KEKULI 26:20 - Kemethajüh (N) (Re-editing) Bible (BSI)

²⁰ Isala hi atuwa sa Damaska nu Jerusalem nu Israel diyyi maben nu Judah nyi nkenyethu jawi wa, nu mathu kesami wina leben khapegheya nu Anyiza wi gho, nu mathu leben khapeghe keya kekuli pi nyu ccücalo kesa pi sansi.

KEKULI 26:20 Iomraidhean Croise

ZAKECI 22:27

Mizzatentithu tsüdila Apvüwa meshen yaden. Ayyi tsüdi wi mathu na ma wi kheneng gho; amizza tsüdila ma kinyi den.

ISAYA 55:7

Gheshighenathu ya mathu kahang yen teshi, nu mathu kemeshen kemili thsülo. Mathu ya Apvüwa ithu Nyiza wi kheneng gho thsü; ma nantizen nu wan kesami teshi cüden.

JEREMIYA 18:11

Tsalina Judah nu Jerusalem nyithu wi hi mathu matangle acho kiden nu mathu meten cüale kidenyadha le kizalo. Mathu ya kesami kahang wi nhangla yilo, mathu kuli keten lenwa tsü kemiliyalo kizalo.

JEREMIYA 35:15

Hi imagha atusenjüh-kechüthu tsüdi nhandhila kesun pi nthu wi chi, nu mathu na nthu na kekuli nkemehai tsü teshi nu mangwa meshon khe salo kesa nthu kizadha. Mathu na nthu acenpvü kepa wi kinyi nyelela tsüthu kekuli nsa lalo kitsanchi, isanu nthu na hi ayyi pi nthu nu nthu bamyithu kecü witsü hangyale kesalina. Isala nthu na ijüh nkina nyelela tsü nkhichila.

NONKEGÜ 3:40

Ithu len ghang kaketsü sa nu Apvüwa wi kheneng gho na lo.

HOSEYA 12:6

Tsalina khili Jakob shicübvüghathu, nthu Nyiza nondiya nu ma wi kheneng gholo. Ajühya nu meshon yalo, nu lebensie nu nthu Nyiza na kuli ketenwa tsü hielo.

HOSEYA 14:2

Apvüwa wi kheneng gholo nu kekhie ha pi ma wi nthu kekinyi sa thsülo: “Ithu kesami tsüdila teshi cü nu ithu kekhie kina cülo, isalethu ithu na khishiketheng ti no sengden.

MATHI 3:2

Ma khi, “Nthu kesami wina leben khapeghe yalo, kepaghenanye tang Kadiyyi tsüna tetsakidha.”

MATHI 3:8

Nthu na kesami wi leben khapeghe yadhale kesa pi nyu ccücale kesalina pala hathu ha salo.

MATHI 4:17

Tsü nten na Jisu na jühkemehaiwa khi pi nyu sansishu: “Nthu kesami wina leben khapeghe yalo, kepaghenanye tang Kadiyyi na tetsakidha le!”

MATHI 9:13

Wala Ntsawajüh na hati khi keben ha jjügi chüyalo, ‘Hi nanketizenwa nen khe asahang pi ahhansha kesawa tsü nye.’ Hi ketsatanthu nyela kesamithu ciya le ghole.”

MARK 6:12

Tsalina mathu na wala anyithu ya mathu kesami wina khapegheyalo kesa pi sansi.

Luk Zhükechi Jühtheü Kemehaiwa 1:16

Nu ma Israel nyi kejonla sa pi Apvüwa mathu Nyiza wi gho nengya thsüaben.

Luk Zhükechi Jühtheü Kemehaiwa 13:3

Nyele! Hi nthu kizaben, nthu na kesami wi khapeghe meya lethu, nthu la mathu ti shüaben.

Luk Zhükechi Jühtheü Kemehaiwa 13:5

Nyele! Hi nthu kizaden, nthu na kesami wi khapeghe meya lethu, nthu la mathu ti shüaben.”

Luk Zhükechi Jühtheü Kemehaiwa 15:10

Hi nthu kizaden, tsü makesü, Anyiza nyilothu na kesami nyi kesü leben khapeghekeya ghena anonghe ntsa saben.”

Luk Zhükechi Jühtheü Kemehaiwa 15:7

Hi nthu kizaden, tsü makesü, ketsatan nyi achentugu nu tugu leben nkhapeghela mehai kesathu miwi kesami nyi kesü leben khapeghekeya ghena tang wi anonghe ntsa saben.

KEKULI 11:18

Mathu na ha zakeya seng wi kicennali nsala nu Anyiza seng nu khi, “Anyiza na Judah nyi nkenyethu la leben khapeghe nu hangya thsüle kesalina matsü kemehai pi cüdha.”

KEKULI 15:19

“Tsalina hi kemeshen tsü ikhang na Judah nyi nkenyethu na Anyiza wi kheneng kegho tsü nkivvüla mehai.

KEKULI 17:30

Anyiza na anyi nkechü tsüwi tsü mula nkemu ti teshi cüdha; isala khilitsü anyi kahe wi keten tsüdila mathu nkemehai wina khapeghe yalo kesa ahza khuchidha le!

KEKULI 2:38

Pitor na mathu wi kiza, “Nthu tsüdila kesami wi leben khapeghe nu Jisu Khrista nyan wina baptaiz sa meyathu yishü, isanu nthu kesami keteshi muyale kesalina; isa lethu, nthu na Anyiza juwa Kemetha Ghamu tsü muya ben.

KEKULI 20:21

Hi leben khapegheya nu Anyiza wi ghola Jisu Khrista nondiyalo kesa pi Judah nyithu nu Grik nyithu la kizadha.

KEKULI 26:17

Hi Israel nyithu nu Judah nyi nkenyethu kwen wina no hangsha yaden, nu no kesun pi mathu wi chiden.

KEKULI 26:19

“Tsalina Kadimiwa Agrippa, hi tang wi kemanthi kemu tsü nkinala nsale.

KEKULI 3:19

Tsalina leben khapegheya nu Anyiza wi gholo, isathu ma nthu kesami teshi pi cüben na.

KEKULI 9:15

Apvüwa na ma wi khi, “Walo, kepaghenanye hi ma yala hi kekuli sa nu inyan pi Judah nyi nkenyethu, kadimithu, nu Israel nyithu chüya thsüle kesalina hi ma kessi yadha.

KEKULI 9:35

Luda nu Sharon yyi wi kahangthu tsüdila ma muya theng nu Apvüwa wi kheneng gho.

ROMNYI 2:4

Nyelela no ma keccaketssü, kethankehi, lebenkesie tsü nkhichi laten kwe? No Anyiza na no ssi wa leben khapeghekeya wi chicü le keben ghena ma ccatssü le kesa no chüben.

2 KORINTHNYI 3:16

Isala tsü khupiya mehai, Ntsawajüh na Mosa cüki kekhi ti: “Ma khathansha wi Apvüwa wi khapeghe wa khe ma mmi keshanthsü tsü khupia.”

2 KORINTHNYI 7:10

Kepaghenanye Anyiza ahathakina senya kesawa tsüna leben khapeghe kecü sengho nu ssi wa hangshakeya wi chi cüden, nu ciwi asenkemeshen nmi. Isala ayyi nyi hathakina tsüna keshü sengho cüden.

EFESANYI 4:17

Hi Apvüwa nyan wina nthu kitsan chiben: anyi Anyiza nkechüthu tsüti hang nbenla yilo, mathu kemeshen tsüna ma men nmi,

1 THESSALONIKANYI 1:9

Mathu tsüdila ikhang na nthu hhainan kegho wi nthu na khati ikhang ssiya nu nthu na khati atsikezhüthu wina khapeghe sen nu Anyiza wi gho nu atsentsa nu hangkeben Nyiza kekuli saben khe tsü cüki khiben,

CCÜCAKECHI 16:11

nu mathu kinaa nu kekhumathu ghena atssan Nyizawa tsü kishencü. Isala mathu na mathu nkemehai len wina nkhapeghe.

CCÜCAKECHI 2:21

Ma kesami wina khenengya thsüle kesalina hi matsü pi ma cü, isala ma keqheza kekuli wi nkheneng mvula.

CCÜCAKECHI 2:5

No khati kesa wina khuli bvü khe, meshen yalo! No kesami wina khenengya nu no kheni kekuli tsüti salo. Keujüla no kesami wina kheneng meya lethu, hi no wi ghola nhula kedonpen tsü ma pen wina khuyaden.

CCÜCAKECHI 3:3

Tsalina mangwa pi no sansi cü, nu no mangwa zayadha khe tsü meshenya; tsü nieya nu no kesami wina khapeghe yalo. Keujüla no nshagha lethu, hi kaghanfü nyi kesü ti no wi ghoden, nu no hi gho keten tsüwa tsü nchü.