KEKULI 27:41 - Kemethajüh (N) (Re-editing) Bible (BSI)

⁴¹ Isala ahunjjen na wala atssü non wi ahachan pvükha sa keben witsü shonten wa, ahunjjen atuwa shonten nu kuli meyala, nu asengwa na atssü kekhang na gho yasa.

KEKULI 27:41 Iomraidhean Croise

1 KADIMITHU 22:48

Kadimi Jehoshafat na ahunjjenthu sa nu wa Ofir yyiwi suna pvüden; isala tsüthu na Eziongeber wi yasa nu nwala.

2 KHENICÜKI 20:37

Isala Maresha nyuti wina kegho Dodavahu tsa Eliezer na Jehoshafat kitsanchi, “No Ahaziya ssinu apfüwa kesa ghena Apvüwa na no sa ketheng tsü yasa tendha.” Nu ahunjjenthu tsüna yasa nu khila nwala.

EZEKIEL 27:26

No kessithu na no ssinu atssükedone wi kedu wi, Nishu wi ameghü na gho atssükedone non wina no yasa pia.

EZEKIEL 27:34

Khilitsü no atssükedone wi yasadha; No atssükedone keti kedhu wi dudha. Ntsanqai nu nghena kuli kethengthu tsüdila, no gweghe atssükedone wi bhataghadha.”

KEKULI 27:17

Mathu na tsüthu zanshi pi ayyi wi chi nu ali pi ahunjjen bhen kevüliya. Mathu na Libia yyi wi ahachan miwi tsü wathu kemessi ghena ashina sa nu ameghü yala ahunjjen tsü mo pie nu wa thsü.

KEKULI 27:30

Tsaseng wi ahunjjen keculathu na bvüale kiden; mathu na ahun khushi pi atssü wi chiya nu wala atuwa ahunjjen dajen lisha pi du thsü keten ghe sa.

KEKULI 27:40

Tsalina mathu ahunjjen dajen tsü lisha pi atssü non wi du thsüa, tsü gweghe ali pi ahunjjen dajen bhen ketheng tsü la lisha chia. Tsaseng wi mathu atu wi athsü tsü zankichi nu ameghü yala mo pie wa aghüsa wi ngan thsüale sa.

KEKULI 27:42

Süpahithu na atssüzüthu tsüdila pathi nu thola atssüghe sa sen nu nshhu thsüle kesa kiden.

1 KORINTHNYI 15:58

Tsalina hi ketizen icünyuthu, kiden-kesha nu zükeqhe ngan benlo. keshüthangla nthu Apvüwa kekuli kesa wi dhamang benlo, kepaghenanye nthu na Apvüwa kekuli kesa wi ma men nmi nsa kesa nthu na chüben.