KEKULI 26:18 - Kemethajüh (N) (Re-editing) Bible (BSI)

¹⁸ No mathu nyon sha chiden nu mathu kejang wina kewegü wi ghoya, nu satan kekhang kekhu wina Anyiza wi gho yaden, isanu mathu na kesami keteshi tsü muya nu Anyiza na kessikeyathu jawi mathu pen muya den.’

KEKULI 26:18 Iomraidhean Croise

ZAKECI 119:18

Hi yala n-yen wi atsentsa mankesathu tsü muya thsüle kesalina inyon sha chilo.

ZAKECI 146:8

nu anyon nkemuthu ya muya thsü. Ma khuli kesathu pieki cü; ma ma nyi ketsatanthu ghaliden.

ISAYA 29:18

Tsü tsathang na kegho wi, akhuna kedecu nyi na misikhhali sala lesü sishü keben zayaben, nu anyon nmula kejang wi hang ketenthu na anyon kü nu pala muyaben.

ISAYA 32:3

Mathu nyon nu akhuna sha pi anyithu na nsenthu keyishü ghena hie benden.

ISAYA 35:5

Anyon nkemuthu na muya, nu akhuna kedecu nyi na zayaden.

ISAYA 42:16

‘Hi inyi anyon nkemuthu ssinu mathu na kijünyi wa keten len wi waden. Hi mathu kejang sapi wegü thsüaden, nu ayyi ghagu-ghana kesa pi mathu ghena chengche sa thsüaden . Hathu hana hi khishikechithu, nu hi tsüthu tsü nteshila saaden.

ISAYA 42:7

No anyon nkemu nyon sha chiben, nu kejang wi atssüzü sa kebenthu lisha chiaben.

ISAYA 43:8

Anyiza na khi, “Inyithu cipi ajüh kaghatenpen wi chilo. Mathu na anyon ben lela nmu; mathu na akhuna ben lela kedecu le!

ISAYA 49:6

Apvüwa na hi wi khi, “Hi no ghena kekuli ketiki kesü benle, imaghawa. No hang keya Israel nyithu tsü ssigho dikeya thsü ketan sa nben, isala hi no pi mizzatentithu ghena kewegüwa la sa cüden, isanu ayyi tsüdi hangshaya thsüle kesalina.”

ISAYA 9:2

Kejang wi alentsen ketenthu na kewegü keti muyadha. Mathu na ayyi kejang wi hang keten, isala khili tsü kewegüwa na mathu miwi wegü bendha.

MALAKHI 4:2

Isala nthu ijühkina ketenthu tsü hi hangshakeya kekhang na aghani ti nthu miwi shhugho nu aghani kewegü ti sapi mehai kecü sen ghoben. Nthu na amesü zzathu ma jjen wina lisha kechi ti anonghe pi kephenki ben.

MATHI 4:10

Tsaseng wi Jisu na khineng, “Satan, bvülo! Ntsawajüh na khiben, ‘Apvüwa n-Nyiza kinyi nu ma kekuli ketan salo.!’ ”

MATHI 4:16

Anyi kejang wi kahangthu na kewegü keti kesü muyaden. Kewegü tsüna anyi kejang keshü yyi wi kahangthu wegü cüden.”

Luk Zhükechi Jühtheü Kemehaiwa 1:77

ma nyithu kiza nu mathu yala hangshakeya nu kesami teshi kecü muya thsüle kesalina.

Luk Zhükechi Jühtheü Kemehaiwa 1:79

nu tang wina keshü kejang wi hang ketenthu tsüdi miwi wegü, nu ithu lentsütson pi kecca len wi chi cüben.”

Luk Zhükechi Jühtheü Kemehaiwa 2:32

Kewegü kesü na no kenenwa tsü pi Judah nyi nkenyethu ccüca chi, nu anyankethang sen nu n-nyi Israel miwi gho.”

Luk Zhükechi Jühtheü Kemehaiwa 24:45

Tsaseng wi ma mathu leben sha pi Ntsawajüh chüshiya thsü,

Luk Zhükechi Jühtheü Kemehaiwa 24:47

nu ma nyan wina leben khapeghekeya nu kesami teshi kecü ketsijüh tsü pi Jerusalem wi atuwa sala mizzatenti tsüdi wi nkizathu yishü.

Luk Zhükechi Jühtheü Kemehaiwa 4:18

“Apvüwa Ghamu na imiwi ben, kepaghenanye ma hi ya ajühkemehaiwa pi ketha-u sansilo hi kessiya. Ma hi kesun pi atssüzüthu teshi chicü, anyon nkemuthu muya thsü, Ketizen kesathu lisha chicüden kesa pi thangchilo,

JOHAN 17:17

Atsentsawa pi mathu satemetha pi no wi chiyalo; njüh na atsentsawa.

JOHAN 3:19

Hawa hati nu ajühkekaghaten tsü saben: kewegüwa tsüna ayyi wi ghodha, isala anyithu na kewegüwa miwi kejangwa tizenki wa, kepaghenanye mathu kekuli na nmehai.

JOHAN 4:10

Jisu na luneng, “Keujüla no Anyiza ju khukechi nu no wi atssü pi hi jjü thsülo khie kebenwa tsüna thowa khe chü lethu, no ma wi khie nu ma kahangtssü pi no cü kesale.”

JOHAN 4:14

isala thowa na hi atssü pi ma cü ketenwa tsü jjüya khe dighe neng meyacha. Kepaghenanye hi atssü pi ma cü ketenwa tsüna ma wi bvü keshhugho tssükhang kesü sa nu kahangtssü nu anuphan kahang pi ma cüden.”

JOHAN 8:12

Jisu na Farisithu wi khineng, “Hi ayyi kewegüwa. Anyi thowa na hi nie ten khe ma kahang kewegüwa wi tsü bendha, nu khiela kejang wi lentsen meyacha.”

JOHAN 9:39

Jisu na khi, “Hi anyi kemehai keteshü ghan-nan le ayyi ha wi gho, isanu anyon nkemuthu yala muya thsü, nu mu kebenthu ya nmu thsü lale kesalina.”

JOHAN 9:5

Hi ayyi ha wi keben chu, ‘Hi ayyi kewegüwa.’ ”

KEKULI 10:43

Atusenjüh-kechüthu tsüdila ma cüki khi, anyithu kesü le kesü lela ma nondiyathu ma nyan kekhang wina kesami keteshi mu yaben kesa khichi.”

KEKULI 13:47

Kepaghenanye Apvüwa na ayenkhukechi ha pi ishinyi cütheng: ‘Hi no pi Judah nyi nkenyethu kewegüwa sa thsüdha, isanu ayyi nyi tsüdila hangshaya thsüle kesalina.’ ”

KEKULI 15:9

Anyiza na ikhang nu mathu nankepapa nsa, ma mathu kesami teshi pi cü, kepaghenanye mathu na nondiya.

KEKULI 2:38

Pitor na mathu wi kiza, “Nthu tsüdila kesami wi leben khapeghe nu Jisu Khrista nyan wina baptaiz sa meyathu yishü, isanu nthu kesami keteshi muyale kesalina; isa lethu, nthu na Anyiza juwa Kemetha Ghamu tsü muya ben.

KEKULI 20:21

Hi leben khapegheya nu Anyiza wi ghola Jisu Khrista nondiyalo kesa pi Judah nyithu nu Grik nyithu la kizadha.

KEKULI 20:32

“Nu hi khili nthu pila Anyiza kwen wi nu ma nanketizen wi tsü chidha, tsüna nthu sa pi züya thsü mehai nu kemihhi pi ma nyithu ghena ketheng tsü pi nthu cüben.

KEKULI 26:19

“Tsalina Kadimiwa Agrippa, hi tang wi kemanthi kemu tsü nkinala nsale.

KEKULI 26:23

tsüna Khrista na ketizen nsathu yishü nu ma keshü wina hangneng-keshagha atuwa sa nu hangshakeya kewegüwa pi Judah nyithu nu Judah nyi nkenyethu tsüdi wi kiza.”

KEKULI 3:19

Tsalina leben khapegheya nu Anyiza wi gholo, isathu ma nthu kesami teshi pi cüben na.

KEKULI 5:31

Israel nyithu yala leben khapeghe nu kesami keteshi muya thsüle kesalina Anyiza na Jisu zanki pi ma kwen ajewa chiya nu ma pi Kadimiwa nu Hangshawa sa thsüdha.

ROMNYI 8:17

Ithu na ma tsangathu saya kesalina ithu na ma kemihhi pi ma nyithu ghena kiden ketheng tsü ghong yaden, nu ithu Anyiza na pi Khrista ghena kethengwa tsü la ma gweghe ghong yaden; kepaghenanye ithu na Khrista gweghe ketizen kesa ghena ma nyankethang wi la ma gweghe yaben.

1 KORINTHNYI 1:2

Kor rinth wi Anyiza kemehu wi, ci pi Anyiza kemetha nyi saya kesathu tsüdi, Jisu Khrista wina ma ji saya kesathu, kahe wi anyi tsüdila gweghe nu mathu nu ithu Pvüwa, Apvüwa Jisu Khrista kinyi ketenthu wi kechi:

1 KORINTHNYI 1:30

Isala Anyiza na nthu sa pi Jisu Khrista wi benya thsü, nu Anyiza na Khrista sa pi ithu ghena kemetsawa, ketsatanwa, satekemethawa, nu khushikeyawa sa thsüdha.

2 KORINTHNYI 4:4

Mathu na n-nondi, kepaghenanye ayyi ha wi nkemehai cenpvü na mathu leben pi kejang wi chidha. Ma mathu sa pi Jühtheü Kemehaiwa wina kegho wegü kebenwa Khrista nyankethang cüki Anyiza tsi ti kesawa tsü nmu thsüladen.

2 KORINTHNYI 4:6

Anyiza na “Kewegüwa na kejang wina wegü shhugho ben!” kekhiwa tsü makesü Nyiza na ma kewegü pi ithu leben wi wegü cü, ithu ssigho Anyiza nyankethang Khrista miwi wegü keben palakechü wi tsü chi cüben.

2 KORINTHNYI 6:14

Nkenondithu tsü gweghe kulile nsa lalo, kepaghenanye tsüti mangla saya nben. Khati nu ketsatan nu nketsatan gweghe ya mehai nu? Khati nu kewegü nu kejang gweghe hangya mehai nu?

GALATIANYI 2:20

Tsalina khili hang kebenwa tsüna hi nyedha, isala hi wi hang kebenwa tsüna Khrista. Hi khili hang kebenwa kahang ha na hi tizen nu ighena ma kahangli khuchi kesawa Anyiza Tsawa kenondi wina hang ben.

GALATIANYI 3:14

Jisu Khrista wina Anyiza na sawegü pi Abraham kecü tsü yala Judah nyi nkenyethu miwi ghoya thsü, nu ithu yala kenondi wina Anyiza na Aghamu jühkhukechi tsü muya thsüle kesalina Khrista na ha kulichidha.

GALATIANYI 3:2

Ajjügi kesü ha pi hi kizalo: Nthu na Ayenwa nie nu kekuli ghenala ajühkemehaiwa zaya nu kenondi ghena Anyiza Ghamu muya nu?

EFESANYI 1:11

Pala tsüdila Anyiza kemeshen nu kenen wina sacenya, nu Anyiza na ma kemeshen ghena aghatsan wina khi ketheng ti Khrista wina ithu kessi pi ma nyithu saya thsüdha.

EFESANYI 1:14

Aghamu hana Anyiza na ma nyithu wi khishi ketheng tsü ithu na muyaben, nu ha Anyiza na kekhenkeghe mangla nkemi pi ma ji ithu cüben kesa chüti kebenwa tsü. Ithu ma nyankethang tsü seng nalo!

EFESANYI 1:18

Hi nthu leben shachi pi ma kewegüwa tsü muyalo khieben, isanu ma kaghang mangwa wina nthu ciya, nu ma ma nyithu wi khishi kethengthu tsüna amankesa kemihhi khatila ben khe chüya thsüle kesalina,

EFESANYI 1:7

Kepaghenanye Khrista na ahhansha sa keshü ghena ithu lisha chicü, tsüna ithu kesami teshi cüdha. Anyiza nanketizen na khacula di nu,

EFESANYI 2:8

Kepaghenanye kenondi ghena Anyiza nanketizen wi nthu hangsha yadha. Hawa ha nthu ketanla sa keya nye, isala Anyiza na aju khukechi.

EFESANYI 4:18

nu mathu leben na kejang wi ben. Anyiza na khukechi kahang wi tsü mathu shei nmi, kepaghenanye mathu na nchütha nu leben-dhu kesalina.

EFESANYI 5:11

Anyithu na sa keten kejang kekuli pala ma men nkemithu tsü gweghe mangla nsala, isala tsüthu tsü pi nyu chüya thsülo.

EFESANYI 5:14

kepaghenanye kewegü tsüna pala tsüdi pi methasi ccüca chiaben. Tsalina hati khiben, “O jen kebenwa shagha yilo, nu keshü wina shaghalo; Khrista na nthu wegü cüben.”

EFESANYI 5:8

Nthu na kejang wi hang keten, isala nthu na Apvüwa nyithu saya kesalina kewegü wi bendha. Tsalina nthu anyi kewegü wi kebenthu ti nhangthu yishü,

EFESANYI 6:12

Kepaghenanye ithu na anyithu ssi kaghashen nben, isala atssan wi nkemehai ghamu kekhangthu, kekhang kesenthu, kedithu, nu ayyi kejang ha wi kekhangthu ssi kesali ben.

2 TIMOTHI 2:26

Tsaseng wi mathu na chüya lethu, atsaghang na mathu ghan pi ma jühkina thsü keten ca wi tsüna bvüaben.

IBRINYI 10:10

Kepaghenanye Jisu Khrista na Anyiza ma ya sa thsü mvu keben tsü sa, ma ma gwo pi kutitan anuphan ghena ahhansha sa kechi wi kesami wina ithu tsüdi satemetha cüdha.

IBRINYI 10:14

Ma ahhansha kesütan sa kechi wina anuphanla kesami wi kebenthu tsü satemetha cencu cüdha.

IBRINYI 11:6

Anyi thola kenondi nsenla Anyiza kenen saya nben, kepaghenanye thowa na Anyiza wi gho khe ma Anyiza na hangben nu ma bhagho ketenthu kutimen pi cüten kesa kenondi nbenthu yishü.

IBRINYI 9:15

Ha jjügi ghena Khrista na cenkethenjüh ketheüwa tsü sa kecüwa, isanu Anyiza na ciya kesathu yala Anyiza jühkhukechi anuphan kesawegüthu tsü muya thsüle kesalina. Hawa ha saya mehai kepaghenanye ma keshü ghena anyithu na cenkethenjüh atuwa kekhu wi ben nu kesazzithu wi tsüna mathu lisha chicüdha.

JAMES 2:5

Hi ketizenthu, ha kinachilo! Anyiza na ayyi ha wi kahhatu nyi kessi pi kenondi wi keban saya thsü nu pi ma tizen ketenthu cüle khishichi ketheng kadiyyiwa tsü ghongya thsü.

1 PITOR 1:4

tsalina ithu na Anyiza na kesawegüthu pi ma nyithu ghena theng kethengthu tsü yaya thsüle ghang benden. Ma tsüthu pi bighe, yasa, nyelela jüwa nkeya pen tang wi nthu ghena theng.

1 PITOR 2:25

Nthu na khaghanenithu mathu len deja wa kesa ti sa, isala khili tsü nthu ssi neng gho nthu ghamu Kehiewa nu Kenonccawa wi chidha.

1 PITOR 2:9

Isala nthu na kessikeya mizza, kadimi keqhaikedithu, kemetha mizzatenti, Anyiza nyithu, Anyiza kekuli amankesathu tsü pi thangchilo kessiya, ma kejang wina nthu cishi pi ma kewegü, amankesa wi chiya kesawa tsü.

1 JOHAN 1:9

Isala keujüla ithu kesami khishi pi Anyiza wi chi lethu, ma ajühtsentsa nu ketsatan saben; ma ithu kesamithu teshi cü nu nketsatan tsüdi wi ithu satemetha cüben.

1 JOHAN 2:12

Itsangathu, Khrista ghena kesami teshi pi nthu cü kesalina hi ha zhü pi nthu cüben.

1 JOHAN 3:8

Thowa na kesami saben ten khe ma Atsaghang ji, kepaghenanye Atsaghang na aghatsan wina samidha. Anyiza Tsawa hang kegho ma jjügi Atsaghang na kuli ketheng tsü yasa cüle kesa ghena.

1 JOHAN 5:19

Ayyi maben na Nkemehaiwa kekhang kekhu wi ben lela ithu na Anyiza tsangathu le kesa ithu chüben.

JUDE 1:1

A maghawa, nu James cünyuwa Jude na pi Anyiza na ciya kesathu, Abawa Anyiza kaghali pvü nu Jisu Khrista na noncca keten wi hang ketenthu kecü:

CCÜCAKECHI 21:27

Isala nkemetha mangla, nyelela nkemejüghe kekulithu, nyelela milikemesa kekhithu kesüla anyunutiwa wi tsü duya nben. Khaghanenizzawa kahang lesüshen wi ma nyan zhü kethengthu ketan na anyunutiwa wi tsü duyaben.