KEKULI 26:24 - Kemethajüh (N) (Re-editing) Bible (BSI)

²⁴ Paul na hati nu ma ketanla ma sheipi keben wi Festa na jisha nu ma wi khi, “Paul, no deja ben! No palakechü tsüna no sa pi deja thsüdha le!”

KEKULI 26:24 Iomraidhean Croise

2 KADIMITHU 9:11

Jehu na ma pvüshang kedithu wi wha neng nu mathu na ma wi keü, “Pala tsüdila mangla nsa ma? Mangkesa na anyi kedejawa tsüna no wi gho nu?” Jehu na luneng, “Nthu na ma mangwa yamvu ben khe chüben.”

JEREMIYA 29:26

“Apvüwa na no sapi Jehoiada kuti wi keqhaikedi kesü sa thsüdha, nu no khili Kekinyijjen wi kedi ntsa sadha. No amighe ssüli pi anyi kedeja atusenjüh-kechü ghe sa keten tsü sun hupi thenglo kesa tsüna ndulu sadha.

HOSEYA 9:7

Meten cü keten matsüwa na ghodha, anyithu na mathu keya qo muya keten tsüwa na ghodha. Khathansha wi tsü sa gho khe, Israel na tsü chüyaden! Nthu na khiben, “Atusenjüh-kechü hawa ha kejüphon kesü. Kechü-kenong keten nyiwa ha kedeja.” Nthu kesami ji mtsü kesalina nthu na hi nanmeghü ntsa saden.

MARK 3:21

Anyithu na, “Ma deja wadha le,” kekhi ghena ma theghithu na tsü za keya wi ma nonccayale wa.

JOHAN 7:15

Judah nyi kekhang kesenthu na ma kesansi jüh ghena amansa nu khi, “Anyi hawa ha khiela lesüjjen wi nwa lethu, ma khati nu pala hajuju chüben nu?”

JOHAN 8:48

Judah nyithu na Jisu keü, “Ikhang na no Samaria nyi nu atsaghang kesü no wi benle kekhi tsüna sazzidha kwe?”

JOHAN 8:52

Mathu na ma wi khi, “Ikhang na khili atsaghang kesü no wi ben kesa chüti yadha! Abraham nu atusenjüh-kechüthu la shüdha, isala no anyi thowa na no kesansi jüh kina ten khe khiela shüya nbenle khiben.

KEKULI 17:32

Mathu na Paul na keshü wi hangneng-keshagha cüki kekhi zakeya wi pahan na ma nankeqhe, isala kepathu na khi, “Ikhang na nshinyi wi ha cüki kina neng mvuben.”

KEKULI 22:1

“Acünyu nu abathu, hi khili nthu tuwi ishei kepijüh ha kina chilo!”

KEKULI 24:25

Isala Paul na ketsatan, kekhenengkeya, ghoketen Jühkekaghaten tsathang cüki tsü khi kewa wi Felix na messiya nu khi, “No bvüyilo! Hi matsü muya lethu no ci neng chiben.”

KEKULI 24:27

Amapi keni seng wi Porsia Festa na Felix kuti sala ahng saya. Felix na Judah nyithu kenen pvüya mvu kesalina Paul pi atssüzüjjen wi chi theng.

KEKULI 26:11

Matsü kejon wila hi wa Sinagogthu tsüdi wi mathu meten- mesha nu mathu kenondiwa tsü nkhi thsüle sa. Hi leben minu ntsanu mathu keshun ghena wa anyunuti kepa wi lela mathu meten-mesha.

1 KORINTHNYI 1:23

Isala ikhang na Khrista kross miwi keshü cüki ketsijüh Judah nyithu ccükemeshüwa nu Grik nyithu ghena kejüphon jüh tsü pi thangchiden;

1 KORINTHNYI 4:10

Khrista ghena ikhang na kejüphonthu; isala nthu na Khrista wi kemetsathu le! Ikhang na nkhang, isala nthu na khangben! Nyu na ikhang nkhichi, isala nyu na nthu kinyikü ben.

2 KORINTHNYI 5:13

Keujüla ikhang na deja ben lethu, tsüna Anyiza ghena; nu keujüla ikhang na metsa ben lethu, tsüna nthu ghena.

2 TIMOTHI 3:15

nu no ghanyi keben tsü wina no Kemetha Ntsawajüh tsü chüyadha, tsüna kemetsa pi no cü nu ssi wa kenondi ghena Khrista Jisu wi hangshakeya wi chicü ya mehai kesa meshen yalo.