KEKULI 3:13 - Kemethajüh (N) (Re-editing) Bible (BSI)

¹³ Abraham, Isak, nu Jakob Nyiza, nu ithu baqhaithu Nyiza na ma maghawa Jisu nyankethang sa kechi. Nthu na ma ghan pi kekhang kesenthu kwen wi chia, nu Pilat na ma teshi chiale sa lela nthu na Pilat tuwi na ma meya mvula.

KEKULI 3:13 Iomraidhean Croise

BVÜKESHHU 3:13

Isala Mosa na khineng, “Hi wa Israel nyithu wi ‘Nthu baqhaithu Nyiza na hi kesun pi nthu wi chibenle’ khithu mathu na hi wi keüben, ‘Ma nyan thowa nu?’ Tsalina hi mathu wi mangwa le khi nu?”

BVÜKESHHU 3:15

Israel nyithu wi hi Apvüwa, mathu baqhaithu Nyiza, Abraham, Isak, nu Jakob Nyizawa na no kesun pi mathu wi chi benle kizalo. Hawa ha anuphanla inyan; abvüye ghaketen tsüdi wila hati hi ciden.

BVÜKESHHU 3:6

Hi nbaqhai Abraham, Isak, nu Jakob Nyizawa tsüle.” Tsalina Mosa na ma mmi shangya, kepaghenanye ma Anyiza tsü ghang messi kesalina.

MATHI 11:27

“IBa na pala tsüdi pi hi cüdha. Anyi kesütanla Abawa nkenye tsü Atsawa chü meya, nu thola Atsawa nkenye tsü Abawa chü meya, nu Atsawa na kessiya kesawa wi ma pi ccüca chiden.

MATHI 20:19

nu ma pi Anyiza nkechüthu kwen wi chiaben. Mathu na ma nankeqhe, ma kihhe, nu ma pi kross miwi jen shaben; isala ma ghanan kecheng seng wi hangneng shaghaben.”

MATHI 22:32

‘Hi Abraham Nyiza, Isak Nyiza, nu Jakob Nyiza.’ Ma kahang khe keshü Nyiza nye le!”

MATHI 27:2

Mathu na ma ghan pi bhenya nu ma ssi wa Rom nyi ahng sa kebenwa Pilat kwen wi chia.

MATHI 28:18

Jisu na tetsaki gho nu mathu wi khi, “Tang wi nu ayyi wi la kekhang tsüdi pi hi cüdha.

MARK 15:11

Isala keqhaikedi ntsathu na anyithu kechüchi pi Pilat ya mathu ghena Barabba lisha chicülo kesa khie thsü.

Luk Zhükechi Jühtheü Kemehaiwa 22:57

Isala Pitor na nyele nu khi, “Nzawa, hi ma thowa khe nchüle!”

Luk Zhükechi Jühtheü Kemehaiwa 23:4

Pilat na keqhaikedi ntsathu nu anyitenti wi khi, “Hi anyi hawa kemeshensa jjügi mangla mu meya.”

Luk Zhükechi Jühtheü Kemehaiwa 6:37

“Nyu kesami nbha la, isathu Anyiza la nthu kesami bha nben; nyu n-nyuwa nsa la, isathu Anyiza la nthu n-nyuwa sa nben; nyu kesami teshi pi cülo, isathu Anyiza la nthu kesami teshi pi cüben.

JOHAN 12:16

Ma sansikeyathu na aghatsan wi ha chüshi meya, isala Jisu nyankethang saya ccüla, mathu Ntsawajüh na ma cüki kekhi nu nyu ma miwi kulikechi ha meshenya.

JOHAN 18:40

Mathu na magha nu ma wi khi, “Nye, anyi ha nyele! Ikhang Barabba ya mvu ben.” (Barabba na kaghanfü nyi kesü.)

JOHAN 19:11

Jisu na luneng, “Anyiza na pi no nkecü tsü no imiwi kekhang nmi. Tsalina hi ghan pi nkwen wi kechiwa kesami diki le!”

JOHAN 19:12

Pilat na ha zakeya wi ma Jisu khushiale alen bha. Isala anyitenti na magha nu “Keujüla no anyi hawa khushi lethu, no Rom Kadimiwa pvüshang nyele! Thowa na ma ketanla ma pi Kadimiwa saten khe ma Rom Kadimiwa keshun jüh khiben le!”

JOHAN 19:15

Mathu na magha nu khi, “Ma pathilo! Ma pathilo! Ma pi kross miwi jenlo!” Pilat na mathu keü, “Hi ya nthu kadimiwa ha pi kross miwi jen thsü mvu ben kwe?” Keqhaikedi ntsathu na luneng, “Ikhang na kadimi kepa wi nmi, isani Rom Kadimiwa ketan le!”

JOHAN 7:39

Jisu na ha ma nondi keyathu na aghamu muya keten cüki khichi. Tsü tsüwi aghamu tsü npi khuchicü, kepaghenanye Jisu na ma nyankethang npi sachi.

KEKULI 22:14

Ma khi, ‘Ithu bamyithu Nyiza na no yala ma kemeshen chüya, ma ketsatan maghawa muya, nu ma hhai zaya thsüle kesalina no kessi yadha.

KEKULI 24:14

Isala hi no wi ha ntsakhiwa le khiya mehai: Hi mathu na pi milikemesa Lenwa le khi ketenwa tsü nie nu ithu bamyithu Nyiza kinyi tenle. Nu hi la Mosa Yenwa nu atusenjüh-kechüthu lesüshen wi zhü kethengthu tsüdila nondi tenle.

KEKULI 3:12

Pitor na anyithu mu keya wi ma mathu wi khi, “Hi Israel nyithu, nthu mangkesa ha ghena amansa nu ikhang ghangben nu? Nthu kemeshen tsü ha ishinyi kekhang kemehai wina anyi ha sa pi alentsenya thsüle ben kwe?

KEKULI 3:26

Anyiza na nthu tsüdila nkemehai len wina kheneng gho nu kesawegü pvüyalo kesalina ma ma maghawa kessiya nu atuwa kesun pi nthu wi chicüle.”

KEKULI 4:27

Kepaghenanye ntsakhiwa Herod nu Pontia Pilat manyi na anyunuti ha wi Judah nyi nkenyethu nu Israel nyithu ssinu kemetuli nu nmagha kemethawa no ma pi Messiya sa thsü kesawa Jisu tsü shun.

KEKULI 4:30

Nkwen changchi nu sa pi mehai cü, nu nmagha kemethawa Jisu nyan wina azensuthu nu amankesathu saya thsülo.”

KEKULI 7:32

‘Hi nbamyithu Abraham, Isak, nu Jakob Nyiza.’ Mosa na messi pi kedheggü nu tsü ghang messia.

ROMNYI 9:5

mathu na Ibri bamyi kemechan shicübvüghathu; nu Khrista na asajjü wi tsü mathu mizza wina gho. Anuphanla tsüdi miwi kekhang sen ketenwa Anyiza kesengwa salo! Amen.

IBRINYI 2:9

Isala matsü keujü Jisu sa pi tangnyilothu mi meniki, isanu ma Anyiza nanketizen wina anyi tsüdi ghena shü thsü; nu ma keshü wi ketizen kesa ghena khili anyankethang nu kekü liwen pvüben kesa ithu na muben.

CCÜCAKECHI 1:18

Hi hangben ketenwa tsü le! Hi shü, isala ghangchilo, hi anuphan nu anuphanla hangben. Hi keshü nu keshü yyi miwi kekhangben.

CCÜCAKECHI 1:5

nu Jisu Khrista, atsentsa chüzawa, keshü ja wi atuwa pvügha keyawa, nu ayyi wi kadimithu tsüdi miwi kekhang sen ketenwa wina nanketizen nu kecca ya nthu ssiben keyawa salo. Ithu nantizen nu ahhansha sa keshü ghena ma jjü pi ithu kesami wina ithu hangsha keyawa,