KEKULI 26:13 - Kemethajüh (N) (Re-editing) Bible (BSI)

¹³ Njenkebenwa, Kadimi! Alenca wi wa keten ghanan lapvü wi hi tang wi kewegü kesü aghani mi wila wegüki kesa mu, tsüna gho hi gweghe wa ketenthu wegü kevüliya.

KEKULI 26:13 Iomraidhean Croise

ISAYA 24:23

Asha na jang nu aghani na nwegüla ben, kepaghenanye Apvüwa Kekhang ntsawa na Kadimiwa saaden. Ma Zion Yikha miwi ben nu Jerusalem wi kekhang senden, nu anyi ccülikesathu na ma nyankethang muden.

ISAYA 30:26

Asha na aghani ti wegüben, nu aghani na kheni-ghanie miwi tagü tughu wegüki saaben, ghanan tagü kewegü saghu pi kesütan kewegü ti saaben. Apvüwa na ma nyithu mesa- mena ketheng sapi mehai kecü wi hathu ha tsüdila saaben.

MATHI 17:2

Mathu na ghang keben wi Jisu tsi na makepa sa: ma mmi na wegü pila aghani ti nu ma thsümeni na miki pi cwencwe sa.

KEKULI 22:6

“Hi ghanan lapvü Damaska tetsaki wa keten wi tang wi kewegü kesü na gho hi wegüya.

KEKULI 22:9

Anyi hi gweghe ketenthu na kewegüwa tsü mu, isala hi zakeben ahhaiwa tsü nza.

KEKULI 26:12

“Ha jjügi ghena hi keqhaikedi ntsathu wi kekhang khieya nu Damaska wi wa.

KEKULI 26:14

Ciwi ikhang tsüdila ayyi wi khulidua, nu hi ahhai kesü Ibri jüh wina hati kekhi zaya, ‘Saul, Saul, no mangkesa na hi meten-mesha ten nu? Amesü süpon na ma pvüwa khhatssü tekaki keya ti no akusü tekaki nu no ketanla no mesa-mena ben.’

KEKULI 9:3

Saul na Damaska nyunutiwa tetsaki wa keten wi tang wi kewegü kesü na gho ma ghongya.

CCÜCAKECHI 1:16

Ma kwen ajewa wi ghotsithu tagü khusen, nu ma pang wi njünnu ghapeli ma yiyha keben na shhugho, nu ma mmi na aghanan wi aghani wegü keben ti kesa.

CCÜCAKECHI 21:23

Anyunutiwa tsüna aghani nu asha kewegü nsenla mehai, kepaghenanye Anyiza nyankethang na ciwi wegü, nu Khaghanenizzawa na ahula saben.