KEKULI 24:26 - Kemethajüh (N) (Re-editing) Bible (BSI)

²⁶ Ma Paul na apisa pahan pi ma cübenle kesa meshen, tsalina ma matsü kejon tughula Paul cichi nu ma ccüneng.

KEKULI 24:26 Iomraidhean Croise

2 KHENICÜKI 19:7

Apvüwa kinyikü nu kiden-keshala kulilo, kepaghenanye Apvüwa ithu Nyiza na kemeshonwa kemilikesa nyelela nankepapa kesa nyelela alaa khukeya tsü ghangpvü benya nten.”

Job Lesüshen 15:34

Anyiza nkenondithu na ashicü benya nben, nu anni na alaa pi sa ketheng jjen tsü yasa ben.

BVÜKESHHU 23:8

Alaa tsü meyala, kepaghenanye alaa tsüna anyi nyon sapi kemeshonwa tsü nmu thsüla, nu kesazzi nkemiwa yasa den.

KEMETSAJÜH 17:23

Gheshighena pendhethu na kekuthi wi alaa tsü yaden, isanu atsentsawa nsaladen.

KEMETSAJÜH 17:8

Anyi pahan na alaa tsüna kedema ti kuliya mehai le meshen den; mathu na tsüna pala tsüdila kuliya mehai le nondi den.

KEMETSAJÜH 19:6

Anyi tsüdila anyi kemechanthu tsü kenen pvüya le kiden ben den; anyi tsüdila nyu kenen kesa khuchi ketenthu tsü pvüshang le khiden.

KEMETSAJÜH 29:4

Khathansha wi kadimiwa na kemeshon kekuli wi lebenchi khe mizzatenti na zü ben den, isala khathansha wi ma apisa ketan meshen khe ma ma diyyiwa tsü yasa den.

ISAYA 1:23

Nccülikesathu na nyu kematang nu kaghanfü pvüshangthu; mathu na keshüthangla aju nu alaa yaben den. Mathu na ajühkaghatenpen wi magha-maghangthu sheipi nten, nyelela denyi-demathu na mathu kaghatenjüh sengho chi lela kina cü nten.

ISAYA 33:15

Nthu na kemeshonwa tsü khi nu kuliten lethu hangya mehai. Nthu kahang sen nu ketha-u nmechula nu alaa meyala. Nyu pathi nyelela kekuli nkemehai kepa wi sale kiden kebenthu ssinu nsaghula.

ISAYA 56:11

Mathu na khiela lebenghaya nketen apvükemene ffü tsüti kesa. Accülikesa hathu hana mangla chüshi keya nmi. Mathu tsüdila ma kenen ketan sa nu ma kekiyi bhaden.

EZEKIEL 22:27

Kidhan wi kedithu na adennithu na mathu ghan ketheng aghangsathu mezüthi zighe keten ti le. Mathu na benyale kesa ghena nyu kepathi kekuli saden.

EZEKIEL 33:31

Tsalina inyithu na azitenti saghuya nu no mangwa khi khe kinale saben, isala mathu na no mathu salo kekiza tsü sa nten. Mathu pang ketan pi lebenkechi jüh khiden, isala mathu na apvükemene len wi tsü benden.

HOSEYA 4:18

Kisengtssü kejon jjükeya sengwi mathu na kenyuwakü miwi nyankekinyen sala keqheza menkedsa kekuli kesawa mathu nonghe den.

MIKA 3:11

Anyunutiwa wi kekhang kesenthu na alaa ghena kekhangsen, keqhaikedithu na athün ghena Ayenwa tsü khimetha, nu atusenjüh-kechüthu na apisa ghena mathu ccücakechi mukeya khuchi; nu mathu tsüdila Apvüwa na mathu ssiten le nkaden. Mathu na khiben, “Apvüwa na ithu ssi keten ghena ithu miwi nkemehai mangla gho nben.”

MIKA 7:3

Mathu tsüdila nkemehai sapichüthu ketan. Kedithu nu pendhethu na alaa khieden. Anyi kekhangthu na ma mangwa yamvu ben khe mathu kiza, nu mathu gweghe acho kiden den.

MATHI 17:3

Ciwi sansikeyathu na Mosa nu Elijah manyi na Jisu ccüneng keben mu.

KEKULI 24:17

“Hi amapi keni kecheng Jerusalem wina kebvü seng wi apisa pi inyithu cü nu kekinyi sale ciwi wa neng.

1 KORINTHNYI 6:9

Anyi gheshighenathu na Anyiza kadiyyi muya nben kesa tsü nthu na chübenla metsi. Nthu ketanla nthu nmechu lalo; anyi kahang nkemetha, atsikezhü kekinyithu, qheza-qhenathu, npvüza qhezamen kedsathu, nza npvüza yen nkenyekesa,

AYENZHÜNENG 16:19

Mathu na ajüh kaghakhi wi nkemeshon nu nankepapa sa nben; nu mathu na alaa ya nben, kepaghenanye alaa tsüna anyi kemetsawa nu atsentsawa nyon sapi nmu thsüla nu mathu ya kesazzi wi südhe chicüden.

2 PITOR 2:3

Mathu pvükemene wina milikemesa kesansithu na chokemehai wi kekhi cüki pi nthu kiza nu mathu ghena kekiyi saben. Kepaghenanye kheni tsü wina mathu jühkaghaten keten tsü kiden pi thengdha, nu mathu Keyasawa tsüna jen nben le!

1 SAMUEL 12:3

Hi hewi benle. Keujüla hi kulizzi lethu, khili Apvüwa nu ma kessikeya kadimiwa tuwi na hi kimenni cülo. Hi anyi pahan mesü nyelela gada khuya kwe? Hi anyi pahan mechu nyelela pasha kwe? Hi anyi pahan wi alaa khuya kwe? Keujüla hi hathu ha kesüla satheng lethu, hi mangwa khuya theng khe pi ma cü neng shaben.”

1 SAMUEL 8:3

Isala manyi na manyi ba tsütsonca tsü n-nie; manyi na apisa len wi ketan kekiyi bha, tsalina manyi na nyu wi alaa khuya nu atsentsa wi ajüh südhe ncü.