KEKULI 26:17 - Kemethajüh (N) (Re-editing) Bible (BSI)

¹⁷ Hi Israel nyithu nu Judah nyi nkenyethu kwen wina no hangsha yaden, nu no kesun pi mathu wi chiden.

KEKULI 26:17 Iomraidhean Croise

1 KHENICÜKI 16:35

Ma wi hati khilo, “O, Anyiza, ithu Hangshawa, ithu hangsha yalo; ithu saghu yalo; mizzatentithu wina ithu kekashaya, isanu ithu na no nkesengcha sala n-nyan kemethawa tsü seng thsülo.”

ZAKECI 34:19

Anyi kemehai nyi na gükeccü kejon wi ketizensa, isala Apvüwa na tsüthu tsüdi wi ma hangsha cüden.

JEREMIYA 1:8

Mathu nmessila, kepaghenanye hi no khweyale kesa ghena no ssiden. Hi Apvüwa, hi khidha!”

EZEKIEL 3:5

Hi no kesun pi asang mizzatenti kesü ajüh kedhu khi ketenthu wi nyela Israel nyithu wi chiben.

KEKULI 13:50

Isala Judah nyithu na anyunuti tsüwa wi accülikesathu nu Judah nyi nkenye atheghi kemehai wi nza Anyiza kinyi ketenthu kethukehi chia. Mathu na Paul nu Barnaba manyi meten-mesha shagha nu ayyi tsüwa wina manyi jügü shia.

KEKULI 16:39

Tsalina mathu ghola manyi wi kesami keteshi khie nu atssüzüjjen wina manyi ssi shhula anyunuti tsüwa wina bvülo khie.

KEKULI 17:10

Aghaja sa meyi kenondithu na Paul nu Sila manyi kesun pi Berea wi wa thsüa. Manyi na wa cu keya wi Sinagog wi du.

KEKULI 17:14

Tsalina kenondithu na Paul kesun pi atssükaten yyi wi wa thsüa, isala Sila nu Timothi manyi na Berea wi ben wa.

KEKULI 18:10

kepaghenanye hi no ssiden. thola no patenaya nben, kepaghenanye anyunuti ha wi inyithu kejonla ben.”

KEKULI 25:3

mathu kenenwa sa nu Paul pi Jerusalem wi gho neng thsülo khie, kepaghenanye mathu alenca wi Paul pathiale sa.

KEKULI 28:28

Tsaseng wi Paul na khi, “Nthu na ha chü meyathu yishü, Anyiza na hangshakeya ketsijüh ha kesun pi Judah nyi nkenyethu wi chicüdha. Mathu na tsü yayaben.”

KEKULI 9:15

Apvüwa na ma wi khi, “Walo, kepaghenanye hi ma yala hi kekuli sa nu inyan pi Judah nyi nkenyethu, kadimithu, nu Israel nyithu chüya thsüle kesalina hi ma kessi yadha.

ROMNYI 11:13

Hi khili nthu Judah nyi nkenyethu wi khiben: Hi Judah nyi nkenyethu ghena apostel sa keben chu hi kekuli wi kapvüshüsha saden.

ROMNYI 15:16

tsüna hi ya Jisu Khrista magha kesü sala Judah nyi nkenyethu ghena kuli thsüben. Hi keqhaikedi kesü ti kuli nu Anyiza wi Jühtheü Kemehaiwa pi sansi, isanu Judah nyi nkenyethu ya kekinyi kesü ti sa nu Kemetha Ghamu wina satemetha pi Anyiza wi chi nu yaya kemehai saya thsüle kesalina.

GALATIANYI 2:9

Accülikesathu, James, Pitor, nu Johan, hathu na Anyiza na kekuli ha pi hi cü ketheng mu; tsalina ithu gweghe kesü kesa zensu wina mathu kwen ajewa pi Barnaba ishinyi kwen zankethe. Barnaba ishinyi na Judah nyi nkenyethu jawi kuli nu mathu na Judah nyithu jawi kulile kesa cenya.

1 TIMOTHI 2:7

Tsalina hi ya kenondi nu atsentsawa ketsijüh tsü pi thangchilo kesalina hi pi Judah nyi nkenyethu ghena apostel kesü nu kesansiwa sala kesunchi. Hi milimesa nben; hi atsentsawa khiben.

2 TIMOTHI 1:11

Anyiza na hi Jühtheü Kemehaiwa pi thangchilo kesa ghena hi pi apostel nu kesansiwa sa thsüdha,

2 TIMOTHI 3:11

hi kemeten-kemesha, nu hi ketizenkesa mudha. Antiok, Ikonium, nu Lustra wi imiwi khati sa nu hi kemeten-kemesha nkemehai ntsa wi kethankehikeya tsüdi no chüben. Isala Apvüwa na tsüthu tsüdi wi hi khushi cü.