KEKULI 26:16 - Kemethajüh (N) (Re-editing) Bible (BSI)

¹⁶ Isala no shagha nu ngan yalo. No imaghawa saya thsüle kesalina hi no wi gho. Nu no nansü he wi mangwa muya nu hi ashiseng wi mangwa pi no ccücaten khe no tsü khi pi nyu kepa wi kizaden.

KEKULI 26:16 Iomraidhean Croise

EZEKIEL 2:1

Hi tsü kemu wi, ayyi wi khulidu nkhwen wa. Tsaseng wi hi ahhai kesü khi keben za, “Keshü nyiwa, shaghalo. Hi no ccüneng mvu ben le.”

DANIEL 10:11

Tangnyilowa na hi wi khi, “Daniel, Anyiza na no ghaliben, shagha nu hi mangwa khi le ben khe mehaitsü kina yalo. Hi kesun pi no wi chitheng le.” Ma ha kekhi seng wi hi kedheggüla shagha.

Luk Zhükechi Jühtheü Kemehaiwa 1:2

Mathu na aghatsan wi anyon pi mu nu ketsijüh pi kekhithu na pi ithu kekiza ti zhüchi.

KEKULI 1:17

Judah na ikhang jawi anyi kesü, kepaghenanye ma kessi pi ikhang gweghe kekuli sa thsü kesalina.”

KEKULI 1:25

Judah na teshi theng nu ma pen wi wa kesawa tsü mithon wina apostel kesü kekuli sa thsüten khe.”

KEKULI 20:24

Isala hi Anyiza nanketizen wina Jühtheü Kemehaiwa ha pi khilo nu Apvüwa kekuli salo pi hi kecü tsü sacenle kesalina hi hi kahang ha pi mangla nkenye saden.

KEKULI 21:19

Paul na mathu shalom sachi, nu Anyiza na khati ma ssinu Judah nyi nkenyethu jawi kuli khe tsü cüki mabenla khi pi mathu kiza chia.

KEKULI 22:10

Hi ma wi ‘Apvüwa, hi khati sa nu?’ keü. Apvüwa na hi kiza, ‘Shagha nu Damaska wi walo, ciwi no mangwa nsathu yishü khe kiden ketheng tsüdi pi no kizaben.’

KEKULI 23:11

Tsü ghaja Apvüwa na gho Paul kete wi ngan nu ma wi khi, “Nmessi lalo! No he Jerusalem wi icüki pi khichidha, nu no wa Rom wila tsüti nsathu yishüben.”

KEKULI 26:15

Hi keü, ‘Apvüwa, no thowa nu?’ Apvüwa na hi kiza, ‘Hi Jisu, no ma meten-mesha ketenwa tsü le!

KEKULI 6:4

Isanu ikhang na matsü tsüdi pi kekhie sa nu nyu sansi isa na.”

ROMNYI 1:5

Anyiza na mizzatenti tsüdila ssi wa nondiya nu nieya thsüle kesalina ma wina hi pi Khrista ghena apostel kesü saya thsü.

ROMNYI 15:16

tsüna hi ya Jisu Khrista magha kesü sala Judah nyi nkenyethu ghena kuli thsüben. Hi keqhaikedi kesü ti kuli nu Anyiza wi Jühtheü Kemehaiwa pi sansi, isanu Judah nyi nkenyethu ya kekinyi kesü ti sa nu Kemetha Ghamu wina satemetha pi Anyiza wi chi nu yaya kemehai saya thsüle kesalina.

2 KORINTHNYI 4:1

Anyiza na nanketizen wina kekuli ha salo pi ikhang kecü ghena ikhang accükwenshü nten.

2 KORINTHNYI 5:18

Ha tsüdila Anyiza na Khrista wina sachi, ikhang ma ghinyithu ha kemili pi ma pvüshangthu sa thsüa, nu anyi kepathu la pi ma pvüshangthu saya thsülo kesa kekuli pi ikhang then chidha.

GALATIANYI 1:12

Kepaghenanye hi anyi wina tsü mu meya nyelela thola tsü pi hi nsansi. Tsüna Jisu Khrista na ma ketanla pi hi ccüca kechi.

GALATIANYI 2:2

Hi ciwi nwathu keyishü Anyiza na pi hi keccüca ghena wa. Hi ketan wala accülikesathu kemetu wi hi ajühkemehaiwa pi Judah nyi nkenyethu kesansi cüki khi pi mathu kiza. Hi kheni nyelela nansü kekuli tsü pi ma men nkemi nsa thsü mvu.

EFESANYI 3:3

Anyiza na ma kemeshen kekuthi tsü pi hi ccüca chidha. (Hi tsü cüki melute zhüchi,

KOLOSSINYI 1:23

Nthu na ajühkemehaiwa zakeya wi kekiyi mukeya kaghangwa tsüna apen nketsen thsüla zükeqhe nondiki, nu ghansen khvu nbenthu yishü. Ajühkemehaiwa ha ghena hi, Paul na amagha kesü saben, nu ajühkemehaiwa ha pi ayyi wi anyi tsüdi sansi chidha.

KOLOSSINYI 1:25

Anyiza na hi pi kemehu maghawa sa thsüdha, nthu ghena kemehaiwa salo kesa ghena kekuli ha pi hi dhen chicüdha. Kekuli hawa ha ma ketsijüh pi thangchilo kesawa tsü,

KOLOSSINYI 1:7

Nthu na ikhang kuti wina atsentsa Khrista kekuli sa nu gweghe amagha sa keten ketizenwa Epafra wi Anyiza nanketizen cüki tsü zayadha.

1 THESSALONIKANYI 3:2

nu ikhang cünyuwa Timothi, ikhang gweghe Khrista cüki Jühtheü Kemehai kekhi wi Anyiza kekuli sa ketenwa kesunchi le kesa südheya. Ikhang ma kesun pi nthu satezü nu nthu kenondi kiqa cü,

1 TIMOTHI 1:12

Hi keseng pi ithu Pvüwa Jisu Khrista cüben, kepaghenanye hi kekuli ha saya kemehai ma kekhang pi hi cü. Ma hi ghan-nan nu hi pi ma kekuli ha kesa qo nyi sakeya thsü ghena hi ma sengben,

1 TIMOTHI 4:6

Keujüla no kecükegwe hathu ha pi acünyuthu kiza lethu, no kenondi jüh nu no nieya kesa atsentsawa kesansijüh pi no ketanla no ghanja keten tsüti no Khrista Jisu magha kemehai kesü sayaben.

2 TIMOTHI 4:5

Isala no matsü tsüdi wi no kekheneng meyathu yishü; ketizenkesa wi kethankehiya, jühketsinyi kekuli sa, nu no Anyiza magha kekuli tsü maben satenlo.