KEKULI 28:8 - Kemethajüh (N) (Re-editing) Bible (BSI)

⁸ Publia ba na muwhe nu ajjü ku nu awe wi ben. Paul na ma kejenpen wi du ma kwen chang pi ma miwi chi nu kekhie sachi nu sa pi mehai cüa.

KEKULI 28:8 Iomraidhean Croise

MATHI 10:1

Jisu na ma sansikeyathu Taghakeni cighu chi nu nkemehai ghamuthu jügüshiya, khuma-khujü nu kesakinaa kepapa kesa tsüdi sa pi mehaiya kemehai kekhang pi mathu cü.

MATHI 10:8

Kesakinaa sa pi mehai cü, keshü sa pi hangya thsü, agükedsakenaa sa pi mehai cü, nu atsaghangthu jügüshi cülo. Nthu na kekila wi mukeya tsüti kekila wi pi nyu cülo.

MATHI 12:13

Tsaseng wi ma anyi ma kwen kecügüshüwa wi kiza, “Nkwen chang chilo.” Ma ma kwen chang chinan tsüna pahanwa ti mehai nengya.

MATHI 9:18

Jisu a ajüh khitu keben wi Judah nyi kedi kesü na gho ma tuwi akhhutsüdu nu khi, “Inga na shüdha, isala gho nkwen chang pi ma miwi chithu ma hang yaben”

MARK 16:18

keujüla mathu na amaghangthu zankiya nyelela aji jjüya lela mangla sa nben; mathu kwen chang pi kesakinaathu miwi chithu tsüthu na mehai yaben.”

MARK 5:23

nu Jisu wi keshikene nu khi, “Inga ghanyi tsüna keshü pang sa wadha. No ncha la, ghola nkwen chang pi ma miwi chinu ma ya mehaiya nu hangya thsülo.”

MARK 6:5

Ma ciwi ma kwen chang pi kesakinaathu kezeng-u miwi chi nu mehaikeya tsü ketan khe amankesa kejon kuli meya.

MARK 7:32

Anyi pahan na anyi akhuna ketecu nu ajüh mehaitsü khi nkeya ssinu Jisu wi gho nu mathu ma ya akwen chang pi anyi tsüwa miwi chilo kesa ma wi khie.

Luk Zhükechi Jühtheü Kemehaiwa 13:13

Jisu na ma kwen chang pi nzawa miwi chi, nu ma wan meshonqhe shaghaya nu Anyiza seng.

Luk Zhükechi Jühtheü Kemehaiwa 4:40

Aghani du keten wi apvüshang kebenthu tsüdila kesakinaa kepapa kepvüthu ssinu Jisu wi gho; ma ma kwen chang pi mathu tsüdi miwi chi nu mathu sa pi mehai cü.

KEKULI 28:7

Ayyi-mangkehi tsüwa wi kekhangwa Publia lli pahan na lensie khang nkesa wi ben. Ma nonkeghe sa ikhang ssiya nu ikhang na ghanan kecheng ma kejen sa.

KEKULI 28:9

Tsüti sa keya wi ayyi-mangkehi ciwi kesakinaathu tsüdi gho nu mathu sa pi mehai cüa.

KEKULI 9:40

Pitor na mathu tsüdi kesun pi akhemi wi shhu thsü nu ma akhhutsüdu kekhie sa; tsaseng wi ma khapeghe wa akamang tsü ghang nu khi, “Tabitha, shagha lo!” Nzawa na ma nyon kü shagha Pitor muya nu shagha donki wa.

1 KORINTHNYI 12:28

Anyiza na anyi tsüdi pi kemehu wi alen kesüsü sa thsü theng: atuwa apostelthu, keniwa atusenjüh — kechüthu, nu kechengwa kesansithu; tsaseng wi amankesa kekulithu, tsashiwa kesakinaa sa pi mehai keya kekhang pi cü kethengthu, nyu kekiqathu, nyu len ketsütsonthu, nu ajüh kepa wi kekhithu.

1 KORINTHNYI 12:9

Aghamu makesü wi kenondi pi meshu kesü cüden, nu kesakinaa sa pi mehaikeya kekhang pi anyi kepawa cüden.