Jisu ha sa pi keshü wina shagha nengya thsüa nu ikhang na ha chüzathu.

KEKULI 4:2

Mathu na lebenminu ntsa sa, kepaghenanye apostel keni na Jisu na keshü wi hangshagha kesa tsüti anyi la keshü wina kahang wi shaghaneng shaben le pi anyithu sansi kesa ghena.

KEKULI 5:31

Israel nyithu yala leben khapeghe nu kesami keteshi muya thsüle kesalina Anyiza na Jisu zanki pi ma kwen ajewa chiya nu ma pi Kadimiwa nu Hangshawa sa thsüdha.

1 KORINTHNYI 15:45

Kepaghenanye Ntsawajüh na khiben, “Anyi atuwa, Adam tsüna kahangli keben kesü sahangchi”; isala Adam sakhenwa na kahang khukechiwa Aghamu.

EFESANYI 1:20

ma keshü wina Khrista sa pi hangya thsüa nu pi tang wi ma kwen ajewa benya thsü kesa kekhang tsü makesü.

IBRINYI 12:2

Ithu nyon pi Jisu ithu kenondi kedegü nu sa cencu kecüwa tsü ghangki ya nalo. Ma anonkeghe na ma hie kebenwa tsü ghena kross miwi kejüghe keyawa tsü pi ma men nkemi sa, nu ma khili Anyiza kadipen ajewa wi ben wadha.

IBRINYI 2:10

Anyiza pala tsüdi sahangkechi nu kenonccawa na anyi tsüdi ssi gho ma nyankethang wi benya thsüle kesalina ma Jisu sa pi ketizen kesa wina mehai cencuya thsükea tsü ketan na meshon ya. Kepaghenanye Jisu tsüna mathu ssinu hangshakeya wi wa ketenwa.

IBRINYI 5:9

Ma sa pi haicencu kecü wi ma ma jühkina ketenthu tsüdi ghena anuphan hangshakeya bvüwa tsü saya,

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.

CCÜCAKECHI 21:6

Nu ma khi, “Tsü sacendha le! Hi Alfa nu Omega, atuwa nu asengwa, adechhüwa nu asakhenwa. Kesü le kesü lela dighe kebenwa hi kekila wina kahang tssü pi jjüya thsüden.

CCÜCAKECHI 22:1

Tangnyilowa na kahangtssü ghaku na Anyiza nu Khaghanenizzawa kadipen wina akhwetssü ti lle shhugho

CCÜCAKECHI 22:17

Aghamu nu shanyiliwa na khiben, “Gholo!” Ha za keyathu tsüdila khiben, “Gholo!” Kesü le kesü lela dighe kebenwa, Gholo; kesü le kesü lela tsü yamvu kebenwa kekila wi kahang tssü tsü yayalo.