KEKULI 26:19 - Kemethajüh (N) (Re-editing) Bible (BSI)

¹⁹ “Tsalina Kadimiwa Agrippa, hi tang wi kemanthi kemu tsü nkinala nsale.

KEKULI 26:19 Iomraidhean Croise

ISAYA 50:5

Apvüwa na chüshiya kemehai pi hi cü, nu hi ma jüh nhhaghe nyelela ma wina kheneng bvü nsa.

ISAYA 6:8

Tsaseng wi hi Apvüwa na kekhi hhai za, “Hi thowa kesunchi nu? Thowa na ithu nyilowa sa nu?” Hi luneng, “Hi waten le, hi kesunchilo!”

JEREMIYA 20:9

Isala hi khathansha wi “Hi Apvüwa malia ten le, nu ma nyan wina nkhidha,” isa khi khe njüh na anni ti hi mecang waden. Hi tsü kekheneng le ipiketsü sa, isala tsü pvüben meya laden.

EZEKIEL 12:7

Hi Apvüwa na hi salo kekhi tsü sa. Tsü ghanan wi hi kushinyi kesü ti ikhhi bhenya, nu hi minulen wi atsanjang wa keten wi ikwen pi ijjenkeshon pabhi nu ciwi na shuya. Anyi tsüdi ghang keben wi hi akhhi tsüpi idepfü wi chipi nu bvüa.

EZEKIEL 3:14

Apvüwa kekhangwa na zü ntsa nu imiwi gho, nu ma ghamu na hi pvü nu bvü keten wi, hi ileben teggü nu ighepvüya.

JONA 1:3

Isala Jonah na Apvüwa tuwi na bvüale kesalina ma alen hatheneng wiwa wa. Ma Joppa wi wa, ma ciwi ahunjjen kesü na Spain wi wale keben muya. Ma ma kepvü men pi cü nu Apvüwa wina bvüsen Spain wi wale kesa ghena ahunjjen wi kebenthu gweghe duya.

KEKULI 26:18

No mathu nyon sha chiden nu mathu kejang wina kewegü wi ghoya, nu satan kekhang kekhu wina Anyiza wi gho yaden, isanu mathu na kesami keteshi tsü muya nu Anyiza na kessikeyathu jawi mathu pen muya den.’

KEKULI 26:2

“Kadimiwa Agrippa! Hi kemeshen hi nansü icenpvü mehai ntsawa nu ghola ntuwi Judah nyithu na hi keshun jüh tsüna atsentsa nye le kesa hi ketanla isheikhi le ghoben.

KEKULI 26:20

Isala hi atuwa sa Damaska nu Jerusalem nu Israel diyyi maben nu Judah nyi nkenyethu jawi wa, nu mathu kesami wina leben khapegheya nu Anyiza wi gho, nu mathu leben khapeghe keya kekuli pi nyu ccücalo kesa pi sansi.

GALATIANYI 1:16

Hi Jisu cüki Jühtheü Kemehaiwa pi Judah nyi nkenyethu sansi thsüle kesalina ma Tsawa pi hi ccücale südhe keya wi hi anyi tho wila hi kesansi bha nwa,