KEKULI 26:22 - Kemethajüh (N) (Re-editing) Bible (BSI)

²² Isala nansü kecu Anyiza na hi kiqa nu hi he wi ngan nu kizzawa le kediwa tuwi lela tsüdi wi atsentsawa pi khiben. Hi khi kebenwa ha atusenjüh-kechüthu nu Mosa na khi ketheng tsü makesü,

KEKULI 26:22 Iomraidhean Croise

EZRA 8:31

Asha atuwa taghakeni ghanan wi tsü ithu na Ahava Tssülen kehhi tsü teshi theng nu Jerusalem wi wa. Ithu na kijünyi kewa wi ithu Nyiza na ithu ssi nu ithu ghinyithu ssikaghashen nu ghikecwen wi ithu khwe cüa.

ZAKECI 124:8

Ithu kekiqa Apvüwa wina gho, ma atssan nu ayyi sachi.

ZAKECI 18:47

Ma ighinyithu miwi khangkeya pi hi cü; ma mizzatentithu pi icakhu wi ben thsü,

ZAKECI 66:12

No ithu ghinyithu yala ithu miwi meghe thsü; ithu na anni nu atssüketi tsüdi pvüdhi, isala no khilitsü ithu ssighola apvü-nkesa pen wi chicüdha.

MATHI 26:24

Ntsawajüh kekhi ti Anyi Tsawa na shüaben, isala anyi Anyi Tsawa matsa kesawa ghena tsü khatila qhethiketen saten nu! Anyi tsüwa ghena tsü ma pvügha nkeghowa ma ghena mehaidha le!”

Luk Zhükechi Jühtheü Kemehaiwa 16:28

ciwi icünyuthu ma manga ben. Mathu la ketizen kesa pen wi ha n-gha thsüle kesalina ma ya whala mathu kitsanchi thsülo.’

Luk Zhükechi Jühtheü Kemehaiwa 24:27

Jisu na Ntsawajüh wi Mosa lesüshen na wala atusenjüh-kechüthu tsüdi wi ma cüki zhü ketheng tsü khimetha pi manyi kiza.

Luk Zhükechi Jühtheü Kemehaiwa 24:44

Tsaseng wi ma mathu wi khi, “Hi hathu cüki tsüdila kheni nthu gweghe keben wina khi pi nthu kizadha, Mosa Yenwa, atusenjüh-kechüthu na kezhü, nu Zakeci wi ighena zhü kethengthu tsüdila sacen shaben.”

Luk Zhükechi Jühtheü Kemehaiwa 24:46

nu mathu wi khi, “Hati zhütheng, Khrista na ketizen sa ntsa saben nu ghanan kecheng seng wi keshü wina hangneng-shagha ben;

JOHAN 1:17

Kepaghenanye Mosa wina ayenwa tsü khuchi, isala nanketizen nu atsentsawa tsüna Jisu Khrista wina gho.

JOHAN 1:45

Filip na Nathanael muya nu ma wi kiza, “Ikhang na Mosa yenwa wi nu atusenjüh-kechüthu la ma cüki zhü ketheng Josef tsawa Nazareth nyi Jisu tsü muyadha le!”

JOHAN 5:39

Nthu na Ntsawajüh tsü siden, kepaghenanye nthu tsüthu wi anuphan kahang tsü muya benle meshenden. Ntsawajüh tsüdila isheipiben.

JOHAN 5:46

Keujüla nthu na ntsakhiwa Mosa nondi lethu nthu na hi nondi kesa, kepaghenanye ma icüki zhü chitheng.

KEKULI 10:43

Atusenjüh-kechüthu tsüdila ma cüki khi, anyithu kesü le kesü lela ma nondiyathu ma nyan kekhang wina kesami keteshi mu yaben kesa khichi.”

KEKULI 13:29

Mathu na Ntsawajüh wi ma cüki khi ketheng tsüdi sacen kesa seng wi kross miwi ma piesha pi ashüjjen wi vhüa.

KEKULI 24:14

Isala hi no wi ha ntsakhiwa le khiya mehai: Hi mathu na pi milikemesa Lenwa le khi ketenwa tsü nie nu ithu bamyithu Nyiza kinyi tenle. Nu hi la Mosa Yenwa nu atusenjüh-kechüthu lesüshen wi zhü kethengthu tsüdila nondi tenle.

KEKULI 26:17

Hi Israel nyithu nu Judah nyi nkenyethu kwen wina no hangsha yaden, nu no kesun pi mathu wi chiden.

KEKULI 26:6

Nu hi khili Anyiza na ajühkhuchi pi ithu bamyithu kecü tsü kenondi ghena he wi ngan nu ijüh kaghakhi ben,

KEKULI 28:23

Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi.

ROMNYI 3:21

Isala Anyiza na khilitsü ma khati nu anyi pi ma tuwi meshonya thsüten khe pi ccüca chidha. Mosa Yenwa nu atusenjüh-kechüthu na tsü shei khiben lela tsüna Ayenwa wina mangla sa keya nmi.

1 KORINTHNYI 15:3

Hi mukeya ti pi nthu wi kiza, nu tsüna aghuti ntsawa: Ntsawajüh wi zhü ketheng ti Khrista na ithu kesami ghena shü;

1 KORINTHNYI 15:4

Ntsawajüh wi zhü ketheng ti ma pi vhüa nu kecheng ghanan seng wi ma sa pi hang shagha thsüa;

2 TIMOTHI 3:11

hi kemeten-kemesha, nu hi ketizenkesa mudha. Antiok, Ikonium, nu Lustra wi imiwi khati sa nu hi kemeten-kemesha nkemehai ntsa wi kethankehikeya tsüdi no chüben. Isala Apvüwa na tsüthu tsüdi wi hi khushi cü.

CCÜCAKECHI 11:18

Nlebenketsu tsüwa na gho kesalina Anyiza nkechüthu na lebenminu bendha, keshü jühkaghaten keten tsü la ghodha. Nmagha atusenjüh-kechüthu, n-nyithu tsüdi, nu no kinyikü ketenthu tsüdi, kedi nu kizza makesü akutimen sacü keten tsüwa na ghodha. Ayyi yasa ketenthu yasa keten tsüwa la ghodha!”

CCÜCAKECHI 15:3

Mathu na Anyiza maghawa Mosa, nu Khaghanenizzawa khwi saben: “Apvüwa Anyiza kekhangkedi ntsawa, no kekulithu tsü khatila di nu amansa nu! Mizzatentithu miwi Kadimiwa, nlen na khatila meshon nu tsatan nu!

CCÜCAKECHI 20:12

Nu hi keshü nyi kizza le keti lela tsüdi kadipen tu wi ngan keben mu. Lesüshenthu shi pi theng, nu lesüshen kepawa la tsüna kahang lesüshen shi pi ketheng mu. Lesüshenthu wi zhü ketheng ti keshü nyithu tsü kekuli kenie wina mathu jühkaghaten.

1 SAMUEL 7:12

Tsaseng wi Samuel na alon kesü khuya nu tsüpi Mizpah nu Shen manyi jüwi shengya nu khi, “Apvüwa na tsüdi wila ithu kiqa cü ghole,” — nu ma tsü nyan pi “Kekiqa Lon” isa ci.